Pages

Monday, October 3, 2016

அதிரையில் எஸ்டிபிஐ கட்சியினர் பேரணியாக சென்று வேட்பு மனுக்கள் தாக்கல் ( படங்கள் )

அதிராம்பட்டினம், அக்-03
தமிழகத்தில் உள்ளாட்சி தேர்தல் வரும் அக்-17, 19 ஆகிய தேதிகளில் இரண்டு கட்டங்களாக நடைபெற உள்ளது. இதில் அதிரை பேரூராட்சி உள்ளாட்சி தேர்தல் வரும் அக்-19 அன்று நடைபெற உள்ளது. வேட்பு மனு அளிப்பது இன்று கடைசி நாள் ஆகும்.

உள்ளாட்சி தேர்தலில் எஸ்டிபிஐ கட்சியினர் தனித்து போட்டியிடுகின்றனர். இக்கட்சிக்கு எரிவாயு சிலிண்டர் சின்னத்தை தேர்தல் ஆணையம் ஒதுக்கீடு செய்துள்ளது.

அதிரை பேரூராட்சி 10, 13, 14, 15, 19 ஆகிய வார்டுகளில் போட்டியிடும் வேட்பாளர்கள் பட்டியலை அக்கட்சியின் அதிரை பேரூர் தலைவர் முஹம்மது அஜார் அண்மையில் அறிவித்தார்.

இந்நிலையில் இன்று காலை அக்கட்சியின் தஞ்சை தெற்கு மாவட்டத் தலைவர் இசட். முகமது இலியாஸ் தலைமையில் வேட்பாளர்கள் மற்றும் கட்சியினர் கட்சி அலுவலகத்திலிருந்து பேரூராட்சி அலுவலகம் வரை பேரணியாக புறப்பட்டு சென்று அதிரை பேரூராட்சி அலுவலகத்தில் தேர்தல் நடத்தும் உதவி அலுவலர்கள் ஜெய்சங்கர், அன்பரசன் ஜெயசீலன் ஆகியோரிடம் வேட்பு மனுக்களை அளித்தனர்.

இதில் எஸ்டிபிஐ கட்சியை சேர்ந்த தில்சாத் பேகம் ( வயது 32  ) க/பெ. முத்து மரைக்காயர் 10 வது வார்டுக்கும், சக்கீனா ( வயது 53 ), க/பெ. அதிரை அஹமத் 13 வது வார்டுக்கும், வழக்கறிஞர் முஹம்மது தம்பி ( வயது 26  ) த/பெ. முஹம்மது ஜெக்கரியா 14 வது வார்டுக்கும், உம்மு குல்தூம் ( வயது 27 ) க/பெ. ரியாஸ் அகமது 15 வது வார்டுக்கும், சித்தி ஜுலைஹா ( வயது 28 ), க/பெ. முஹம்மது இலியாஸ் 19 வது வார்டுக்கும் மனுக்களை அளித்தனர்.

இந்நிகழ்ச்சியில் எஸ்டிபிஐ கட்சி அதிராம்பட்டினம் பேரூர் தலைவர் முஹம்மது அஜார், மாவட்ட செயற்குழு உறுப்பினர்கள் அன்வர், அப்துல் ரஹ்மான், சாகுல் ஹமீது, நடராஜ் உள்ளிட்ட எஸ்டிபிஐ கட்சியினர் பலர் கலந்துகொண்டனர்.
 
 
 
 
 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...