Pages

Wednesday, November 2, 2016

திருவாரூர் - காரைக்குடி அகல ரயில் பாதை திட்டப் பணி: தற்போதைய நிலவரம் !

திருவாரூர் - பட்டுக்கோட்டை இடையேயான அகல ரயில் பாதை பணியில், 36 கோடி ரூபாய் செலவில், ரயில் நிலையங்கள் கட்டப்பட உள்ளன.

காரைக்குடி - திருவாரூர் இடையேயான, 147 கி.மீ., துார மீட்டர் கேஜ் பாதை, 711 கோடி ரூபாய் செலவில், அகல ரயில் பாதையாக மாற்றி அமைக்கப்பட உள்ளது. அதற்காக, இப்பாதை, 2012ல் மூடப்பட்டது. இத்திட்டத்தில், காரைக்குடி - பட்டுக்கோட்டை இடையே உள்ள, 73 கி.மீ., துாரத்தில், 40 கி.மீ., துாரம் மட்டுமே ரயில் பாதை அமைக்கப்பட்டுள்ளது. மீதமுள்ள பகுதியில், பாதை மற்றும் நிலைய கட்டுமான பணிகள் நடந்து வருகின்றன.

மேலும், பட்டுக்கோட்டை - திருவாரூர் இடையே, 74 கி.மீ., துார பாதை அமைக்கும் பணி, மந்தகதியில் நடந்து வருகிறது. இதற்கு, நிதி பற்றாக்குறை தான் காரணம் என்பதால் ஒப்பந்ததாரர்கள் பணியை தொடரவில்லை. இதனால் அதிருப்தியடைந்த அப்பகுதி மக்கள், தாமதமின்றி ரயில் பாதை பணியை முடிக்க வேண்டும் என, தெற்கு ரயில்வேக்கு கோரிக்கை விடுத்தனர். இதையடுத்து தற்போது, பட்டுக்கோட்டை - திருவாரூர் இடையே, அதிராம்பட்டினம், திருநெல்லி காவல் நிலையம், யார்டு, மாங்குடி, மாவூர் சாலை, அம்மனுார், ஆலத்தம்பாடி யார்டு கட்டடங்கள், நடை மேம்பாலம் ஆகியவற்றை, 17.26 கோடி ரூபாய் செலவில் கட்ட திட்டமிடப்பட்டுள்ளது. இப்பாதையில், தில்லைவிளாகம் மற்றும் முத்துப்பேட்டையில் நிலைய கட்டடம், பிளாட் பாரங்கள், நடை மேம்பாலங்கள், பிளாட் பார மேற்கூரை ஆகியவை, 19.23 கோடி செலவில் கட்டப்பட உள்ளன. மொத்தம், 36.49 கோடி ரூபாய் செலவிலான இப்பணிகளை, 10 மாதங்களுக்குள் முடிக்க, ஒப்பந்ததாரர்களுக்கு, தெற்கு ரயில்வே அழைப்பு விடுத்துள்ளது.

நன்றி: தினமலர்

2 comments:

  1. It's looks like no train stop at all.

    ReplyDelete
  2. இது மக்கள் காதுகளில் பூ சுத்தும் வேலை!

    ReplyDelete

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...