Pages

Sunday, October 9, 2016

பாலைவன பிரதேசத்தில் 3 நாள் மழையில் 222 மில்லியன் கனஅடி நீர் சேமிப்பு!

அதிரை நியூஸ்:
துபாய், அக்-09
இந்தியா அடிப்படையில் ஒரு விவசாய நாடு என்பதால் பாரம்பரியமாக இயல்பாய் கடத்தப்பட்டு வரும் விவசாய, நீர்மேலாண்மை அனுபவமும் பல்லாயிரம் ஆண்டுகளுக்கு முந்தையது என்பதால் நம் தேசம் பிற வெளிநாடுகளுக்கு விவசாயத்திலும், நீர்மேலாண்மையிலும், சேமிப்பிலும் முன்மாதிரியாக திகழ வேண்டியது ஆனால் நமக்கு வாய்த்த ஆட்சியாளர்களாலும், பொறுப்பற்ற பொதுமக்களாலும் கத்துக்குட்டி நாடுகளிடம் நீர்மேலாண்மை, நீர் சேமிப்பு குறித்து கற்றுக் கொள்ள வேண்டிய அவலநிலை.

இதுதான் விஷயம், கடந்த வாரம் அமீரக வானிலை மையம் அமீரகத்தில் இன்னும் 48 மணிநேரத்தில் மழை பெய்யக்கூடும் என்று முன்னறிப்பு செய்திருந்ததைப் போலவே ராஸ் அல் கைமா, புஜைரா, ஷார்ஜாவின் சில பகுதிகள் என மழை வெளுத்து வாங்கி வருகிறது.

கனமழையை தொடர்ந்து களத்தில் இறங்கிய அமீரக அரசு அதிகாரிகள் வெள்ளத்தடுப்பு நடவடிக்கைகள்,  போக்குவரத்து மாற்றங்களுடன் பெய்த மழைநீரை சேமிக்கும் நடவடிக்கையிலும் இறங்கினர். விளைவு, 3 நாள் மழையால் தற்போது 222 மில்லியன் கனஅடி நீரை (சிறு சிறு) அணைகளில் விவசாய தேவைகளுக்காக சேமித்துள்ளதாக அறிவித்துள்ளனர்.

ஆனால், நாம் கடந்த வருடம் வந்த மழைநீரை கடலில் விட்டுவிட்டும், பாசன வாய்க்கால்கள், ஆறுகள், ஏரிகள், குளங்கள் என அனைத்து நீர்நிலைகளையும் தூர்ந்துபோக விட்டுவிட்டு கர்நாடகக்காரனுடன் மட்டும் நாம் உரிமை போராட்டம் நடத்திக் கொண்டுள்ளோம்.

எனவே, ஆட்சியாளர்கள் திருந்துவதும், கர்நாடகக்காரன் நீர் திறந்துவிடுவதும் ஒருபுறம் நடக்கட்டும், நமதுபங்காய் ஒவ்வொரு குடிமகனும் மழைநீரை சேமிப்போம், இயன்றளவு நீர்நிலைகளை தூர்வாருவோம், முடிந்தளவு மரங்களை நடுவோம்.

மாற்றங்கள் நம்மிடமிருந்து ஆரம்பமாகட்டும்!

Source: Emirates 247
தொகுப்பு: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...