Pages

Thursday, July 6, 2017

அபுதாபியில் பிறந்த உள்ளங்கை சைஸ் ஆண் குழந்தை ( படங்கள் )

அதிரை நியூஸ்: ஜூலை 06
பொதுவாக ஆரோக்கியமான கர்ப்பகாலம் என்பது 40 வாரங்களாகும். இவற்றில் சில குழந்தைகள் 40 வாரங்களுக்கு முன்பே குறைமாத குழந்தைகளாக பிறந்துவிடும். இந்தக் குழந்தைகளை நவீன மருத்துவம் சிறப்பு கவனம் செலுத்தி பாதுகாத்து பிழைக்க வைப்பதும் நடைமுறை மருத்துவ இயல்பே.

அபுதாபியில் வசிக்கும் ஒரு பிலிப்பைனிய தம்பதியருக்கும் இப்படித்தான் 40 வாரங்களில் பிறக்க வேண்டிய குழந்தை வெறும் 25 வாரங்களிலேயே அதுவும் நுரையீரல் முழு வளர்ச்சியுறாத நிலையிலேயே பிறந்தது. பிறக்கும் போது வெறும் உள்ளங்கை சைஸ் அளவே இருந்த இந்த ஆண் குழந்தையின் எடை 580 கிராம்கள் மட்டுமே. இத்தகைய குறைபாடுடைய குழந்தைகள் பிழைப்பது 50 முதல் 60 சதவிகிதம் வரை கடினமே.

அபுதாபியில் செயல்படும் தனியார் மருத்துவமனை ஒன்று இந்த குறைமாத குழந்தையின் மீது சிறப்பு கவனம் செலுத்தி சுமார் 102 நாட்கள் அதாவது 39 வாரங்கள் பூர்த்தியாகும் வரை பாதுகாத்து வந்ததன் விளைவாக குழந்தையின் வளர்ச்சியும் நுரையீரலும் போதியளவு வளர்ந்து தற்போது 1880 கிராம் என்ற எடை அளவை எட்டியதை தொடர்ந்து தாயும் சேயும் மருத்துவமனையிலிருந்து டிஸ்சார்ஜ் செய்யப்பட்டனர்.

இதற்கு முன் 2016 ஆம் ஆண்டு மார்ச் மாதம் 450 கிராம் எடையில் பிறந்த ஒரு பெண் குழந்தையே அமீரகத்தில் பிறந்த குழந்தைகளிலேயே மிக எடை குறைந்த குழந்தை என பதிவாகியுள்ளது.

Source: Khaleej Times
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...