Pages

Wednesday, December 6, 2017

அமீரகத்தில் வாகனப் பதிவு, புதுப்பித்தல் உட்பட பல சேவை கட்டணங்கள் உயர்வு!

அதிரை நியூஸ்: டிச.06
அமீரகம் முழுவதும் வாகன பதிவு, புதுப்பித்தல் உட்பட பல சேவை கட்டணங்கள் உயர்ந்தது

அமீரக துணை ஜனாதிபதியும், பிரதமரும், துபை ஆட்சியாளருமான ஷேக் முஹமது அவர்களின் தலைமையின் கீழ் கடந்த அக்டோபர் மாதம் 4 ஆம் தேதி நடைபெற்ற அமைச்சரவை கூட்ட தீர்மான எண்: 30/2017 படி, புதிய வாகனப் பதிவு, புதுப்பித்தல், வாகன பரிசோதனை, ஓட்டுனர் உரிமம் உள்ளிட்ட பல சேவைகளுக்கும் அமீரகம் முழுவதும் ஓரே கட்டண அளவு நிர்ணயிக்க தீர்மானிக்கப்பட்டது. அந்தத் தீர்மானம் தற்போது அரசிதழில் வெளியிடப்பட்டு சட்டமானதை தொடர்ந்து டிசம்பர் 1 முதல் நடைமுறைக்கு வந்துவிட்டதாக அறிவிக்கப்பட்டுள்ளது.

புதிய சட்டப்படி, இலகுரக வாகன உரிமையாளர்கள் (Owners of Light vehicles) புதிய வாகனங்களை முதன்முறை பதிவு செய்ய 400 திர்ஹம், புதுப்பிக்க 350 திர்ஹம் (துபையில் பழைய கட்டணம் 250), வேறொரு உரிமையாளருக்கு மாற்ற 350 திர்ஹம், புதிய உரிமையாளர் பெயரில் மீண்டும் பதிவு செய்ய 400 திர்ஹம்.

வாகன பரிசோதனை கட்டணம் 150 திர்ஹம் (முன்பு துபையில் 120), புதிதாக வாகன ஓட்டுனருக்கான கோப்பு திறக்க 200 திர்ஹம் (The fees for opening a traffic file for driving licence), புதிய ஒரு வருட ஓட்டுனர் அனுமதி (Driving License), புதுப்பித்தல், காணாமல் அல்லது சேதமடைந்ததற்கு பதிலாக புதிய ஓட்டுனர் அனுமதி, ஒரு வருடத்திற்கு மேல் அனுமதியுள்ள ஓட்டுனர் அனுமதி பெற 300 திர்ஹம்.

மாற்றத்தக்க பிற நாடுகளின் வாகன ஓட்டுனர் உரிமத்தை அமீரகத்தில் பதிவு செய்து புதிய வாகன ஓட்டுனர் உரிமம் பெற்றுக் கொள்ள 600 திர்ஹம். இது தவிர ஏற்கனவே நடைமுறையில் உள்ள சேவை மற்றும் இதர வகை கட்டணங்களும் மேற்படி புதிய கட்டணங்களுடன் சேர்த்தே வசூலிக்கப்படும்.

முழுமையான பட்டியலை பார்வையிட:
http://gulfnews.com/polopoly_fs/1.2135961.1512488685!/menu/standard/file/Copy%20of%20Traffic%20fees.xlsx

Source: Gulf News
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...