Pages

Monday, April 10, 2017

போதையில் ஏர் இந்திய எக்ஸ்பிரஸ் விமானத்தை ஓட்டவந்த பைலட் சஸ்பென்ட் !

அதிரை நியூஸ்: ஏப்-10
கடந்த சனிக்கிழமையன்று இரவு டெல்லியிலிருந்து அபுதாபி செல்லவிருந்த ஏர் இந்தியா எக்ஸ்பிரஸ் விமானத்தை இயக்க வந்த பைலட் மதுபானம் குடித்திருந்தது கண்டுபிடிக்கப்பட்டதால் அந்த விமானத்தை இயக்க தடுக்கப்பட்டதுடன் 3 மாதத்திற்கு தற்காலிக பணிநீக்கம் செய்யப்பட்டார்.

பொதுவாக, எந்த விமானியும் விமானத்தை இயக்க 12 மணிநேரத்திற்கு முன்புவரை மது குடிக்கக்கூடாது. மேலும் விமானத்தை இயக்க செல்லும் போதும் இயக்கிய உடனும் Breather Analyzer (Breathlyser) எனும் கட்டாய 'ஊதும்' (மூச்சு பகுப்பாய்வு) சோதனைக்கு உட்படுத்தப்படுவார். சோதனையில் மாட்டினால் அல்லது சோதனைக்கு மறுத்தால் முதலில் 3 மாதம் சஸ்பென்ட் செய்யப்படுவார், இதேகுற்றத்தை 2 முறை தொடர்ந்தால் 3 ஆண்டுகள் தற்காலிக பணிநீக்கம் செய்யப்படுவார் என விமான சட்டம் எண்: 24 கூறுகிறது.

சட்டம் தடுத்தாலும் மாதத்திற்கு 1 முதல் 4 விமானிகள் வரை குடித்துவிட்டு மாட்டுவதாகவும், 2015 ஆம் ஆண்டு 49 விமானிகள் தண்டிக்கப்பட்ட நிலையில் 2016 ஆம் ஆண்டு 61 விமானிகள் தண்டிக்கப்பட்டதாகவும், இது 24 சதவிகித தடலடி உயர்வு எனவும் DGCA தெரிவித்துள்ளது.

'சகஜமாக நடைபெறும்' இந்த குடி விதி மீறலில் 2016 ஆம் ஆண்டில் 24 ஏர் இந்தியா விமானிகள் பிடிபட்டு முதலிடம் வகிப்பதாகவும், அடுத்து 9 இன்டிகோ விமானிகளும், 7 ஸ்பைஸ் ஜெட் விமானிகளும் பிடிபட்டுள்ளனர் என இந்திய பாராளுமன்றத்தில் விமானத் துறையின் ராஜாங்க அமைச்சர் ஜெயந்த் சின்ஹா தெரிவித்துள்ளார்.

சமீபத்தில் எக்ஸிகியூடிவ் டைரக்டர் ஆப் ஆபரேஷன் பதவி வகித்த கேப்டன் AK கத்பாலியா என்பவர் ஊதும் சோதனைக்கு உடன்பட மறுத்ததால் 3 மாதத்திற்கு தற்காலிக பணிநீக்கம் செய்யப்பட்டிருந்தார் எனினும் மீண்டும் அவருக்கு டைரக்டர் (ஆபரேஷன்ஸ்) எனும் பதவியை 5 ஆண்டுகளுக்கு வழங்கி மத்திய அரசு அழகுபார்த்து வருவதை விமானிகள் சங்கம் கடுமையாக எதிர்த்துள்ளது குறிப்பிடத்தக்கது.

Source: Khaleej Times
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...