Pages

Thursday, August 3, 2017

ஹஜ் செய்திகள்: புனித மதீனா மாநகரில் ஹஜ் யாத்ரீகர்கள் வருகை அதிகரிப்பு !

அதிரை நியூஸ்: ஆக.03
இந்த வருட ஹஜ் பயணிகளை வரவேற்கவும் அவர்களுக்கான அடிப்படை சேவைகளை வழங்க அனைத்து முன்னேற்பாடுகளுடனும் தயாராகவுள்ள நபி (ஸல்) அவர்களின் பட்டிணம் என பொருள்படும் புனித மதினா மாநகரில் ஹஜ் யாத்ரீகர்களின் வருகை படிப்படியாக அதிகரித்து வருகிறது.

கடந்த வருட இதே காலகட்டத்துடன் ஒப்பிடுகையில் சுமார் 9 சதவிகிதம் அதிகரித்து காணப்படுகிறது. கடந்த செவ்வாய்கிழமை வரை சுமார் 109,428 ஹஜ் பயணிகளின் வருகை பதிவாகியுள்ளது. இவர்களில் உலகெங்குமிருந்தும் சுமார் 311 விமானங்கள் மூலம் மதினாவிலுள்ள இளவரசர் முஹமது பின் அப்துல் அஜீஸ் சர்வதேச விமான நிலையத்தின் வழியாக வருகை தந்தோர் சுமார் 103,123 பேர். சர்வதேச சாலை போக்குவரத்தை பயன்படுத்தி சுமார் 158 பேருந்துகள் மூலம் வருகை தந்தோர் 6,305 பேர்.

மதினா விமான நிலையத்தில் அல்லாஹ்வின் விருந்தினர்களை வரவேற்கவும் அவர்களுக்கான சேவைகளை விரைவாக வழங்கவும் ஏதுவாக 100 பாஸ்போர்ட் கவுன்டர்களும், 5 தாராள இடவசதியுடைய லவுஞ்சுகளும் உள்ளன. இதுவரை அதிகளவில் இந்தியாவிலிருந்து சுமார் 30,110 ஹஜ் பயணிகளும் இவர்களுக்கு அடுத்த நிலையில் பாகிஸ்தான், இந்தோனேஷியா, மலேஷியா, ஆப்கானிஸ்தான் நாட்டவர்கள் வருகை தந்துள்ளனர்.

மதினாவில் உள்ள சுமார் 581 ஹோட்டல்கள் மற்றும் வசதியான குடியிருப்புக்களில் சுமார் 353,000 படுக்கை வசதிகளும் தயார் நிலையில் உள்ளன என்றாலும் இதுவரை சுமார் 31 சதவிகித படுக்கைகளுக்கான ஹஜ் யாத்ரீகர்களே வருகை தந்துள்ளனர்.

இதுவரை சுமார் 200 ஹஜ் பயணிகள் மஸ்ஜிதுந்நபவி உள்ளேயும், சுமார் 824 பேர் பள்ளிக்கு வெளியேயும் தங்களுடைய தங்குமிடங்களுக்கு திரும்பச் செல்வதற்கான வழியை மறந்து தவித்துள்ளனர், இவர்கள் அனைவரும் பத்திரமாக அவரவர்களின் தங்குமிடங்களுக்கு கொண்டு சேர்க்கப்பட்டனர்.

600க்கு மேற்பட்ட வயதில் முதிய ஹஜ் யாத்ரீகர்களுக்கு வீல்சேர் வசதிகள் செய்து தரப்பட்டு அவர்கள் மஸ்ஜிதுந் நபவிக்கு சென்று வரத்தேவையான உதவிகளை பெற்றுள்ளனர். சுமார் 4,425 சுகவீனமுற்ற பயணிகளுக்கு மருத்துவ மனைகளிலும் சுகாதார மையங்களிலும் வைத்து தேவையான சிகிச்கைகள் வழங்கப்பட்டன.

அதேவேளை புனித மக்கா நகரில், 185,000 நட்சத்திர விடுதி ஹோட்டல் அறைகளுடன் கூடுதலாக வசதியான பல குடியிருப்புக்களும், எண்ணற்ற வீடுகளும் ஹஜ் யாத்ரீகர்களுக்காக தயார் நிலையில் உள்ளன. இந்த தங்குமிடங்களில் சுமார் 1.6 மில்லியன் ஹஜ் யாத்ரீகர்கள் தங்க முடியும். இந்த தங்கும் விடுதிகளில் பெரும்பாலானவை மினா அருகிலுள்ள அல் அஸீஸியா பகுதியிலேயே தங்குவர்.

2 புனிதப் பள்ளிகளின் நிர்வாகத் தலைமை அலுவலகம் அறிவித்துள்ளபடி, புனித கஃபாவைச் சுற்றிப் போர்த்தப்பட்டுள்ள கிஸ்வா துணி அடுத்த வாரம் சுத்தம் பேணுதலுக்காக சுமார் 3 மீட்டர் உயரத்திற்கு சுருட்டி வைக்கப்படும்.

Source: Saudi Gazette
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...