Pages

Friday, January 12, 2018

சவுதி அரேபியாவின் 147 வயது மூத்த குடிமகன் வஃபாத் !

அதிரை நியூஸ்: ஜன.12
சவுதி அரேபியாவின் இயற்கை ஆர்வலரும், மூத்த குடிமகனுமாகிய ஷேக் அலி அல் அலக்மி 147 வயதில் வஃபாத். (காலமானார்)

சவுதி அரேபியாவின் அப்ஹா நகரில் வாழ்ந்து வந்த ஷேக் அலி அல் அலக்மி (Sheikh Ali Al-Alakmi) என்ற 147 வயது மூத்த குடிமகன் கடந்த வாரம் மரணமடைந்தார். இன்னாலில்லாஹி வ இன்னா இலைஹி ராஜிவூன். ஷேக் அவர்கள் ஒரு இயற்கை ஆர்வலர் என்பதும் இயற்கையாக விளைவிக்கப்பட்ட உணவுகளையே உண்டு வந்தார் என்பதும் குறிப்பிடத்தக்கது.

எப்போதும் குர்;ஆன் ஓதுவதில் அதீத ஈடுபாடு கொண்ட ஷேக் அவர்கள் விரல் லிட்டு எண்ணத்தக்க அளவில் பயணம் செய்திருந்தாலும் காரில் பயணம் செய்வதை விரும்புவதே இல்லை. ஓருமுறை அப்ஹாவிலிருந்து நடைபயணமாக சுமார் 600 கி.மீ மக்காவிற்கு பயணம் செய்து ஹஜ்ஜை நிறைவேற்றினார், இந்த நடை பயணத்தின் நோக்கம் சாதனை செய்வதல்ல மாறாக நடப்பது என்பது அவரது இயல்பு என்பதால் மட்டுமே நடந்து சென்றார்.

அவருடைய சொந்தப் பண்ணையில் இயற்கை உரங்கள் கொண்டு விளைவிக்கப்படும் தானியங்கள், கோதுமை, சோளம், பார்லி (வாற்கோதுமை), தேன் போன்றவற்றையே உணவாக (Organic Foods) எடுத்துக் கொண்டுள்ளார். அதேபோல் மாமிசங்களும் தன்னுடைய பண்ணையில் வளர்ந்த கால்நடைகளிலிருந்தே மாமிச உணவுகளை புசித்து வந்தார். ஐஸ் கொண்டு பதப்படுத்தப்பட்ட உணவுகளையோ விழாக்கால உணவுகளை தவிர்த்து வந்தார்.

இவருடைய 38 வது வயதின் போது தான் அப்போதைய மன்னர் அப்துல் அஜீஸ் பின் சவுது அவர்கள் அஸீர் பிரதேசத்தை கைப்பற்றி சவுதி அரேபியாவின் ஒரு பகுதி என அறிவித்தார். இவருடைய காலத்திய மனிதர்கள் யாரும் உயிருடன் இல்லாததால், என்னுடைய அழகான இளமைக்கால வாழ்க்கை மிகச்சிறந்த ஒன்று இனி அது கிடைக்கப்போவதில்லை என இறக்குமுன் நினைவுகளை கூறிவந்தார். இவருடைய மகன் ஏற்கனவே இறந்துவிட்ட நிலையில் மகள் மட்டுமே உயிருடன் உள்ளார்.

Sources: Al Arabiya English & Khaleej Times
தமிழில் : நம்ம ஊரான்

2 comments:

  1. இம்முதியவரைப் பற்றிப் படித்திருக்கிறேன். ஆனால், இரண்டரை ஆண்டுகள் அப்ஹாவில் வாழ்ந்தும்கூட, என்னால் நேரில் சந்திக்க முடியவில்லையே என்ற ஆதங்கம்.

    ReplyDelete
  2. இன்னாலில்லாஹிவஇன்னாஇலைஹி ராஜிவூன்

    ReplyDelete

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...