Pages

Wednesday, July 27, 2016

அமீரகத்தில் சம்பள தர தாமதிக்கும் நிறுவனங்கள் மீது மேலும் பிடி இறுகியது !

நேற்று அமீரகத்தில் பிறப்பிக்கப்பட்ட புதிய அரசாணையின் படி இனி ஊழியர்களுக்கு சம்பளம் தர தாமதித்தால் நிறுவனங்கள் பல்வேறு சட்டபூர்வ தண்டனைகளை சந்திக்க நேரிடும் அமீரக மனிதவளத்துறை அமைச்சகம் தெரிவித்துள்ளது.

எதிர்வரும் 2016 அக்டோபர் மாதம் முதல் குறைந்தபட்சம் 100 ஊழியர்கள் மேல் பணிபுரியும் நிறுவனங்கள் இனி குறிப்பிட்ட சம்பளத் தேதியிலிருந்து மிக அதிகபட்சம் தாமதமாக 10 நாட்களுக்குள் ஊழியர்களின் சம்பளத்தை வழங்கத் தவறினால் பல்வேறு தண்டனைகளை அனுபவிக்க நேரிடும் என கடுமையாக எச்சரித்துள்ளது. மேலும், அவர்களுடைய புதிய பெர்மிட் (விசா) அனுமதிகள் அனைத்தும் சம்பள வழங்க தாமதமான 16வது நாளில் இருந்து நிறுத்தப்படும்.

மாதாந்த சம்பள நாளிலிருந்து தாமதமாக 1 மாதம் வரை சம்பளம் தர இழுத்தடிக்கும்  நிறுவனங்கள் கண்காணிப்பு வளையத்திற்குள் கொண்டு வரப்பட்டு, அவர்கள் குறித்த தகவல்கள் அமீரக நீதித்துறைக்கும் பிற அரசுசார் ஒழுங்குமுறை கட்டமைப்புகளுக்கும் தெரிவிக்கப்படும். இதன்வழி அந்த நிறுவனத்தின் உரிமையாளர் பெயரிலுள்ள பிற நிறுவனங்களின் அரசு தொடர்புடைய செயல்பாடுகளும் சேர்த்து முடக்கப்படுவதுடன் புதிய நிறுவனங்களை தொடங்கவும் அனுமதியளிக்கப்பட மாட்டாது.

மேற்படி தண்டனைகளுக்குப் பிறகும் சம்பள தாமத விவகாரத்தை சரி செய்யாமல் இழுத்துக் கொண்டே செல்லும் நிறுவனங்களின் வங்கி உத்தரவாத தொகையை கொண்டு சம்பளப் பிரச்சனை சரிசெய்யப்பட்டு, சம்பந்தப்பட்ட நிறுவனம் மூன்றாம் தர நிறுவனமாக தரம் இறக்கப்பட்டு, அதன் ஊழியர்கள் பிற வெளி நிறுவனங்களில் பணியில் சேர்ந்து கொள்ள அனுமதியளிக்கப்படுவர்.

60 நாட்களுக்கு மேல் சம்பளம் தரப்படவில்வை என புகார் தெரிவிக்கும் ஒவ்வொரு ஊழியர்களின் தனித்தனி புகாரின் மீதும் குறைந்தபட்சம் 5,000 திர்ஹம் முதல் அதிகபட்சம் 50,000 திர்ஹம் வரை அபராதம் விதிக்கப்படும் எனவும் பிடியை மேலும் இறுக்கியுள்ளது.

தாமதமான முழு சம்பளத்தையும் ஒரு மாதத்திற்குள் அனைத்து ஊழியர்களுக்கும் பட்டுவாடா செய்யும் நிறுவனங்களின் புதிய பெர்மிட் தடைக்காலம் விலக்கிக் கொள்ளப்படும் என்றாலும் 60 நாட்களுக்கு மேல் தாமதம் செய்யும் நிறுவனங்களின் தடையை விலக்கிக் கொள்ள அவர்கள் அனைத்து ஊழியர்களுக்கும் முழுமையாக சம்பளம் கொடுத்து முடிக்க எடுத்துக் கொண்ட கால அளவு இரட்டிப்பாக கணக்கிடப்பட்டு அதுவரை காத்திருக்க நேரிடும்.

சம்பளம் தாமதம் செய்யும் 100 ஊழியர்களுக்கு குறைவாக பணிபுரியும் நிறுவனங்களுக்கு தற்போது நடைமுறையில் உள்ள சட்டங்களான விசா தடை, அபராதம் மற்றும் பொது விசாரனைக்கு உத்தரவிடுதல் போன்றவை தொடருமென்றாலும் ஒரே வருடத்தில் இருமுறை 60 நாட்கள் வரை சம்பளம் தர தாமதித்தால் 100 ஊழியர்களுக்கு மேல் பணிபுரியும் நிறுவனங்களுக்கான புதிய சட்டத்தின் கீழ் தண்டிக்கப்படுவார்கள் என அமீரக மனிதவளத்துறை அமைச்சகம் தெளிவுபடுத்தியுள்ளது.

மேலும், கடந்த சில ஆண்டுகளாக நடைமுறையில் இருக்கும் WPS (Wage Protection System) எனும் சம்பள பாதுகாப்பு ஒழுங்குமுறை (வங்கிக் கணக்குகள் வழியாக ஊழியர்களுக்கு சம்பளம் வழங்கப்பட்டு அதன் விபரங்கள் சம்பந்தப்பட்ட அமைச்சகங்களுக்கு செல்லும்) திட்டத்தில் இதுவரை இணையாத அனைத்து நிறுவனங்களுடனும் அலுவல்ரீதியான அனைத்து தொடர்புகளும் துண்டிக்கப்படும் எனவும் புதிய ஆணை தெரிவித்துள்ளது.

Source: Khaleej Times
Dated: 27-07-2016
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...