Pages

Tuesday, May 23, 2017

புனித ரமலானில் அமீரக அரசு அலுவலகங்கள், பள்ளிக்கூடங்கள் செயல்படும் நேரங்கள் அறிவிப்பு !

அதிரை நியூஸ்: மே 23
இன்னும் சில தினங்களில் புனிதமிகு ரமலான் மாதம் துவங்குவதையொட்டி அமீரக அரசு அலுவலகங்களுக்கான பணி நேரம் அறிவிக்கப்பட்டுள்ளது. அதன்படி, காலை 9 மணிமுதல் பகல் 2 மணிவரை தினமும் 5 மணிநேரங்கள் மட்டுமே இயங்கும். தனியார் நிறுவனங்களுக்கு இது பொருந்தாது.

அதேபோல் பள்ளிக்கூடங்களும் எதிர்வரும் மே 28 ஞாயிறு முதல் இந்த வருட கல்வியாண்டு நிறைவுறும் ஜூன் 22 வரை தினமும் 5 மணிநேரங்கள் மட்டுமே இயங்க வேண்டும் என்ற உத்தரவுடன் பல்வேறு வழிகாட்டுதல்களை அமீரக கல்வி அமைச்சகம் வெளியிட்டுள்ளது.

மாணவர்களின் பள்ளிக்கூடங்கள் காலை 8 மணிக்கு துவங்க வேண்டும். மாணவிகள் மற்றும் குழந்தைகளின் பள்ளிக்கூடங்கள் 9 மணிக்குத் தான் துவங்க வேண்டும்.

அனைத்து உடற்பயிற்சி மற்றும் விளையாட்டு சார் செயல்பாடுகளும் ரத்து செய்யப்படுகிறது. உடற்சோர்வு மற்றும் நீர்ப்போக்குகளை தவிர்க்கும் வண்ணம் மாணவ, மாணவிகள் வெயிலில் நிற்பதை தவிர்க்க வேண்டும்.

அசெம்பிளி / பிரேயர் எனப்படும் தினசரி ஒன்றுகூடலும் ரத்து செய்யப்பட்டு அதற்கு பதிலாக தினசரி முதல் வகுப்பின் முதல் 5 நிமிடம் தேசிய கீதம் பாடுவதற்காக ஒதுக்கப்படுகிறது. இடைவேளை நேரம் 10 நிமிடமாகவும், ஒவ்வொரு வகுப்புக்களும் 40 நிமிடங்களுக்கு மிகாமலும் இருக்க வேண்டும்.

Source: Gulf News
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...