Pages

Thursday, December 15, 2016

அபுதாபியில் சிறந்த சேவைக்காக அதிரையர் கெளரவிப்பு ! ( படங்கள் )

அதிரை நியூஸ்: அபுதாபி, டிச-15
விடை பெறும் அய்மான் தலைவர் அல்ஹாஜ் அதிரை ஷாஹுல் ஹமீத் அவர்கட்குப் பாராட்டு விழா' அபுதாபியில் நடைபெற்றது.

அமீரகத்தின் தாய்ச் சபை அய்மான் சங்கத்தின் புதிய தலைவராக 'கனிமொழிக் கவிஞர் " களமருதூர் J ஷம்சுதீன் ஹாஜியார் பொறுப்பேற்றுக் கொண்டார்.

அமீரகத்தின் மிகப் பழமையான அமைப்பு அய்மான் சங்கத்தின் தலைவர் அதிரை A ஷாஹுல் ஹமீது இன்று விடை பெற்றதைத் தொடர்ந்து புதிய தலைவராக் களமருதூர் ஜே ஷம்சுதீன் ஹாஜியார் புதிய அவர்கள் பொறுப்பேற்றுக் கொண்டார்கள்.

அய்மானின் மூத்த நிர்வாகியும் முன்னாள் தலைவருமான கீழை செய்யது ஜாஃபர் ஷம்சுதீன் ஹாஜியார் பெயரை முன் மொழிய, சங்கத்தின் பொதுச் செயலாளர் காயல் SAC ஹமீத் அதனை வழி மொழிந்தார்.

அபுதாபி அரப் உடுப்பி அரங்கத்தில் வைத்து நடந்த எளிய விழாவில் அய்மான் சங்கத்தின் துணைப் பொதுச் செயலாளர் லால்பேட்டை அப்துல்  ரஹ்மான் ரப்பானி அதிரை ஷாஹுல் ஹமீது அவர்களின் சேவைகளை நினைவு கூர்ந்தார்.

அய்மான் பொருளாளர் கீழை ஜமாலுத்தீன் அவர்களின் உரையை தொடர்ந்து, சகோதர அமைப்புகளான அபுதாபி தமிழ்ச் சங்கத்தின் தலைவர் ரெஜினால்ட் சாம்சன், தமுமுக மண்டலச் செயலாளர் ஷேக் தாவூது, அபுதாபி காயிதே மில்லத் பேரவை நிர்வாகி ஆவை அன்சாரி, லால்பேட்டை ஜமாஅத் தலைவர் யாசர் அரஃபாத், காயல்பட்டினம் ஜமாஅத்தின் முன்னாள் தலைவர் மவுலவி ஹபீபுர் ரஹ்மான் மஹ்ளரி, ஐஎம்எஃப் செயலாளர் காதர்மீரான், எஸ் டீ பீ ஐ ஷபீக் மீரான் ஆகியோர் வாழ்த்துரை வழங்கினர்.

விடைபெறும் தலைவர் அதிரை ஷாஹுல் ஹமீத் அவர்கட்கு நினைவுப் பரிசை இந்நாள் தலைவர் ஷம்சுதீன் ஹாஜியார் வழங்கினார்கள். சங்கத்தின் துணைத் தலைவர் காயல் VST ஷேக்னா மற்றும் செயலாளர் கொள்ளுமேடு ஹாரிஸ் பொன்னாடை போர்த்தி கவுரவித்தனர்.

அதிரை கவியன்பன் கலாம் ஷாஹுல் ஹமீதின் சேவைகளை நினைவூட்டும் கவிதையினை வாசித்தார்.

திருச்சி 'அன்வாருல் உலூம் அரபிக் கல்லூரியின் பேராசிரியர்கள் மெளலவி ராஜ் முஹம்மது ஆலிம், மெளலவி முஹம்மது ஜலாலுத்தீன் ஆலிம் ஆகியோர் சிறப்பு விருந்தினர்களாக் கலந்து கொண்டனர். மவுலவி ராஜ் முஹம்மது ஆலிம் சிறப்புரை வழங்கினார். விழா முடிவில் லால்பேட்டை சல்மான் நன்றி கூறினார்.

அமீரகத்தின் மூத்த உலமாவும், அரபி அறிஞருமான மவ்லவி பாஷா ரஷாதியின் துஆவுடன் நிகழ்ச்சிகள் நிறைவு பெற்றது. அய்மான் சங்க பொதுச் செயலாளர் காயல் எஸ்.ஏ.சி ஹமீது நிகழ்ச்சிகளை தொகுத்து வழங்கினார்.

காயல் அன்சாரி, கீழை அல்லா பக்ஷ், லால்பேட்டை இஸ்மாயில், ஆடுதுறை முஹம்மது அப்துல் காதிர் ஆகியோர் நிகழ்ச்சிக்கான ஏற்பாடுகளை செய்திருந்தனர்.

செய்தி மற்றும் படங்கள்: 
அபுதாபியிலிருந்து 'கவியன்பன்' கலாம்.
 
 
 
 
 
 
 
 

2 comments:

  1. நன்பர் சாஹுல் ஹமீதின் பணி நம் நாட்டிலும் சிறக்கட்டும்

    ReplyDelete
  2. சமுதாய பணிகள் நம் ஊரிலும் தொடர வாழ்த்துகள்

    ReplyDelete

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...