Pages

Saturday, December 3, 2016

3 நாட்களுக்கு பிறகு கடலுக்கு மீன் பிடிக்க சென்ற அதிரை மீனவர்கள் !

அதிராம்பட்டினம், டிச-03
தஞ்சாவூர் மாவட்டம், அதிராம்பட்டினத்தை உள்ளடக்கிய காந்தி நகர், கரையூர் தெரு, ஆறுமுககிட்டங்கி தெரு, தரகர் தெரு, ஏரிப்புறக்கரை மறவக்காடு, கீழத்தோட்டம் ஆகிய பகுதிகளில் சுமார் 3 ஆயிரம் மீனவர்கள் உள்ளனர். இவர்கள் படகுகளில் கடலுக்குச் சென்று மீன்பிடித்து வருகின்றனர்.

தென்கிழக்கு வங்கக் கடலில் நாடா புயல் உருவானதை தொடர்ந்து மீனவர்கள் கடலுக்கு செல்ல வேண்டாம் என வானிலை மையம் எச்சரிக்கை விடுத்து இருந்தது. கடந்த 3 நாட்களாக அதிராம்பட்டினம் கடலோரப்பகுதிகளில் கடும் குளிர் காற்றுடன் சாரல் மழையும், கடல் சீற்றமும் அதிகமாக இருந்தது. இதனால் கடந்த புதன்கிழமை முதல் மீனவர்கள் மீன் பிடிக்க கடலுக்கு செல்லாமல் வீட்டிலேயே முடங்கி கிடந்தனர். இதனால் இவர்களது வாழ்வாதாரம் பெரிதும் பாதிப்படைந்தது.

இந்நிலையில் இன்று சனிக்கிழமை இப்பகுதியில் பெய்துவந்த மழை நின்றது. பகல் முழுவதும் வெயில் அடித்தது. இதையடுத்து இப்பகுதி மீனவர்கள் 3 நாட்களுக்கு பிறகு இன்று இரவு (சனிக்கிழமை) படகுகளில் கடலுக்கு மீன் பிடிக்க சென்றனர். மீன்பிடித்துக்கொண்டு நாளை ஞாயிற்றுக்கிழமை மீண்டும் கரைக்கு திரும்புவார்கள் என எதிர்பார்க்கப்படுகிறது.

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...