Pages

Monday, July 6, 2015

தமிழக அரசுக்கு அதிரை பாருக் வழங்கும் யோசனை !

தமிழக அரசின் சிறுபான்மையினர் நலத்துறை அமைச்சகம், தமிழக அரசு பள்ளிகள், அரசு உதவி பெறும் பள்ளிகள், அங்கீகரிக்கப்பட்ட தனியார் கல்வி நிலையங்களில் பயிலும் சிறுபான்மையின மாணவ- மாணவிகளுக்கு கல்வி உதவித் தொகை வழங்கி வருகிறது.

கல்வி உதவித் தொகை பெற விண்ணப்பத்தோடு வருமானச்சான்று, சாதிச்சான்று உள்ளிட்டவற்றை அரசு அலுவலர்களிடமிருந்து பெற்று இணைக்க வேண்டும். இதில் ஏற்படும் நிறை - குறைகளை அரசிற்கு சுட்டிக்காட்டி, மாதிரி சான்றிதழ்களை இணைத்து கடிதம் மூலம் யோசனை வழங்கிருக்கிறார் நமதூரை சேர்ந்த சமூக ஆர்வலர் அதிரை பாருக்.

இதுதொடர்பாக அரசிற்கு சமூக ஆர்வலர் அதிரை பாருக் எழுதியுள்ள கடிதத்தில் கூறியிருப்பதாவது:
அனுப்புதல்:
A.பாரூக் ( வயது 59)
CELL NO : 9600304297
68, காலியார் தெரு
அதிராம்பட்டினம் அஞ்சல்,
பட்டுக்கோட்டை தாலுக்கா
தஞ்சாவூர் மாவட்டம் -614701

பெறுதல்:
மாண்பு மிகு பள்ளி கல்வித்துறை அமைச்சர் அவர்கள்,
தமிழ் நாடு அரசு தலைமை செயலகம்,
சென்னை-9

மாண்புமிகு பள்ளி கல்வித்துறை அமைச்சர் அவர்களுக்கு A. பாரூக் எழுதிய கடிதம்:
மாணவ, மாணவிகளுக்கான கல்வி உதவி பெறுதல் தொடர்பாக ஜாதிச் சான்று, வருமானச் சான்று, இருப்பிடச் சான்று மற்றும் முதல் பட்டதாரி சான்று பெறுவது தொடர்பாக ஒவ்வொரு கல்வி ஆண்டும் மாணவ, மாணவிகளும், பெற்றோர்களும் கடும் கோடையில் சம்மந்தப்பட்ட நிர்வாக அதிகாரிகளை ( V.A.O, R.I, AND THASILDAR ) சந்தித்து தேவையான சான்றுகளை பெறும், பழைய முறைகளை மாற்றி இலகுவான புதிய விதி முறைகளை அமுல் படுத்தக்கோரி எனது இந்த புதிய ஆலோசனைகளை தமிழக அரசுக்கு அவசரமாக அனுப்புகின்றேன். இந்த புதிய முறைகளில் சான்று வழங்குவதில் உள்ள சாதகங்களை, சம்பந்தப்பட்ட அதிகாரிகளிடம் அரசு உடனடியாக கலந்து ஆலோசித்து துரித நடவடிக்கைகளை மேற்கொள்ளுமாறு கேட்டுக் கொள்கிறேன்.

சாதிச்சான்று ( COMMUNITY CERTIFICATE ):
1. ஒன்றுக்கும் மேற்பட்ட பிள்ளைகள் வெவ்வேறு பள்ளி மற்றும் கல்லூரிகளில் பயின்று வரும் நிலையில் ஒரு குடும்பத்தில் ஏதாவது ஒரு மாணவன் , அல்லது மாணவி ஏற்கனவே பெற்ற சாதிச்சான்று நகலை சுய விண்ணப்ப மனுவுடன் ஏற்று மற்ற பிள்ளைகளுக்கு உடனடியாக தாசில்தார் அவர்கள் சாதிச்சான்று வழங்கும் புதிய நடை முறையை அரசு அமல்படுத்தலாம்.

2. ஏற்கனவே இருக்கும் சாதியை விட்டு நீங்கி வேறு சாதியில் ஒருவர் சேர்ந்து இருந்தால் அது தொடர்பான AFFIDAVIT ஆதாரமாக பெற்று ( தாய், தந்தை அல்லது பிள்ளைகள் கூறும் உறுதி மொழியுடன் ) வட்டாட்சியர் அவர்கள் சான்று வழங்கலாம். சாதி சான்று அட்டையின் பின்புறம் ஒரே குடும்பத்தை சார்ந்த மற்ற பிள்ளைகளுக்கு வழங்கப் பட்ட சாதி சான்று விவரங்களையும் குறிப்பிடலாம்.

இருப்பிடச்சான்று ( NATIVITY CERTIFICATE ):
1-ம் வகுப்பு முதல் 5-ம் வகுப்பு வரையிலும், 6-ம் வகுப்பு முதல் 12-ம் வகுப்பு வரையிலும் மற்றும் கல்லூரியில் 5-ஆண்டுகளும் (3+2) தொடர்ச்சியாக பயன் படுத்தும்  வகையில் கனமான  அட்டைகளில்  இருப்பிட சான்று வழங்கலாம்.,
குடும்ப அட்டையுடன் ஏதேனும் ஒரு வங்கி கணக்கு புத்தகத்தை ஆதாரமாக கொண்டு வட்டாட்சியர் அவர்கள் சான்றுகள் வழங்கலாம், முகவரி மாற்றம் இருப்பின் அதற்கான சான்றுகளை அதிகாரிகள் பெற்றுக் கொள்ளலாம்.

