Pages

Friday, February 2, 2018

கீழத்தெரு மஹல்லாப் பகுதிகளில் 7 இடங்களில் புதிதாக குப்பைத்தொட்டி வைப்பு (படங்கள்)

அதிராம்பட்டினம், பிப்.02
தூய்மை, பொது சுகாதாரம் ஆகியவற்றை வலியுறுத்தி, அதிராம்பட்டினம் பேரூராட்சிக்கு உட்பட்ட கீழத்தெரு பகுதிகளில் புதிதாக குப்பைத் தொட்டிகள் 7 இடங்களில் வைக்கப்பட்டன.

தஞ்சாவூர் மாவட்டம், அதிராம்பட்டினம் கீழத்தெரு அல் மதரஸத்துல் நூருல் முகம்மதியா சங்கம் சார்பில், அதிராம்பட்டினம் ஜாவியா ரோடு, புதுக்குடி நெசவுத் தெரு, வெற்றிலைக்காரத் தெரு, கீழத்தெரு சங்கம் அருகில், காட்டுப்பள்ளி தர்ஹா அருகில், செய்னாங் குளம் அருகில்-2 ஆகிய 7 இடங்களில் புதிதாக குப்பைத் தொட்டிகள் இன்று வெள்ளிக்கிழமை வைக்கப்பட்டன. இதன் மொத்த மதிப்பு ரூ. 40 ஆயிரம் ஆகும். இதில், கீழத்தெரு அல் மதரஸத்துல் நூருல் முகம்மதியா சங்க நிர்வாகிகள் தாஜுதீன், சேக்தாவூது, எம். அப்துல் ஜலீல். முகமது முகைதீன், மான்.சேக், பாவா பகுருதீன் உள்ளிட்டோர் கலந்துகொண்டனர்.

இதுகுறித்து கீழத்தெரு அல் மதரஸத்துல் நூருல் முகம்மதியா சங்க நிர்வாகிகள் கூறியது;
'அதிராம்பட்டினம் பேரூராட்சிக்கு உட்பட்ட கீழத்தெரு பகுதி பிரதான சாலைகளில் ஆங்காங்கே குப்பைக் கூளங்கள் சிதறிக்கிடந்தன. இதனால் சுகாதாரச் சீர்கேடு ஏற்பட்டு தொற்று நோய் பரவும் அபாயம் இருந்து வந்தது. மேலும் இப்பகுதியில் துர்நாற்றமும் வீசி வந்தது. இது பற்றி தகவல் அறிந்ததும், கீழத்தெரு அல் மதரஸத்துல் நூருல் முகம்மதியா சங்க  நிர்வாகம் சார்பில், 7 இடங்களில் குப்பைத் தொட்டிகள் வைக்கப்பட்டுள்ளன. பொதுமக்கள் குப்பைகளை தொட்டியில் மட்டும் கொட்டிச்செல்ல வேண்டும். சாலைகளில் கொட்டிவிட்டு சுகாதாரச் சீர்கேட்டை ஏற்படுத்த வேண்டாம்' என்றனர்.
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...