Pages

Saturday, February 4, 2017

அதிரையில் 24 மணி நேர மருத்துவ சேவை துவக்கம் !

அதிராம்பட்டினம், பிப்-04
தஞ்சாவூர் மாவட்டம், அதிராம்பட்டினம் மற்றும் சுற்றுவட்டாரப் பகுதிகளில் இரவு நேரத்தில் நோய்வாய்ப்பட்டவர்களுக்கு மருத்துவ முதலுதவி என்பது பெரும் குறையாகவே இருந்து வருகிறது. அவசர சிகிச்சை மருத்துவத்திற்காக பெரும் சிரமத்துடன் தொலை தூரத்தில் உள்ள குறிப்பாக திருச்சி, தஞ்சை, கும்பகோணம், மன்னார்குடி, பட்டுக்கோட்டை போன்ற ஊர்களுக்கு செல்லக்கூடிய சூழ்நிலை பொதுமக்களுக்கு ஏற்படுகிறது. மேலும் அதிராம்பட்டினம் ஈசிஆர் சாலையில் அடிக்கடி நிகழும் வாகன விபத்துகளில் பாதிக்கப்பட்டோரை தொலைதூரத்தில் உள்ள மருத்துவமனைக்கு எடுத்துச்செல்லும் போதே உயிர் இழப்புகள் ஏற்படுகிறது.

இந்நிலையில், அதிராம்பட்டினம் பழைய போஸ்ட் ஆபீஸ் சாலை ( பிஸ்மி மெடிக்கல்ஸ் அருகில் ) புதிதாக தீன் டயக்னாஸ்டிக் செண்டர் 24 மணி நேர மருத்துவ சேவை தொடங்கப்பட்டு பொதுமக்களின் பெரும் வரவேற்பை பெற்று வருகிறது.

இதுகுறித்து தீன் மெடிக்கல்ஸ் நிறுவனர் சம்சுதீன் கூறுகையில்; அதிராம்பட்டினம் மற்றும் சுற்றுப்புற கிராமப்பகுதிகளில் அவசர மருத்துவ சிகிச்சை பெரும் குறைவாக இருப்பதை கவனத்தில் கொண்டு ஓய்வு பெற்ற
மாவட்ட மருத்துவ அலுவலரும், மருத்துவ சேவையில் நீண்ட கால அனுபவமுள்ள டாக்டர் ஆர். ரெத்தினம் அவர்கள் மருத்துவ சிகிச்சை வழங்க முன்வந்துள்ளார். அவசர மருத்துவ சிகிச்சைக்காக அதிரையில் இவர் தங்கி இருந்து சிகிச்சை அளிக்க ஏற்பாடு செய்யப்பட்டுள்ளது. மேலும் இங்கு ஈசிஜி, இரத்த பரிசோதனை, எக்ஸ்ரே உள்ளிட்ட பரிசோதனை வசதி உள்ளது. இரவு நேரத்தில் அவசர சிகிச்சை தேவைப்படும் பொதுமக்கள் இந்த வாய்ப்பை பயன்படுத்திக்கொள்ளலாம். பொதுமக்களின் வரவேற்பை பொருத்து மேலும் பல்வேறு துறைகளை சேர்ந்த மருத்துவர்கள் வரவழைக்கப்பட்டு பொதுமக்களுக்கு குறைந்த கட்டணத்தில் தரமான சிகிச்சை அளிக்க திட்டமிட்டுள்ளோம்' என்றார்.

24 மணி நேர மருத்துவ சேவை தொடர்புக்கு:
தீன் டயக்னாஸ்டிக் செண்டர் - 9788710281 / 9655983384
 
 
 
 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...