Pages

Monday, March 5, 2018

புதுப்பட்டினத்தில் கால்பந்தாட்ட கிளப் அறிமுக விழா (படங்கள்)

அதிராம்பட்டினம், மார்ச் 05
தஞ்சாவூர் மாவட்டம், அதிராம்பட்டினம் அருகே உள்ள புதுப்பட்டினம் ஊராட்சியில், புதுப்பட்டினம் ஸ்போர்ட்ஸ் அகதெமி (PSA) சார்பில், புதுப்பட்டினம் கால்பந்தாட்ட கிளப் அறிமுக விழா புதுப்பட்டினம் கால்பந்தாட்ட மைதானத்தில் ஞாயிற்றுக்கிழமை நடைபெற்றது.

விழாவிற்கு, டி.கே.எம் அப்துல் ஹமீது தலைமை வகித்தார். புதுப்பட்டினம் ஜமாத் நிர்வாகிகள், புதுப்பட்டினம் பைத்துல்மால் நிர்வாகிகள் முன்னிலை வகித்தனர்.

விழாவில், சிறப்பு விருந்தினர்களாக, தமிழ்நாடு கால்பந்தாட்ட பயிற்சியாளர் இன்பமணி, சென்னை துறைமுக முன்னாள் காலந்தாட்ட வீரர் நல்லதம்பி, பாண்டிச்சேரி மாநில முன்னாள் கால்பந்தாட்ட வீரர், ஒய்வு பெற்ற தலைமை ஆசிரியர் வீரபுத்திரன், அதிராம்பட்டினம் காதிர் முகைதீன் ஆண்கள் மேல்நிலைப்பள்ளி உடற்கல்வி ஆசிரியர் ராஜா ஆகியோர் கலந்துகொண்டு வாழ்த்துரை வழங்கி தொடங்கி வைத்தனர்.

விழாவில், புதுப்பட்டினத்தை சேர்ந்த அதிரை காதிர் முகைதீன் மேல்நிலைப்பள்ளி மாணவன் ஏ.முகமது ஆபித், 2016-2017 ஆம் கல்வி ஆண்டில் உடல் திறனாய்வு தேர்வில் நீளம் தாண்டுதல் போட்டியில் 4.4 மீட்டர் தாண்டி, தஞ்சாவூர், திருவாரூர், மயிலாடுதுறை, நாகப்பட்டினம், கும்பகோணம் ஆகிய கல்வி மாவட்டங்கள் இணைந்து மண்டல ரீதியாக நடந்த போட்டியில் வெற்றி பெற்றதற்கு, அதேபோல் நடப்பு கல்வி ஆண்டிலும் வெற்றி பெற்றதற்காக, இவருக்கு பாராட்டு தெரிவிக்கப்பட்டது.

முன்னதாக, ஏ.ரியாசுதீன் வரவேற்றுப் பேசினார். விழா முடிவில் ஒளரங்கசீப் நன்றி கூறினார். இவ்விழாவில், கால்பந்தாட்ட பயிற்சியாளர்கள், விளையாட்டு வீரர்கள் உட்பட பலர் கலந்துகொண்டனர்.
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...