Pages

Thursday, December 7, 2017

சவுதியில் சுற்றுலா விசா விநியோகிக்க டிராவல்ஸ் நிறுவனங்களுக்கு அனுமதி !

அதிரை நியூஸ்: டிச.07
சவுதி சுற்றுலா பயண விசாக்களை விநியோகிக்க பயண ஏற்பாட்டு நிறுவனங்களுக்கு அனுமதி வழங்கப்பட்டுள்ளது.

சவுதி அரேபியாவில் செயல்படும் டிராவல் ஏஜென்ஸீஸ் எனப்படும் பயண முகவர் நிறுவனங்கள் A, B, C, D என 4 பிரிவுகளில் வகைப்படுத்தப்பட்டுள்ளன. இதில் 'D' என்ற வகைக்குள் வரும் டிராவல் ஏஜென்ஸிகள் சுற்றுலா விசாக்களை வழங்குவதற்கு அனுமதிக்கப்படும் என சவுதி சுற்றுலா மற்றும் தேசிய பாரம்பரியச் சின்னங்களுக்கான ஆணையம் (Saudi Commission for Tourism and National Heritage - SCTH) தெரிவித்தது. மேலும், ஜித்தாவில் நடைபெற்ற நிகழ்ச்சி ஒன்றில் இத்தகைய சுற்றுலா விசா வழங்கும் டிராவல் ஏஜென்ஸி ஒன்றுக்கு முதலாவது லைசென்ஸ் வழங்கி திட்டம் துவக்கி வைக்கப்பட்டது.

இதற்குமுன் இத்தகைய விசாக்கள் புனித யாத்ரீகர்கள், வர்த்தகர்கள் மற்றும் தங்குமிட அனுமதியின் கீழுள்ள வெளிநாட்டினரின் உறவுகளுக்கு மட்டுமே வழங்கப்பட்டது. இதற்கிடையில், நாட்டிலுள்ள சுற்றுலா கட்டமைப்புக்களை மேம்படுத்துவதற்காக சுமார் 2.67 பில்லியன் டாலர்களை சவுதி சற்றுலா மற்றும் தேசிய பாரம்பரியச் சின்னங்களுக்கான ஆணையத்திற்கு சவுதி அரசு ஒதுக்கியுள்ளது.

சவுதியில் தற்போது மேலும் 6 சுற்றுலா முக்கியத்துவம் வாய்ந்த பகுதிகள் அடையாளம் காணப்பட்டுள்ளன. குறிப்பாக அல் உலா, பர்ஸான் தீவுகள், அல் ராஸ் அல் அப்யத் கடற்கரை போன்றவை குடும்பத்தினருக்கு ஏற்ற சுற்றுலா தளங்களாகும். இவை ஏற்கனவே அடையாளம் காணப்பட்டு புனரமைக்கப்பட்டு வரும் 80 சுற்றுலா மையங்களுடன் இணைக்கப்படும்.

எதிர்வரும் 14 வருடங்களில் சவுதி அரேபியாவின் பெட்ரோலியம் அல்லாத வருமானத்தில் சுமார் 18 சதவிகிதம் சுற்றுலாவின் மூலம் கிடைக்கலாம் என்றும், 2020 ஆம் ஆண்டிற்குள் சுமார் 1.5 மில்லியன் சுற்றுலாவாசிகள் வருகை தருவர் என்றும் எதிர்பார்க்கப்படுகிறது.

விசன் 2030 என்ற தூரநோக்குத் திட்டத்தின் கீழ் வேலைவாய்ப்பின்மை அகற்றம், பெட்ரோலியம் அல்லாத வேறு துறைகளின் தொழிற்சாலைகள் பெருக்கம், சுற்றுலா, சிறு மற்றும் நடுத்தர தொழில் நிறுவனங்களை அதிகரித்தல் உள்ளிட்ட பரந்த முதலீட்டுத் திட்டங்களை அதிகரிப்பதற்கு முக்கியத்துவம் அளிக்கப்பட்டு வருகிறது.

Source: StepFeed / Arab News / Msn
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...