Pages

Monday, October 9, 2017

சிறுபான்மையின மாணவ, மாணவிகள் 'பேகம் ஹஜரத் மஹல்' கல்வி உதவித் தொகை பெறுவது எப்படி ? முழு விவரம் !

தஞ்சாவூர் மாவட்டத்தைச் சேர்ந்த சிறுபான்மையினர் மாணவ மாணவிகளுக்கு 'பேகம் ஹஜரத் மஹல் நேஷனல் ஸ்காலர்ஷிப்' (மௌலானா ஆசாத் கல்வி உதவித்தொகை) பெற www.maef.nic.in என்ற இணைய தள முகவரியில் ஆன்லைனில் விண்ணப்பங்கள் வரவேற்கப்படுகிறது என மாவட்ட ஆட்சித் தலைவர் ஆ.அண்ணாதுரை இன்று (அக்.09 ) திங்கட்கிழமை தகவல் தெரிவித்துள்ளார்.

சிறுபான்மையின சமூகத்தைச் சார்ந்த கல்வியில் சிறந்து விளங்கி பொருளாதாரத்தில் பின்தங்கிய நிலையில், கல்வி தொடர்ந்து பயில முடியாத மாணவிகளை அங்கீகரித்து, ஊக்குவிக்கும் வகையில் 'பேகம் ஹஜரத் மஹல் நேஷனல் ஸ்காலர்ஷிப்' என்ற திட்டம் (முன்பு “மௌலானா ஆசாத் கல்வி உதவித்தொகை “MAEF”) வழங்கப்பட்டு வருகிறது,

தகுதியானவர்கள்:
இத்திட்டத்தின்கீழ் சிறுபான்மையினராக கருதப்படும் முஸ்லிம். கிறிஸ்தவர்கள், சீக்கியர்கள், பௌத்தர்கள், ஜைனர்கள் மற்றும் பார்சிஸ் ஆகிய சிறுபான்மை சமு்கத்தில் உள்ள மாணவிகளுக்கு 9 ஆம் வகுப்பு முதல் 12ம் வகுப்பு வரை பயில்வோருக்கு கல்வி உதவித்தொகை வழங்கப்படுகிறது

9 ஆம் வகுப்பு முதல் 11ம் வகுப்பு வரை பயில்பவர்கள் குறைந்த பட்சம் 50 சதவிகித மதிப்பெண்களும் மற்றும் 12ஆம் வகுப்பு வரை பயில்பவர்கள் குறைந்த பட்சம் 55 சதவிகித மதிப்பெண்களும் அல்லது அதற்கு இணையான கிரேடு மதிப்பெண்கள் முந்தைய வகுப்புகளில் பெற்றிருக்க வேண்டும்,

கல்வி உதவித்தொகை பெறுவதற்கு மாணவிகளின் பெற்றோர் - காப்பாளரின் ஆண்டு வருமானம் அனைத்து வகைகளிலும் ரூ.2,00,000-/க்கு மிகாமல் இருத்தல் வேண்டும்

கல்வி உதவித்தொகை:
9 ஆம் வகுப்பு முதல் 10ஆம் வகுப்பு வரை வருடத்திற்கு ரூ.10,000-/மும் மற்றும் 11ஆம் வகுப்பு முதல் 12ஆம் வகுப்பு வரை வருடத்திற்கு ரூ.12,000-/ மும் இரண்டு தவணைகளில் மாணவிகளின் வங்கிக் கணக்கில் நேரடி பயன்மாற்று முறையில் (Direct Benefit Transfer) வழங்கப்படும். இந்த கல்வி உதவித்தொகையில் சேர்க்கை, கற்பிக்கும் கட்டணம், புத்தகங்கள், எழுதுபொருள் மற்றும் உண்டி உறைவிடம் ஆகிய செலவினங்கள் அடங்கும்,

புதுப்பித்தல்:
இத்திட்டத்தின்கீழ் மாணவிகள் ஏற்கனவே கல்வி தொடர (புதியது) பெற்றவர்கள் மட்டும் குறைந்த பட்சம் 50 சதவிகித மதிப்பெண்களுடன் அல்லது அதற்கு இணையான கிரேடு மதிப்பெண்கள் முந்தைய வகுப்பில் தேர்ச்சி பெற்றிருக்கும் பட்சத்தில் புதுப்பித்தல் கல்வி பெற தகுதியுடையவர்கள்.

மாணவிகள் தெரிவு செய்யும் முறை:
2011ஆம் ஆண்டில் சிறுபான்மை பிரிவினரின் மக்கட்தொகையின்படி ஒவ்வொரு மாநிலங்களுக்கு கல்வி உதவித்தொகை ஒதுக்கீட்டிற்கு ஒதுக்கீட்டின் அடிப்படையில் செய்யப்பட்ட  கல்வி உதவித்தொகை எண்ணிக்கைக்கு ஏற்ப மாணவிகளின் பெற்றோர்  - பாதுகாவலர் அனைத்து வழிகளிலும் பெறும் ஆண்டு வருமானம் மற்றும் மதிப்பெண்கள் அடிப்படையில் தெரிவு செய்யப்படும்.

விண்ணப்பிக்கும் முறை:
மாணவிகள் www.maef.nic.in என்ற இணையதள முகவாpயில் மட்டுமே 31-10-2017க்குள் ஆன்லைனில் விண்ணப்பிக்க வேண்டும்.  பின்பு ஆன்லைனில் விண்ணப்பத்தை பதிவிறக்கம் செய்து அனைத்து விண்ணப்பிக்கப்பட்ட சான்றாவணங்களுடன் பள்ளி தலைமையாசிரியர் - முதல்வர் சான்றளிக்கப்பட்ட கையொப்பத்துடன் அனைத்து ஆவணங்களையும் 15-11-2017க்குள் Maulana Azad Education Foundation, Maulana Azad Campus, Chelmsford Road, Opposite New Delhi Railway Reservation Centre, New Delhi – 110 055 என்ற முகவரிக்கு சென்றடைதல் வேண்டும்.

சமர்ப்பிக்க வேண்டிய ஆவணங்கள்:
1. பள்ளி முதல்வர் - தலைமை ஆசிரியரால் சான்றளிக்கப்பட்ட மாணவர் புகைப்படம் இணைக்க வேண்டும்.
2. பள்ளி முதல்வர் - தலைமை ஆசிரியரால் சரிபார்க்கப்பட்ட படிவத்தில் சான்றெப்பம் பெற்றிருத்தல் வேண்டும்
3. சுய சான்றொப்பத்துடன் கூடிய முந்தைய வகுப்பின் மதிப்பெண் சான்றிதழ்.
4. வட்டாட்சியரிமிருந்து பெற்ற ஆண்டு வருமானம் சான்றிதழ்
5. சிறுபான்மையினர் என்பதற்கான சுய உறுதிமொழி படிவம்
6. வங்கிக் கணக்கு எண். IFSC Code மற்றும் MICR Code ஆகிய விவரங்கள் அடங்கிய வங்கி கணக்கு புத்தகம் நகல்
7. ஆதார் அட்டை நகல்

மேலும் விவரங்களுக்கு இணையதள முகவரியில் அறிந்து கொள்ளலாம் மற்றும் மாவட்ட ஆட்சியரகத்திலுள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை அணுகலாம் என  இவ்வாறு மாவட்ட ஆட்சித் தலைவர் ஆ. அண்ணாதுரை தெரிவித்துள்ளார்.

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...