Pages

Thursday, November 5, 2015

மாவட்ட ஆட்சியரின் பாராட்டை பெற்ற காதிர் முகைதீன் கல்லூரி மாணவன் !

அதிரை மேலத்தெருவை சேர்ந்தவர் V.M அலி அக்பர். இவரது மகன் ஆசிப் அஹமது ( வயது 23 ). ( படத்தில் மஞ்சள் சட்டை அணிந்து இருப்பவர் ) அதிரை காதிர் முகைதீன் கல்லூரியில் பிஜிடிசிஏ படித்து வருகிறார். கடந்த 9 ஆண்டுகளுக்கும் மேலாக விளையாட்டு போட்டிகளில் கவனம் செலுத்தும் இவர் மாநிலம், மாவட்டம் அளவில் பல்வேறு பகுதிகளில் நடைபெற்ற விளையாட்டு போட்டிகளில் கலந்துகொண்டு பதக்கங்களையும், பரிசுகளையும் பெற்றுள்ளார். குறிப்பாக வாலிபால் போட்டியில் சிறந்த ஆட்டத்தை வெளிப்படுத்தும் இவர் பல்வேறு பகுதிகளுக்கு சென்று வெற்றி வாகை சூடி பிறந்த ஊருக்கு பெருமை தேடித்தந்துள்ளார்.

இந்த நிலையில் 2015-2016-ஆம் ஆண்டிற்கான தமிழக முதலமைச்சர் கோப்பைக்கான மாவட்ட அளவிலான தடகள மற்றும் குழு விளையாட்டுப் போட்டிகள் தஞ்சாவூர் அன்னை சத்யா விளையாட்டரங்கில் நடந்தது.

இதில் பலவேறு பகுதிகளை சேர்ந்த விளையாட்டு வீரர்கள் - வீராங்கனைகள் கலந்துகொண்டு விளையாடினர். இதில் வாலிபால் போட்டியில் அதிரை அடுத்துள்ள நாட்டுச்சாலை வாலிபால் கிளப் அணியின் ஆல் ரவுண்ட் பிளையராக ஆசிப் அஹ்மது விளையாடினார். இவரது அபார ஆட்டத்தால் இவரது அணி மாவட்ட அளவில் முதலிடம் பிடித்து சாதனை நிகழ்த்தியது.

இதையடுத்து வெற்றி பெற்றோருக்கான பரிசளிப்பு விழா நிகழ்ச்சி நேற்று நடந்தது. இதில் சிறப்பு விருந்தினராக மாவட்ட ஆட்சியர் திரு. முனைவர் என்.சுப்பையன் கலந்துகொண்டு தலைமை உரை நிகழ்த்தினார். விழாவில் தஞ்சை சட்டமன்ற உறுப்பினர் திரு. எம்.ரெங்கசாமி, மாநகர மேயர் சாவித்திரி கோபால், உள்ளாட்சி தலைவர்கள், அரசு அலுவலர்கள் வாழ்த்துரை வழங்கினார்கள்.

இதையடுத்து வெற்றி பெற்ற அணிகளுக்கு சான்றிதழ், ரொக்கத்தொகை வழங்கி பாராட்டு தெரிவிக்கப்பட்டது.  விழா முடிவில் மாவட்ட விளையாட்டு அலுவலர் க. சுப்பு நன்றி கூறினார்.

2 comments:

  1. தடையெல்லாம் தகத்தெரியும் மண்ணின் மைந்தருக்கு வாழ்த்துக்கள்.

    ReplyDelete
  2. வாழ்த்துக்கள்

    ReplyDelete

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...