Pages

Sunday, May 7, 2017

ஷார்ஜாவில் 2 லட்சம் திர்ஹம் நஷ்டஈடு செலுத்தி விடுதலையான இந்திய சேப்டி ஆபீஸர் !

அதிரை நியூஸ்: மே-07
ஷார்ஜாவில் ஒரு கட்டுமான நிறுவனத்தில் 'சேப்டி ஆபீஸர்' (safety officer) எனும் பாதுகாப்பு அதிகாரியாக பணியாற்றியவர் கேரளாவை சேர்ந்த அம்ருதானந்தன். 2015 ஆம் ஆண்டு அவர் பணியாற்றிய நிறுவனத்தில் சப்ளை கம்பெனி எனும் துணை ஒப்பந்த நிறுவனம் ஒன்றின் ஊழியராக பணியாற்றி பங்களாதேஷ் நாட்டு தொழிலாளர் ஒருவர் கட்டிடத்திலிருந்து தவறி விழுந்து பலியானார், அப்போது அவர் எத்தகைய பாதுகாப்பு சாதனங்களையும் அணிந்திருக்கவில்லை.

மேலும், அம்ருதானந்தன் பணியாற்றிய நிறுவனத்தின் இன்ஷூரன்ஸூம் ஓரிரு தினங்களுக்கு முன்தான் புதுப்பிக்கப்படாமல் காலாவதி ஆகியிருந்தது. எனவே, வழக்கை விசாரித்த ஷார்ஜா நீதிமன்றம் பாதுகாப்பு அதிகாரி என்ற வகையில் இந்த மரணத்திற்கு அம்ருதானந்தனே பொறுப்பு என்று கூறி 2 லட்சம் திர்ஹத்தை இறந்த பங்களாதேஷ் தொழிலாளியின் குடும்பத்திற்கு வழங்க உத்தரவிட்டது.

அம்ருதானந்தன் பணியாற்றிய நிறுவனம் 1 லட்சம் திர்ஹத்தை ஏற்றுக் கொண்ட நிலையில் இன்னொரு லட்சத்தை செலுத்த முடியாமல் கடந்த 2 வருடங்களாக சிறையிலிருந்தார். இந்த செய்தி கடந்த 2 மாதங்களுக்கு முன் கல்ப் நியூஸ் பத்திரிக்கையில் வெளியானதை தொடர்ந்து, அவரைப் போலவே பாதுகாப்பு அதிகாரிகளாக அமீரகத்திலும் கத்தாரிலும் பணியாற்றும் பிற சேப்டி ஆபிஸர்கள் சமூக வலைத்தளங்களின் வழியாக ஒன்றுகூடி சுமார் 70,000 திர்ஹத்தை திரட்டினர் எஞ்சிய 30,000 திர்ஹத்தை ப்யூர் கோல்டு ஜூவல்லரியின் உரிமையாளர் பெரோஸ் மெர்ச்சண்ட் அவர்கள் வழங்கியதை தொடர்ந்து விடுதலையானார்.

சுமார் 3 வருடங்களுக்குப் பின் நாடு திரும்பும் அம்ருதானந்தன் திருமண செய்த ஒரு மாதத்தில் மனைவியையும் பிற குடும்ப அங்கத்தினர்களையும் பிரிந்து அமீரகம் வந்தவர். தனக்கு பொருளாதார உதவிகள் செய்த அனைவருக்கும் நன்றி தெரிவித்த அம்ருதானந்தனுக்கு விமான டிக்கெட்டையும் வீட்டிற்கு தேவையான சில பொருட்களையும் அன்பளிப்பாக வழங்கினர் சில தனியார் பாதுகாப்புத் துறை ஊழியர்கள்.

அம்ருதானந்தன் மீண்டும் அமீரகம் வருவேன், பெற்ற பாடத்தை அடிப்படையாக கொண்டு வேலையில் மேலும் ஜாக்கிரதையாக செயல்படுவேன் என்று நம்பிக்கைத் தெரிவித்துள்ளார்.

இதற்கிடையில், சுமார் 200க்கு மேற்பட்ட பாதுகாப்பு அதிகாரிகள் ஒன்றுகூடி அமீரகத்தின் பாதுகாப்புத் துறை சட்டங்களை படித்து அறிந்து கொள்ளவும், ஒருவருக்கொருவர் பகிர்ந்து கொள்ளவும், ஒருவருக்கொருவர் இணைந்து செயல்படவும் சங்கல்பம் ஏற்றனர்.

Source: Gulf News
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...