Pages

Tuesday, November 3, 2015

அதிரை திமுக அவைத்தலைவரிடம் சேர்மன் உடல் நலம் விசாரிப்பு !

அதிரை நடுத்தெரு கீழ்புறம் பகுதியை சேர்ந்தவர் ஹெச். அப்துல் காதர். திமுக அதிரை பேரூர் அவைத்தலைவராகவும், அதிரை பேரூர் மன்ற 13 வது வார்டு உறுப்பினராகவும் பொறுப்பு வகிக்கிறார்.

இந்த நிலையில் கடந்த சில வாரங்களுக்கு முன்பாக திடீரென உடல் சுகவீனம் ஏற்பட்டு, சென்னை தனியார் மருத்துவமனையின் தீவிர சிகிச்சை பிரிவில் அனுமதிக்கப்பட்டு, அங்கு மருத்துவர்களால் சிகிச்சை வழங்கப்பட்டது. மருத்துவ சிகிச்சைக்கு பிறகு ஊர் திரும்பி தற்போது வீட்டில் ஓய்வில் இருந்து வருகிறார்.

இந்த நிலையில் இன்று இரவு அதிரை பேரூராட்சி தலைவர் எஸ்.ஹெச் அஸ்லம், இந்தியன் ரெட் கிராஸ் சொசைட்டி அதிரை சேர்மன் 'மரைக்கா' இத்ரீஸ் அஹமது, தமிழ்மாநில காங்கிரஸ் தஞ்சை தெற்கு மாவட்ட செயலாளர் அதிரை மைதீன், சவூதிவாழ் அதிரையர் ஹாஜா ஆகியோர் ஹெச். அப்துல் காதர் அவர்களை நேரடியாக சந்தித்து உடல் நலம் விசாரித்தனர். விரைவில் பூரண குணமடைய இறைவனிடம் துஆ செய்தனர். மேலும் அதிரையின் அரசியல் பிரமுகர்கள், ஊர் பிரமுகர்கள் ஹெச். அப்துல் காதர் அவர்களை நேரடியாக சந்தித்து உடல்நலம் விசாரித்து வருகின்றனர்.

மருத்துவ சிகிச்சை முடிந்து ஓய்வில் இருந்து வரும் ஹெச். அப்துல் காதர் நம்மிடம் கூறுகையில்...
'எனது உடல் நலம் பூரண நலம் பெற துஆ செய்த அனைவருக்கும் எனது நன்றி. சிகிச்சை முடிந்து மருத்துவரின் ஆலோசனைப்படி தற்போது வீட்டில் ஓய்வில் இருந்து வருகிறேன். எனது உடல் முன்பு இருந்ததை வீட முன்னேற்றம் அடைந்து வருகிறது.

ஒவ்வொருவரும் தினமும் நடை பயிற்சியை மேற்கொள்வது அவசியம். அதேபோல் வருடம் ஒருமுறை உடல் பரிசோதனை செய்து கொள்வதில் மிகுந்த கவனம் செலுத்த வேண்டும். இவற்றை செய்யத்தவறினால் பின்னாளில் நமக்கு மிகப்பெரும் பாதிப்பை ஏற்படுத்திவிடும். மேலும் உடல்நிலை பாதிப்படைந்து மருத்துவ சிகிச்சை பெரும் போது மனவலிமை ஒவ்வொருவருக்கும் அவசியம். இவை உடல் விரைவில் பூரண குணமடைய உதவும்' என்றார்.
 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...