Pages

Saturday, December 16, 2017

திருச்சி விமான நிலையத்தில் கண்கவரும் வடிவில் புதிய முனையம் (படம்)

2018 ஆம் ஆண்டின் கட்டுமானப் பணிகள் தொடங்க உள்ள திருச்சி விமான நிலையைப் புதிய முனையத்தின் வடிவமைப்பு, அதிலுள்ள வசதிகள் குறித்து விமான நிலைய அதிகாரிகளுக்கு நேற்று விளக்கமளிக்கப்பட்டது.

நாட்டிலேயே அதிவேகமான வளர்ச்சியைப் பெரும் விமான நிலையங்களில் திருச்சி முக்கிய இடத்தை பிடித்துள்ளதால், இங்கிருந்து பிற நாடுகளுக்கு விமானங்களை இயக்க பல்வேறு நிறுவனங்கள் ஆர்வம் காட்டி வருகின்றன. எனவே, திருச்சி விமான நிலையத்தை விரிவு படுத்த இந்திய விமான நிலைய ஆணையம் முடிவு செய்துள்ளது.

அதன்படி, ஆண்டுக்கு 3.52 மில்லியன் பயணிகளை கையாளும் வகையில், சுமார் ரூ.920 கோடி செலவில் புதிய பயணிகள் முனையம், வான் போக்குவரத்து கட்டுப்பாடு அறை உள்ளிட்டவற்றை கொண்ட புதிய ஒருங்கிணைந்த முனையம் கட்டம் திட்டமிடப்பட்டது. இதற்கான, உட்கட்டமைப்பு மற்றும் வடிவமைப்பு பணிகள் தொடர்பான விரிவான திட்ட அறிக்கை தயாரிக்கும் பணிகளை பிரான்ஸ் நாட்டைச் சேர்ந்த இஜிஐஎஸ் நிறுவனம் மேற்கொண்டு வருகிறது.

இப்பணிகள் ஏறக்குறைய முடிவுற்ற நிலையில், அது தொடர்பான விளக்கக்கூட்டம் திருச்சி விமான நிலைய வளாகத்தில் நேற்று நடைபெற்றது. இதில், விமான நிலைய இயக்குநர் கே. குணசேகரன், புதிய முனைய திட்ட பொது மேலாளர் ஸ்ரீகிருஷ்ணா மற்றும் இஜிஐஎஸ் நிறுவன அதிகாரிகள் பங்கேற்றனர். இதுதவிர, வான் போக்குவரத்து கட்டுப்பாட்டுப் பிரிவு, தொழில்நுட்பம், இமிக்ரேஷன், பொறியியல் உட்பட விமான நிலையத்தின் அனைத்துப் பிரிவு உயர் அலுவளர்கள், ஏர்லைன்ஸ் நிறுவனங்களின் பிரதிநிதிகள் கலந்துகொண்டனர்.

அவர்களுக்கு புதிய விமான நிலையத்தின் வடிவம், அதன் உட்பகுதியிலுள்ள வசதிகள் (ப்ளு பிரிண்ட்), குறித்து டி தொழில் நுட்பம் மற்றும் கிராபிக்ஸ் காட்சிகளுடன் விரிவாக விளக்கம் அளிக்கப்பட்டது. அப்போது மேற்கொண்டு செய்ய வேண்டிய மாற்றங்கள், திருத்தங்கள் குறித்தும் அனைவரிடமும் கருத்து கேட்கப்பட்டது.

இதுகுறித்து விமான நிலைய அதிகாரிகள் கூறும்போது, "விமான நிலைய புதிய முனையை வடிவமைப்பு பணிகள் இறுதிக்கட்டத்தை எட்டிவிட்டன. புதிய முனையம் கண் கவரும் வகையில் வடிவமைக்கப்பட உள்ளது. இதிலுள்ள வசதிகள், வடிவமைப்பு முறைகள் குரிது அதிகாரிகளுக்கு விளக்கமளிக்கப்பட்டுள்ளது. இதில், சில திருத்தங்கள் செய்ய வேண்டும் என்ற கருத்துகள் முன்வைக்கப்பட்டுள்ளன. மண் வளம், சுற்றுச்சூழல் உட்பட அனைத்து வகையான் ஆய்வுகளும் முடிவடைந்த பிறகு, விரைவில் ( 2018 ஆம் ஆண்டில் ) புதிய முனையத்துக்கான பணிகள் தொடங்கும்" என்றனர்.

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...