Pages

Monday, September 11, 2017

அல் அய்னில் 15 திர்ஹம் செலுத்தினால் நாள் முழுவதும் பார்க்கிங் !

அதிரை நியூஸ்: செப்.11
அல் அய்னில் 15 திர்ஹம் செலுத்தினால் நாள் முழுவதும் பார்க்கிங் செய்யும் வசதி அறிமுகம்.

அபுதாபிக்கு உட்பட்ட அல் அய்ன் நகரில் புதிதாக 121 பார்க்கிங் டிக்கெட் வழங்கும் மெஷின்களும், சுமார் 5,600 மேற்பட்ட பார்க்கிங் ஸ்லாட்களும் நகரை 5 மண்டலங்களாக பிரிக்கப்பட்டு நிறுவப்பட்டுள்ளன.

ஹை கிஸைதா மண்டலத்தில் 1,376, ஹை அல் ருபைனா மண்டலத்தில் 1,175, ஹை அல் நவாஸி மண்டலத்தில் 1,107, ஹை அல் ஹூமைரா மண்டலத்தில் 1,166, ஹை அல் ஸலாமா 867 என மொத்தம் 5,696 பார்க்கிங் ஸ்லாட்டுக்கள் உருவாக்கப்பட்டுள்ளன.

பிரதி சனிக்கிழமை முதல் வியாழன் வரை தினமும் காலை 8 மணிமுதல் நள்ளிரவு 12 மணிவரை மணிக்கு 2 திர்ஹம் என ஸ்டான்டர்டு ஸ்லாட்டுகளுக்கான பார்க்கிங் கட்டணம் செலுத்த வேண்டும் அல்லது நாள் முழுவதும் பார்க்கிங் ஸ்லாட்டை பயன்படுத்திக் கொள்ளும் வகையில் 15 திர்ஹத்தை மட்டும் செலுத்தலாம் அல்லது பரிமியம் பார்க்கிங் ஸ்லாட்டுகளில் அதிகபட்சம் 4 மணிநேரம் வரை வாகனத்தை நிறுத்தி விட்டு மணிக்கு 3 திர்ஹம் செலுத்தும் வசதியும் உள்ளது.

வீட்டருகேயுள்ள ஸ்டான்டர்டு பார்க்கிங் ஸ்லாட்டுகளை இலவசமாக பயன்படுத்திக் கொள்ள ரெஸிடென்ட் விசாவில் உள்ளவர்கள் விண்ணப்பிக்கலாம். அதேவேளை ரெஸிடென்ட் விசாவில் இல்லாதவர்கள் இரவு 9 முதல் காலை 8 மணிவரை இந்த பார்க்கிங்குகளில் வாகனத்தை நிறுத்த அனுமதியில்லை.

கட்டிட உரிமையாளர்கள் அல்லது தங்கியிருப்போர் அல்லது அவர்களது நெருங்க இரத்த உறவுகள் என கட்டிடத்திற்கு தலா 2 பார்க்கிங் சலுகை கட்டண அடிப்படையில் பெறலாம். முதலாவது பார்க்கிங் ஸ்லாட் 800 திர்ஹத்திற்கும், 2 பார்க்கிங் ஸ்லாட் 1,200 திர்ஹத்திற்கும் கிடைக்கும்.

வில்லாக்களில் வாழும் இமராத் குடும்பத்தினர்களுக்கு பார்க்கிங் ஸ்லாட்டுகள் இலவசம். அதேவேளை அப்பார்ட்மென்ட்டுகளில் வாழும் இமராத்திகள் 4 பார்க்கிங் ஸ்லாட்டுகளை வரை இலசவமாக பெற்றுக் கொள்ளலாம்.

Source: Gulf News
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...