அமீரகத்தில் பல்வேறு வகையான விசாக்களுக்கு விண்ணப்பிக்க விரும்புவோர், நடப்பு விசாவை புதுப்பிக்க விரும்புவோர், விசாவை ரத்து செய்ய விரும்புவோர் என அனைவரும் இனி டைப்பிங் சென்டர்களுக்கோ அல்லது வாடிக்கையாளர் சேவை மையங்களுக்கோ நேரிடையாக செல்ல வேண்டியதில்லை மாறாக வீட்டிலிருந்தவாறே 10 நிமிடத்தில் விண்ணப்பிக்கலாம்.
அமீரக உள்துறை அமைச்சகம் அறிவித்துள்ள கீழ்காணும் ஈ-சேனல் எனப்படும் ஆன்லைன் சேவை வழியாக அமீரகத்தினரும், அமீரகத்தில் ரெஸிடென்ஸி விசாவில் உள்ளவர்களும், வளைகுடா அரபு நாடுகளை சேர்ந்தவர்களும் நேரடியாகவே விசா வழங்க வேண்டி விண்ணப்பிக்க முடியும்.
https://echannels.moi.gov.ae என்ற இந்த சுட்டிக்குள் சென்று உங்களுடைய ஈமெயில் முகவரி மற்றும் பாஸ்வேர்டை பயன்படுத்தி விசா விண்ணப்பத்தை பூர்த்தி செய்யலாம். மேலும் டைப்பிங் சென்டர்கள், நிறுவனங்கள், இமராத்திகள், ரெஸிடென்ஸ் விசாவில் உள்ளவர்கள், வளைகுடா நாடுகளைச் சேர்ந்தவர்கள் போன்ற எந்த தனிநபரும் நேரிடையாக விண்ணப்பிக்க முடியும்.
https://echannels.moi.gov.ae என்ற ஈ-சேனல் வழியாக,
1. இமராத்திகள் யாருக்கும் ஸ்பான்ஸர் செய்து விசா பெற முடியும்.
2. ரெஸிடென்ஸ் விசாவில் உள்ள வெளிநாட்டவர்கள் புதிய விசா பெற, விசாவை புதுப்பிக்க, விசாவை ரத்து செய்ய விண்ணப்பிக்க முடியும்.(அதிரை நியூஸ்)
3. வளைகுடா நாடுகளை சேர்ந்தவர்களும் புதிய விசா பெர்மிட்டுகளுக்கு விண்ணப்பிக்கலாம்.
4. விசிட்டில் வந்துள்ளவர்களும் புதிய விசாவுக்கு விண்ணப்பிக்கலாம்.
5. வர்த்தக நிறுவனங்களும் தங்களுக்கு தேவையான விசாக்களுக்கு The General Directorate of Residency and Foreigners’ Affairs (GDRFA) அலுவலகம் வராமலேயே ஈ-சேனல் வழியாக விண்ணப்பிக்கலாம்.(அதிரை நியூஸ்)
6. ஈ-சேனல் வழியாகவே விண்ணப்பிப்பதுடன் அதன் விபரங்களை (Follow Up) எந்த நேரமும் தெரிந்து கொள்வதுடன் விசா காப்பிகளை பிரிண்ட் எடுத்துக் கொள்ளலாம்.
7. மின்னனு சாதனங்கள் மற்றும் மொபைல் வழியாகவே தங்களுடைய விசா விண்ணப்ப வேலைகளையும் கட்டணம் செலுத்துவதையும் இலகுவாக எங்கிருந்தும் செய்து கொள்ளலாம்.
8. ரெஸிடென்ஸ் விசாவில் உள்ளவர்கள் விசா தொடர்புடைய அபராதங்களை செலுத்தவும், விசா செக்யூரிட்டி டெபாசிட் தொகையை திரும்பப் பெற்றுக் கொள்ளவும் இதில் வசதியுள்ளது.
9. ஈ-சேனலை பயன்படுத்த தெரியாதோர் அல்லது அதற்கான வசதி இல்லாதவர்கள் வழமைபோல் டைப்பிங் சென்டர்களுக்கு செல்லலாம்.
10. விரைவில் விசா விண்ணப்பதாரர்களின் முக ஸ்கேனிங் (Face Reading) அடிப்படையில் விசா பெறுதல், விமான நிலைய ஈ கேட்டுகள், ஸ்மார்ட் கேட்டுகள் ஆகியவையும் இணைக்கப்படும்
என்பன போன்ற இன்னும் பல சிறப்பு அம்சங்களுடன் அறிமுகப்படுத்தப்பட்டுள்ளது.
Source: Gulf News
தமிழில்: நம்ம ஊரான்
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.