Pages

Thursday, May 11, 2017

பழைய பிளாஸ்டிக் பொருட்களிலிருந்து பெட்ரோல் தயாரிக்கும் சிரியா அகதிகள்

அதிரை நியூஸ்: மே-11
சிரியா எனும் சின்னபின்னமாக்கப்பட்ட பூமியை வாழும் நரகம் என வர்ணிக்கலாம். இங்கு எதுவுமே இல்லை உயிரைத் தவிர எனும் போது அன்றாட வாழ்வாதாரத் தேவைகளுக்கு என்ன செய்வது. சிரியா போன்ற சில கட்டாய சூழல்கள் புதிய பாதைகளை தேடி ஓடும்.

இந்த தேடல் ஓட்டத்தில் கண்டுபிடிக்கப்பட்டது தான் பிளாஸ்டிக், சாக்கடை நீர், அரசுப் படைகளால் குண்டுவீசி சிதைக்கப்பட்ட கட்டிட இடிபாடுகள் மற்றும் குப்பையிலிருந்து தயாரிக்கப்படும் ஒரு வகை மாற்று எரிபொருள் (பெட்ரோல்) மற்றும் கேஸ்.

அன்றாடம் சமையலுக்கும், வாகனங்களை இயக்கவும், விளக்குகள் எரிக்கவும், பேக்கரிக்கள், விவசாயிகள் ஜெனரேட்டர்கள் மற்றும் தண்ணீர் பம்புகளை இயக்கவும் இந்த எரிபொருளை பயன்படுத்துகின்றனர்.

டமாஸ்கஸ் நகரின் அருகில் போராளிகளின் கட்டுப்பாட்டில் உள்ள 'டவ்மா' (Douma) எனும் ஊரில் அபுல் காசிம் எனும் முன்னாள் கட்டிடத் தொழிலாளியும் அவரது 3 மகன்களும் சில உறவினர்களும் இணைந்து இந்த மாற்று எரிபொருள் ஆலையை நடத்துகின்றனர். இந்த தொழில்நுட்பத்தை இணையதளங்கள் வழியாக சுமார் 3.5 ஆண்டுகளுக்கு முன் படித்துள்ளனர். இவர்கள் தயாரிக்கும் 1 லிட்டர் பெட்ரோலின் சில்லறை வலை 2,200 சிரியன் பவுண்டுகள் (டாலர் மதிப்பில் 4.70), டீசல் 2,000 சிரியன் பவுண்டுகள்.

வாரத்தில் 6 நாட்கள் தினமும் 15 மணிநேரம் இந்த ஆலை செயல்படுகிறது. தினமும் 800 முதல் 1000 கிலோ வரை குப்பைகள் எரிக்கப்படுகின்றன. 100 கிலோ குப்பையிலிருந்து சுமார் 85 லிட்டர் மாற்று எரிபொருள் தயாரிக்கப்படுகிறது. பசியும் ரத்தமும் சாதனைகளை தடுப்பதில்லை.

Source: Gulf News
தமிழில்: நம்ம ஊரான் 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...