Pages

Wednesday, December 2, 2015

இடிந்து விழுந்த கடைத்தெரு கடைகளை கிராம நிர்வாக அலுவலர் நேரில் ஆய்வு !

அதிரை தக்வா பள்ளி நிர்வாகத்திற்கு உட்பட்ட கடைத்தெரு சாலையில் அமைந்துள்ள இரண்டு கடைகள் தொடர் மழையால் இடிந்து விழுந்தது.

கடைத்தெரு மீன் மார்க்கெட் உள்ளே செல்லும் நுழைவாயில் பகுதியை ஒட்டி எஸ்.எம் பாருக் மற்றும் கமாலுதீன் ஆகியோரின் கடைகள் உள்ளது. இவை பல ஆண்டுகளுக்கு முன்பு கட்டப்பட்டவை ஆகும். அதிரை மற்றும் சுற்று வட்டார பகுதியில் கடந்த சில நாட்களாக தொடர் மழை பெய்தது. இதனால் கடைகளின் சுவர்களில் மழை நீர் கசிந்து ஈரமாக காணப்பட்டது. இந்த நிலையில் நேற்று இரவு பெய்த கனமழையால் இரண்டு கடைகளும் இடிந்து விழுந்தது. அப்பொழுது கடைகளின் உள்ளே யாரும் இல்லாததால் உயிர் சேதம் தவிர்க்கப்பட்டது.

தகவலறிந்த அதிரை கிராம நிர்வாக அலுவலர் உதவியாளர்களுடன் சம்பவ இடத்திற்கு விரைந்து வந்து விசாரணை நடத்தினார். அதிரை மின்சார வாரிய உதவி செயற்பொறியாளரை தொடர்பு கொண்டு கடைகளின் மின் இணைப்புகளை உடனடியாக துண்டிப்பு செய்ய அறிவுறுத்தினார். மேலும் இடியும் நிலையில் அருகில் உள்ள கடைகளில் புழங்கும் நபர்களை எச்சரிக்கையுடன் இருக்க அறிவுறுத்தினார்.

தக்வா பள்ளி நிர்வாக கமிட்டி தலைவர் கே.எஸ் சுக்கூர் இடிந்த கடைகளை நேரில் பார்வையிட்டு ஆய்வு செய்தார். இதையடுத்து கடைகளில் இடிந்து கிடக்கும் பொருட்களை அப்புறப்படுத்தும் நடவடிக்கை மேற்கொள்ளப்பட்டது.
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...