Pages

Sunday, June 5, 2016

'சிறந்த பேராசிரியர்' விருது பெற்ற காதிர் முகைதீன் கல்லூரி பேராசிரியர் !

அதிராம்பட்டினம், ஜூன் 05
அதிரை சுற்றுவட்டார பகுதியின் பல்வேறு துறைகளை சார்ந்த சாதனையாளர்கள் இனங்காணப்பட்டு அவர்களின் பணிகளை ஊக்கப்படுத்தும் விதமாக 'அதிரை நியூஸ் கல்வி - சாதனையாளர்கள் விருது 2016' வழங்கும் விழா நேற்று முன்தினம் அதிரை பேருந்து நிலையம் அருகே உள்ள சாரா திருமண மஹாலில் நடைபெற்றது.

விழாவில் அதிராம்பட்டினம் காதிர் முகைதீன் கல்லூரிகணினி அறிவியல் துறை பேராசிரியர் முனைவர் A. சேக் அப்துல் காதர் அவர்களுக்கு சிறந்த பேராசிரியர் விருது வழங்கி பாராட்டு தெரிவிக்கப்பட்டது.

அதிராம்பட்டினம்  காதிர் முகைதீன் கல்லூரியில் 1988 ஆண்டு முதல் பணி செய்து வருகிறார்.  8 பேருக்கு முனைவர் பட்டங்கள் பெற வழிகாட்டியது. 64 பேருக்கு  M.Phil பட்டங்கள் பெற வழிகாட்டியது. காதிர் முகைதீன் கல்லூரி தொழில் வழிகாட்டி மையத்தின் அமைப்பாளராக பொறுப்பில் இருந்து கொண்டு கல்லூரியில் இரண்டு முறை கேம்பஸ் இன்டர்வியூ  நடத்தியது. இதில் 22 மாணவ மாணவிகள் வேலை வாய்ப்பு பெற்றனர். மேலும் கல்லூரியில் இறுதி ஆண்டு கல்வி பயிலும் இளங்கலை மற்றும் முதுகலை மாணவ மாணவிகளுக்கு வேலை வாய்ப்பை ஏற்படுத்தி தரும் வகையில் கல்லூரியில் சிறந்த நிறுவனங்கள் மூலம் வளாக வேலைவாய்ப்பு தேர்வு மற்றும் நேர்காணல் நடத்த அதிக ஆர்வம் காட்டி வருவது உள்ளிட்ட பணிகளுக்காக இந்த விருதிற்கு தேர்வு செய்யப்பட்டுள்ளார்.

விருதினை தஞ்சாவூர் தமிழ் பல்கலை கழக பதிவாளர் முனைவர் செ. சுப்பிரமணியன் வழங்கி பாராட்டு தெரிவித்தார். அருகில் காதிர் முகைதீன் கல்லூரி முதல்வர் முனைவர் உதுமான் முகையதீன் உள்ளார்.

சிறந்த பேராசிரியர் விருது பெற்ற முனைவர் A. சேக் அப்துல் காதர் அவர்களுக்கு நிகழ்ச்சியில் கலந்துகொண்ட அனைவரும் வாழ்த்து தெரிவித்தனர்.

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...