Pages

Monday, March 6, 2017

அமீரகத்தில் இன்ஷூரன்ஸ் கார்டுக்கு பதிலாக எமிரேட்ஸ் ஐடி நடைமுறைக்கு வந்தது !

அதிரை நியூஸ்: மார்ச்-6
அமீரகத்தின் தேசிய அடையாள அட்டையான எமிரேட்ஸ் ஐடியை (Emirates ID) பல்வேறு திட்டங்களுக்கும் பயன்படுத்தும் நடைமுறை படிப்படியாக செயல்படுத்தப்பட்டு வருகின்றது. தற்போது எமிரேட்ஸ் ஐடியை மருத்துவ இன்ஷூரன்ஸ் கார்டுகளுக்கு பதிலாக மருத்துவ ஆலோசணைகள், சிகிச்சைகள் மற்றும் மருந்துகள் வாங்கவும் பயன்படுத்தும் நடைமுறையை முதன்முதலாக அரசுடன் இணைந்து அமீரகத்தில் இயங்கும் ஓமன் இன்ஷூரன்ஸ் எனும் தனியார் நிறுவனம் செயல்பாட்டுக்கு கொண்டு வந்துள்ளது.

மேலும், அமீரக தேசிய இன்ஷூரன்ஸ் நிறுவனமான 'டமான்' (Daman) அதற்கான பூர்வாங்கப்பணிகள் மற்றும் பரிசோதனை முயற்சிகளில் ஈடுபட்டுள்ளதை தொடர்ந்து இந்த மாத இறுதிக்குள் அதுவும் எமிரேட்ஸ் ஐடி வழியாகவே சேவை வழங்கவுள்ளது. பிற தனியார் இன்ஷூரன்ஸ் நிறுவனங்களும் தற்போது எமிரேட்ஸ் ஐடியுடன் தங்கள் உறுப்பினர்களின் விபரங்களை இணைக்கும் பணிகளில் ஈடுபட்டுள்ளன.

ஏற்கனவே துபை விமான நிலையங்களில் பாஸ்போர்ட்டுக்கு பதிலாக 127 ஈ-கேட்டுகளில் (e-gates) எமிரேட்ஸ் ஐடிகளை பயன்படுத்தி அமீரகத்திற்குள் உள்நுழையவும், வெளியேறவும் (immigration counters) பயன்படுத்தப்பட்டு வருகிறது.2016 நவம்பர் மாதம் வரை சுமார் 234,000 பயணிகள் இவ்வசதியை பயன்படுத்தியுள்ளனர். மேலும் விரைவில் ATM கார்டுகளாக பயன்படுத்தவும், ஆன்லைன் வழியாக பணம் செலுத்தும் வசதியும் (e-payments) எமிரேட்ஸ் ஐடியுடன் இணைக்கப்பட உள்ளது.

அதிரை நியூஸில் முன்பு எமிரேட்ஸ் ஐடிகள் விமான நிலைய ஈ-கேட் கார்டுகளாகவும் பயன்படுகின்றன என்பது குறித்து வெளியான செய்தி:

துபாய் விமான நிலைய ஈ-கேட்டை எமிரேட்ஸ் ஐடியை பயன்படுத்தி பயணிகள் ஈசியாக கடக்கலாம் !

Source: Gulf News
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...