வருமானச் சான்று ( INCOME CERTIFICATE ):
வருமானச் சான்று 6 மாதங்கள் மட்டுமே செல்லு படியாகும்  என்ற விதிமுறை தொடர்ந்து அமுலில் உள்ளது. இருப்பிட சான்று வழங்கும் நடைமுறையைப் பின்பற்றி தொடர்ந்து பயன்படுத்தும் வகையில் (ஒரே அட்டை) கனமான அட்டையில் அந்தந்த கல்வி ஆண்டுகளை பதிவு செய்து வருமான சான்றுகளை வழங்கும், புதிய முறையை அரசு அமுல் படுத்தலாம். இந்த புதிய முறைகளை மாநில அரசுகளும், மத்திய அரசும் செயல் படுத்துவதன் மூலம் பெற்றோர்கள் மற்றும் மாணவ, மாணவியர்க்கு இது தொடர்பான அலைச்சல் குறைவதுடன் சம்பந்தப்பட்ட அதிகாரிகளுக்கும் பனிச்சுமை குறையும்.

மத்திய அரசு அறிவித்துள்ளது போல் ( கடந்த 29-06-2015 அன்று வெளியான ஆங்கில நாளிதழ் செய்தியின் அடிப்படையில்) சுய விவரங்களுடன் கூடிய விண்ணப்பங்களை பெற்று ( தேவை எனில் AFFIDAVIT பெற்றுக்கொண்டு ) அதன் அடிப்படையில் இந்த சான்றுகளை துரிதமாக வழங்க அரசு நடவடிக்கை மேற்கொள்ள வேண்டும். ஆன்லைன் மூலமாக இந்த  பணிகள் மேற்கொள்ளப் பட்டாலும் அதுவும் மிகவும் காலதாமதமாவதாக பெற்றோர்களும் மாணவ, மாணவிகளும் குறை கூறுகின்றனர், எனவே இதில் நான் கூறியுள்ள புதிய நடைமுறைகளை அமல்படுத்துவது பயன் உள்ளதாக இருக்கும் என்று கருதியே இந்த புதிய ஆலோசனைகளை அரசுக்கு அனுப்பி உள்ளேன் .

வருமானச் சான்று: ( மாதிரி )
வருமானம் பெரும் பெற்றோரின் பெயர்
திரு/திருமதி: ................................S/O.W/O.--------------------
பணியின் விவரம்-----------------( 1. அரசு பணி 2. தனியார் நிறுவன பணி 3. சுயதொழில் )
வருவாய் ஆண்டு ---------------------------                  
சான்று வழங்கும் அலுவலரின் கையொப்பம்

ஆண்டு வருமானம் ------------------வேலை ---------------------

அந்தந்த மாணவ,மாணவியரின் படிப்பு காலத்திற்கு ஏற்ப தேவையான கூடுதல் கட்டங்களை பிரிண்ட் செய்து அதில் அவ்வப்போது சான்றுகளை எழுதி வழங்கலாம்.

சாதிச்சான்று: ( மாதிரி )
சாதிச் சான்றின் பின் புறம் கீழ்கண்ட விவரங்களையும் குறிப்பிடலாம் ஏற்கனவே சாதிச் சான்று பெற்ற மாணவன் /மாணவி பெயர்.
1. -----------------------------சாதி-----------------------சான்று எண், வருடம்----------------------
2. -----------------------------சாதி -----------------------சான்று எண், வருடம்-----------------------
3. -----------------------------சாதி -----------------------சான்று எண், வருடம்------------------------

பெற்றோர் அல்லது மாணவன், மாணவி வேறு சாதியில் இணைத்து இருப்பின் அதன் விவரங்கள்
திரு /திருமதி / குமாரி ------------------S/O.D/.O.W/O.-------------------------என்பவர் ---------------------ம் ஆண்டு முதல்----------------------சாதியை சார்ந்தவாராக இவ்வலுவலகத்தில் பதிவு செய்யப்பட்டுள்ளது. பதிவு எண் --------------------நாள் --- சாதிச் சான்று பெற்றவர்களில் இறந்தவர்கள் பற்றிய விவரங்கள்.
1. .---------------------S/O,D/O.--------------------------------இறந்த தேதி --------------------------
2. .---------------------S/O,D/O.--------------------------------இறந்த தேதி --------------------------  
3. .---------------------S/O,D/O.--------------------------------இறந்த தேதி --------------------------  

இதன் நகல் மாண்புமிகு பிற்படுத்தப் பட்டோர் மற்றும் சிறுபான்மையினர் நலத்துறை அமைச்சர் அவர்களுக்கும் அனுப்பியுள்ளேன்.

இப்படிக்கு,
A. பாரூக்
சமூக ஆர்வலர்
அதிராம்பட்டினம்
04-07-2015

1 comment:

  1. பாரூக் காக்கா சொல்வது சரிதான். சென்ற வருடம் பிள்ளைகள் படிக்கும் பள்ளி மூலமாகவே துரிதமாகவும் கட்டண மின்றியும் வழங்கப்பட்டு வந்தது. ஆனால் அந்த வெப்சைட்டை அரசு மூடியதால் தான் இவ்வளவு சிரமம். பொது மக்களும் பாரூக் காக்கா அவர்களும் உரியவர்களிடம் கோரிக்கை வைக்க கேட்டுக் கொள்கிறேன்

    ReplyDelete

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...