Pages

Monday, December 11, 2017

சவுதியில் வீட்டுப் பணியாளர்களுக்கு சம்பள அட்டை கட்டாயம் !

அதிரை நியூஸ்: டிச.11
சவுதியில் வீட்டுப் பணியாளர்களுக்கும் சம்பள அட்டைகள் கட்டாயமாகிறது

சவுதியில் வீட்டுப் பணியாளர்கள், டிரைவர்கள் போன்ற வேலையாட்களின் மாதாந்திர சம்பளத்தை பெறுவதில் பல சங்கடங்களை சந்தித்து வந்தனர். இந்தப் பிரச்சனையை சரிசெய்யும் நோக்குடன் நிறுவனங்களில் பணியாற்றும் ஊழியர்களின் வங்கி சம்பள அட்டையை போலவே வீட்டுப் பணியாளர்களும் இனி பெறுவர் என சவுதியின் தொழிலாளர் மற்றும் சமூக மேம்பாட்டுக்கான அமைச்சகம் தெரிவித்துள்ளது.

அனைத்து முதலாளிகளும் இன்னும் 6 மாத காலத்திற்குள் தங்களின் வீட்டுப் பணியாளர்களுக்கான சம்பளக் கார்டுகளை வங்கிகளிடமிருந்து பெற்றுத் தரவேண்டும். புதிய பணியாளர்களுக்கு அவர்கள் சவுதிக்குள் நுழைந்த சில நாட்களிலிலேயே இந்த சம்பளக் கார்டுகளை பெற்றுத் தர வேண்டும்.

வீட்டு முதலாளிகள் சம்பளம், ஊக்கத் தொகைகள் போன்றவற்றை கார்டுகள் மூலமே செலுத்த வேண்டும். இந்தக் கார்டுகளை டெபிட் கார்டுகளை போன்றே உபயோகப்படுத்தி எந்த நேரத்திலும் வீடு சார்ந்த தொழிலாளர்கள் அதிலிருந்து தேவையான பணத்தை எடுத்துக் கொள்ளலாம் அனுமதிக்கப்பட்ட கடைகளிலிருந்து பொருட்களை வாங்கலாம் ஆனால் முதலாளிகள் மட்டுமே இதில் பணத்தை டெபாஸிட் செய்ய முடியும் அல்லது அவர்களது வங்கிக் கணக்கிலிருந்து மாற்ற முடியும்.

சவுதி அரேபியாவிற்குள் மட்டுமே செல்லத்தக்க இந்த சம்பளக் கார்டுகளை தங்கள் வீட்டுப் பணியாளர்களுக்கு பெற்றுத்தர முதலாளிக்கு சம்பந்தப்பட்ட வங்கியில் கணக்கு இருக்க வேண்டும், விண்ணப்பத்தை பூர்த்தி செய்து வங்கியும் முதலாளியும் பரஸ்பரம் ஒப்புதல் கையெழுத்திட வேண்டும், சம்பந்தப்பட்ட தொழிலாளியின் அடையாள அட்டையை வங்கியிடம் சம்பள கணக்கு துவங்கும் போது தர வேண்டும் என விளக்கமளிக்கப்பட்டுள்ளது.

Source: Saudi Gazette
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...