Pages

Sunday, March 5, 2017

சவூதியில் வெளிநாட்டு ஊழியர்களின் பாஸ்போர்ட்டை திருப்பி ஒப்படைக்க கெடுவிதிப்பு !

அதிரை நியூஸ்: மார்ச்-5
சவுதியில் அனைத்து வெளிநாட்டு ஊழியர்களின் பாஸ்போர்ட்டையும் முதலாளிகள் வைத்திருக்கக்கூடாது என்றும் அவற்றை அந்தந்த தொழிலாளர்களிடமே கொடுத்துவிட வேண்டும் என்ற சட்டம் கடந்த ஜூலை மாதம் முதல் அமலில் உள்ள நிலையிலும் பலர் பாஸ்போர்ட்டை தங்களுடனே வைத்துள்ளனர். இவர்கள் உடனடியாக இன்னும் 30 நாட்களுக்குள் முழுமையாக திருப்பியளிக்க வேண்டும், தவறுபவர்கள் ஒவ்வொரு ஊழியரின் பாஸ்போர்ட்டின் மீதும் 2000 ரியால் அபராதம் செலுத்த நேரிடும் என்று சவுதியின் தொழிலாளர் மற்றும் சமூக மேம்பாட்டுக்கான அமைச்சகம் எச்சரித்துள்ளது.

ஒரு முதலாளிக்கும் ஊழியர்களுக்கும் உள்ள உறவே வேலைக்கான ஓப்பந்த அடிப்படையில் (contractual relationship) மட்டுமே என்றும் அதை தவிர்த்து ஊழியர்களின் தனிப்பட்ட சொந்த ஆவணமான பாஸ்போர்ட்களை முதலாளி தன்னுடன் வைத்திருப்பது சட்டப்படி குற்றம் எனவும் தெரிவிக்கப்பட்டுள்ளது.

மேலும், 2010 ஆண்டு தேசிய மனித உரிமை கமிஷன் பரிந்துரைத்தன் அடிப்படையில், Sponsor (அனுசரணையாளர்), Sponsored (அனுசரணையை பெற்றவர்) போன்ற பதங்கள் ஒழிக்கப்பட்டு மாற்றாக Employer (முதலாளி), Employee (ஊழியர்) போன்ற சொற்களை பயன்படுத்தவும், ஊழியர்கள் தங்களின் குடும்பத்திற்கு விசா எடுக்கவோ அல்லது புனித ஹஜ் யாத்திரை செல்லவோ முதலாளியின் அனுமதி தேவையில்லை என்றும், அதேபோல் முதலாளிக்கும் ஊழியருக்கும் இடையே செய்து கொள்ளப்பட்டுள்ள ஓப்பந்தத்திற்கு வெளியே நடைபெறும் எத்தகைய பிரச்சனைகளுக்கும் முதலாளி பொறுப்பாக மாட்டார் எனவும் தெளிவுபடுத்தப்பட்டுள்ளது.

Source: Saudi Gazette
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...