Pages

Monday, August 8, 2016

துபாய் ஷாப்பிங் மால்களில் பிடிக்கப்படும் டேக்ஸி கட்டணங்கள் உயர்வு !

அதிரை நியூஸ்:
துபாய், ஆகஸ்ட் 08
துபாயில் நிலவும் டேக்ஸி வாடகைகள் குறித்த சந்தேகங்களுக்கு சாலை மற்றும் போக்குவரத்துத் துறை (RTA) விளக்கமளித்துள்ளது. அதன்படி, பகல் நேரம், இரவு நேரம், பரபரப்பான நேரம், சாலை ஒரங்களில் பிடிக்கப்படும் டேக்ஸி, ஷாப்பிங் மால்கள் மற்றும் டேக்ஸி சேவை மையங்கள் மூலம் பிடிக்கப்படும் டேக்ஸி என பலதரப்பட்ட டேக்ஸிக்களின் மீட்டர் ஆரம்ப வாடகை (Flag Fall Tariffs) நிலவரங்கள் தெரிய வந்துள்ளன.

(சென்னையில் ஆட்டோ ஸ்டாண்டில் ஆட்டோ பிடிப்பதற்கும் சாலையில் செல்லும் ஆட்டோவை கை காட்டி பிடிப்பதற்கும் உள்ள வாடகை வித்தியாசத்தை அனுபவித்தவர்கள் இந்த பதிவை நன்கு புரிந்து கொள்ள இயலும்)

1. பொதுவாக பகல் நேரங்களில் சாலையில் டேக்ஸி பிடித்தால் ஆரம்ப மீட்டர் கட்டணம் 5 திர்ஹம்.

2. இரவு 10 மணி முதல் காலை காலை 6 மணி வரை சாலையில் டேக்ஸி பிடித்தால் மீட்டர் ஆரம்பக் கட்டணம் 5.50 திர்ஹம்.

3. பரபரப்பான நேரங்களில் சேவை மையங்கள் (Despatch Centers) வழியாக பிடிக்கப்படும் டேக்ஸிக்களுக்கான மீட்டர் ஆரம்பக் கட்டண விபரம்:
a. காலை 7 மணி முதல் காலை 10 மணி வரை 8 திர்ஹம்.
b. மாலை 4 மணி முதல் இரவு 8 மணி வரை 12 திர்ஹம்.
c. இரவு 10 மணி முதல் அதிகாலை 6 மணி வரை 9 திர்ஹம் என நிர்ணயிக்கப்பட்டுள்ளது.

4. மால்களில் டாக்ஸிக்களுக்கான தேவை அதிகரிக்கும் பொழுது அதன் நிமித்தமாக மால் அதிகாரிகள் தகவல் தெரிவித்தால் அதுவும் சேவை மைய அழைப்பாக கணக்கிடப்பட்டு ஆரம்பக் கட்டணமாக 9 திர்ஹத்திலிருந்து மீட்டர் ஓடத் துவங்கும். (என்ன! டேக்ஸியில் ஏறாமலே தலைசுத்துதா?)

RTAயின் மேல் விளக்கங்கள்:
1. மால்களில் பிடிக்கப்படும் டேக்ஸிகள் சேவை மையங்கள் மூலம் வருகிறதா அல்லது சாலைவோர டேக்ஸியா என்பதை டேக்ஸிக்கள் மேலுள்ள இன்டிகேட்டர்கள் (Roof Top Lights) மூலம் அறிந்து கொள்ளலாம்.

2. ஓவ்வொரு டேக்ஸியிலும் எந்தெந்த நேரத்தில் என்ன வகையான கட்டணங்கள் வசூலிக்கப்படுகின்றன என்பதை அறிவிக்கும் குறிப்புகள் பயணிகளின் பார்வையில் படும்படி வைக்கப்பட்டிருக்கும்.

3. பயணி கேட்கும் பட்சத்தில் டேக்ஸி ஓட்டுனர் 'அந்த டேக்ஸி' சாலையோர கட்டணத்தில் வருகிறதா? அல்லது மால்களின் சேவை மைய கட்டணத்தில் வருகிறதா? என்பதை அறிவிப்பார்.

இனி மால்களுக்கு ஷாப்பிங் போனோமா, பஸ்ஸூ மெட்ரோவ புடிச்சி வூட்டுக்கு வந்தோமான்னு இருக்கனும், சரியா!

Source: Khaleej Times
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...