Pages

Monday, March 6, 2017

இன்று (மார்ச்-6) முதல் பஹ்ரைன் - சவூதியை இணைக்கும் கடல் பாலத்தில் ஒருங்கிணைந்த இமிக்கிரேசன் அமல்!

அதிரை நியூஸ்: மார்ச்-6
கிங் பஹத் காஸ்வே (King Fahad Causeway) எனப்படும் கடற்பாலம் மட்டுமே பஹ்ரைன் தீவை பிற உலக நாடுகளுடன் சவுதி வழியாக இணைக்கும் ஒரே சாலை வழிப்பாதை. இந்த கடற்பாலமே அரபுலகின் அதிக வாகன நெரிசல் உள்ள பாலமாக விளங்குகிறது. இந்தப் பாலம் 1986 ஆம் ஆண்டு நவம்பர் 28 ஆம் நாள் திறக்கப்பட்டது.

இந்தப் பாலத்தின் நடுவே இருபுறமும் அமைந்துள்ள சவுதி மற்றும் பஹ்ரைன் நாடுகளின் இமிக்கிரேசன் அலுவலகங்களில் அனைவரும் நின்று செல்ல வேண்டியிருப்பதால் வாகனங்கள் தேங்கி நேரம் விரயமாகின்றன. இனி இமிக்கிரேசன் கிளியரன்ஸ், வாகன சோதனை மற்றும் கஸ்டம்ஸ் பணிகள் ஒருங்கிணைக்கப்பட்டு இரு நாடுகளுக்கும் பொதுவாக ஒரே அலுவலகத்திலேயே முடிக்கப்படும்.

இந்த சிறப்பு வசதிக்காக தற்போது ஆரம்பமாக 3 மாதங்களுக்கு ஒரே ஒரு டிராக்கில் (Tracks) மட்டும் இச்சிறப்பு வசதி அறிமுகப்படுத்தப்பட்டு பின் படிப்படியாக பிற டிராக்குகளுக்கும் விரிவுபடுத்தப்படவுள்ளது. மேலும், சில டிராக்குகளை புதிதாக அமைப்பதற்கான சாத்தியக்கூறுகளும் ஆராயப்பட்டு வருகின்றன.

2015 ஆம் ஆண்டு சவுதி தரப்பில் வெளியிடப்பட்டிருந்த தகவலின்படி, வளைகுடா நாடுகள் (GCC) என அழைக்கப்படும் சவுதி, பஹ்ரைன், குவைத், ஓமன், கத்தார் மற்றும் ஐக்கிய அரபு அமீரகம் ஆகிய 6 நாடுகளைச் சேர்ந்த குடிமக்கள் மட்டுமே தங்களின் தேசிய அடையாள அட்டைகளை விமான நிலையங்களில் நடைமுறையிலுள்ளது போல் தானியங்கி ஈ-கேட்டுகளின் (e-gate) வழியாக பயன்படுத்தி மேற்சொன்னவாறு உள்நுழையவோ, வெளியேறவோ முடியும் மற்ற நாட்டவர்கள் வழமைபோல் இருபுற இமிக்கிரேசன் அலுவலகங்களின் நின்றே செல்ல வேண்டும்.

Source: Gulf News
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...