Pages

Sunday, August 13, 2017

பட்டுக்கோட்டையில் விதைப்பந்து திருவிழா (படங்கள்)

பட்டுக்கோட்டை, ஆக.13
பட்டுக்கோட்டை அரசு ஆண்கள் மேல்நிலைப் பள்ளி மைதானத்தில் விதைகள் அமைப்பு சார்பில் விதைப்பந்து திருவிழா சனிக்கிழமை காலை 6 மணிக்கு தொடங்கியது.

வரும் திங்கள்கிழமை (ஆக.14) காலை 6 மணி வரை தொடர்ந்து 48 மணி நேரம் இடைவேளையின்றி 11,11,111 விதைப்பந்துகளைத் தயாரிக்க திட்டமிடப்பட்டுள்ளது.

அதன்படி, இப்பகுதியைச் சேர்ந்த பெண்கள், பள்ளி மாணவ, மாணவிகள், பொதுமக்கள், வியாபாரிகள், ஜல்லிக்கட்டுப் போராட்டத்தில் ஈடுபட்ட இளைஞர்கள் என பலர் கலந்து கொண்டு ஆர்வத்துடன் விதைப்பந்து தயாரிப்புப் பணியில் ஈடுபட்டனர். இவர்களால் தொடக்க நாளான சனிக்கிழமை பிற்பகல் வரை ஆயிரக்கணக்கான விதைப் பந்துகள் தயாரிக்கப்பட்டன.

ஆக. 15-ம் தேதி சுதந்திர தின நாளில் விதைகள் அமைப்பினர் ஒவ்வொரு பகுதியாகச் சென்று விதைப் பந்துகளை சாலையோரம் மற்றும் அரசு புறம்போக்கு நிலங்கள், ஏரி, குளக்கரைகளில் போடவும் திட்டமிட்டுள்ளனர். இது தவிர ஊட்டி, கொடக்கானல் போன்ற மலைப்பகுதிகளில் விதைப் பந்துகளை வீசுமாறு அப்பகுதிகளுக்குச் சுற்றுலா செல்வோரிடம் விதைப் பந்துகளை இலவசமாக கொடுத்தனுப்பவும் முடிவு செய்துள்ளனர்.

மேலும், மரம் வளர்க்க ஆர்வமுள்ள கல்வி நிலையங்கள், தனியார் நிறுவனங்கள் மற்றும் பொதுமக்களும் விதைப்பந்துகளை இலவசமாகப் பெற்றுச் செல்லலாம் எனவும் அறிவிக்கப்பட்டுள்ளது.
 

 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...