Pages

Thursday, April 13, 2017

ஹஜ் செய்திகள்: தங்கும் விடுதி உரிமையாளர்கள் புதிய கட்டுப்பாடுகளை ஏற்க மறுப்பு !

அதிரை நியூஸ்: ஏப்-12
எதிர்வரும் புனித ஹஜ் யாத்திரைக்கான முன்னேற்பாடுகளில் ஒன்றாக ஹஜ் மற்றும் உம்ராவுக்கான அமைச்சகம் பல்வேறு புதிய உத்தரவுகளை சுற்றறிக்கையின் மூலம் தங்கும் விடுதிகள் மற்றும் வாடகை வீடுகளின் உரிமையாளர்களுக்கு பிறப்பித்திருந்தது.

இந்த புதிய உத்தரவுகளின்படி புனித ஹஜ் யாத்ரீகர்கள் தங்கும் விடுதிகள், வீடுகளில் 24 மணிநேரமும் போதிய பாதுகாப்பு முன்னேற்பாடுகள் (Safety Measures), சுகாதார வசதிகள் (Health services), சுத்தம் பேணுதல் (Cleaning), போதிய பணியாளர்களை நியமித்தல் (Enough Workers), பாதுகாப்பு வீரர்களை (Security Guards) பணிக்கு அமர்த்துதல் போன்றவைகளை வலியுறுத்தியும் கூடுதலாக ஒரு அறையினுள் 4 பேருக்கு மேல் தங்குவதற்கு அனுமதியில்லை என்றும் கூறப்பட்டிருந்தது.

எல்லா உத்தரவுகளையும் ஏற்ற உரிமையாளர்கள் ஒரு அறையில் 4 பேர் மட்டுமே அனுமதி என்ற கூற்றை மட்டும் ஏற்க மறுத்துவிட்டனர். தங்களுடைய விடுதிக் கட்டிடங்கள் பல 6 முதல் 8 பேர் வரை தங்குவதற்குரிய இடவசதியுடன் உள்ளதென்றும், தாங்கள் ஏற்கனவே பல ஹஜ் ஏற்பாட்டாளர்கள் மற்றும் முதலீட்டாளர்களுடன் இந்த வருடத்திற்கு தேவையான ஒப்பந்தங்களை செய்து விட்டதாலும், சவுதி அமைச்சரவையின் முடிவை மீறும் வகையில் ஹஜ் மற்றும் உம்ராவுக்கான அமைச்சகம் மட்டும் தனித்து வெளியிடும் இதுபோன்ற கடைசி நிமிட நடவடிக்கைகளை கைவிட வேண்டும் என வலியுறுத்தியுள்ளனர்.

Source: Saudi Gazette
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...