Pages

Thursday, March 2, 2017

காதிர் முகைதீன் கல்லூரி 62 ஆம் ஆண்டு விளையாட்டு விழா நிகழ்ச்சி ( படங்கள் )

அதிராம்பட்டினம், மார்ச்-02
தஞ்சாவூர் மாவட்டம், அதிராம்பட்டினம் காதிர் முகைதீன் கல்லூரி 62 ஆம் ஆண்டு விளையாட்டு விழா நிகழ்ச்சிகள் இன்று [ 02-03-2017 ] வியாழக்கிழமை காலை கல்லூரி விளையாட்டு மைதானத்தில் எம்.கே.என் மதரஸா டிரஸ்ட் நிர்வாகி நீதிபதி எம். தணிகாசலம் அவர்களின் வாழ்த்து செய்தியோடு சிறப்பாக துவங்கியது.

இந்நிகழ்ச்சிக்கு தலைமையேற்ற கல்லூரி முதல்வர் முனைவர் ஏ.எம் உதுமான் முகையதீன் இந்திய தேசியக்கொடியை ஏற்றிவைத்து வரவேற்புரை நிகழ்த்தினார். கல்லூரி முன்னாள் முதல்வர் பேராசரியர் எம்.ஏ முகமது அப்துல் காதர், முன்னாள் துணை முதல்வர் நசுருதீன், கல்லூரி விளையாட்டுதுறை ஒருங்கிணைப்பாளர் முனைவர் சாகுல் ஹமீது ஆகியோர் முன்னிலை வகித்தனர்.

கல்லூரி தேசிய மாணவர் படை, விளையாட்டு வீரர் வீராங்கனைகள், நாட்டு நலப்பணிதிட்ட மாணவ மாணவிகள் வழங்கிய அணிவகுப்பு மரியாதையை சிறப்பு விருந்தினராகக் கலந்துகொண்ட சர்வதேச தடகள ஒலிம்பிக் முன்னாள் வீரர், பி.சுப்ரமணியன் ஏற்றுக்கொண்டு தனது வாழ்த்துரையில்;
விளையாட்டை ஊக்குவிக்கும் வகையில் மத்திய, மாநில அரசுகள் பல்வேறு உதவிகளை வழங்கி வருகிறது. விளையாட்டு வீரர்கள் இந்த வாய்ப்பை பயன்படுத்தி சர்வதேச அளவில் நடைபெறும் விளையாட்டு போட்டிகளில் வெற்றி பெற்று இந்தியாவிற்கு பெருமை சேர்க்க முன்வரவேண்டும்.

விளையாட்டுத்துறை சாதனையாளர்களுக்கு அனைத்து துறைகளில் அதிகமாக வேலைவாய்ப்புகள் உள்ளன. விளையாட்டில் சாதனை நிகழ்த்திய வீரர்கள், வேலை வாய்ப்புகளை தேடி அழைய வேண்டியதில்லை. இவர்கள் வசிக்கும் இருப்பிடம் தேடி வாய்ப்புகள் அதிகம் வரும். பெற்றோர்கள் தங்கள் பிள்ளைகளை விளையாட்டில் அதிகம் ஆர்வம் உள்ளவராக உருவாக்க வேண்டும். சரசாரி மனிதனை வீட  ஒரு விளையாட்டு வீரரின் உடலின் ஆரோக்கியம், நோய் எதிர்ப்பு சக்தி, ஆயுட்காலம் ஆகியவை  பலமானதாக இருக்கும்' என்றார்.

பின்னர் ஒலிம்பிக் சுடரை ஏற்றி வைத்தார். சுடரை கல்லூரி விளையாட்டு வீரர்கள், வீராங்கனைகள் கையில் ஏந்தியவாறு கல்லூரி மைதானத்தை சுற்றி வந்தனர். இதைதொடர்ந்து அணிவகுப்பு மரியாதையுடன் விளையாட்டு போட்டிகள் ஒவ்வொன்றாக நடைபெற்றது. இதில் கல்லூரி மாணவ மாணவிகள், பேராசிரியர்கள், அலுவலக ஆய்வக உதவியாளர்கள், முன்னாள் மாணவர்கள் ஆகியோருக்கான போட்டிகள் நடைபெற்றது. போட்டியின் இறுதியில் வெற்றி பெற்றோருக்கு பதக்கங்கள் மற்றும் சான்றிதழ் வழங்கி கெளரவிக்கப்பட்டது.

முன்னதாக கல்லூரியின் உடற்கல்வி இயக்குனர் முனைவர் முருகானந்தம் நடப்பாண்டில் விளையாட்டுத்துறையில் கல்லூரி நிகழ்த்திய பல்வேறு சாதனைகளை பட்டியலிட்டு ஆண்டறிக்கையாக வாசித்தார்.

நிகழ்ச்சிகள் அனைத்தையும் முனைவர் மேஜர் எஸ்.பி கணபதி தொகுத்து வழங்கினார். விழா முடிவில் கல்லூரி உடற்கல்வி இயக்குனர் முனைவர் முருகானந்தன் நன்றி கூறினார்.

இந்நிகழ்ச்சியில் கல்லூரி விளையாட்டு வீரர் வீராங்கனைகள், நாட்டு நலப்பணித்திட்ட மாணவ மாணவிகள், பேராசிரியர்கள், அலுவலக ஆய்வகப் பணியாளர்கள், முன்னாள் மாணவர்கள், ஊர் பிரமுகர்கள் ஆகியோர் கலந்து கொண்டனர்.

 
 
 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...