Pages

Saturday, May 5, 2018

உலகின் மிக பிஸியான 20 வான் தடங்களில் துபை ~ குவைத் தகுதி!

அதிரை நியூஸ்: மே 05
உலகின் மிக பிஸியான 20 வான் தடங்களில் துபை – குவைத் தடமும் இடம்பெற்றது.

உலகின் மிகவும் பரபரப்பான 20 விமான தடங்களின் பட்டியல் வெளியிடப்பட்டுள்ளது. இதில் மலேஷியாவின் கோலாலம்பூர் - சிங்கப்பூர் இடையேயான வான் தடமே மிகவும் பிஸியான தடமாக தேர்வு பெற்றுள்ளது. இத்தடத்தில் நாள் ஒன்றுக்கு 84 சேவைகள் நடைபெறுகின்றன. இத்தடத்தில் மலேஷியன் ஏர்லைன்ஸ், சிங்கப்பூர் ஏர்லைன்ஸ், ஏர் ஏசியா உட்பட பல விமான நிறுவனங்கள் சேவை வழங்குகின்றன. இத்தடத்தில் கடந்த 2017 மார்ச் முதல் 2018 பிப்ரவரி முடிய 12 மாதங்களில் சுமார் 30,500க்கு மேற்பட்ட விமான சேவைகள் நடைபெற்றுள்ளன.

கோலாலம்பூர் - சிங்கப்பூர் இடையேயான பயண நேரம் 1 மணிநேரத்திற்கும் குறைவாகும் என்றாலும் விமான நிலைய நடைமுறைகளை எல்லாம் சேர்த்தால் சுமார் 5 மணிநேரங்கள் எடுத்துக் கொள்ளும். இந்நிலையில், 2026 ஆம் ஆண்டிற்குள் இயக்கும் நோக்குடன் கோலாலம்பூர் - சிங்கப்பூர் இடையே 90 நிமிடங்களில் செல்லும் அதிவேக ரயில் இயக்கப்படவுள்ளது. இந்த ரயில் ஓடத்துவங்கினால் விமான பயணம் பெருமளவில் குறையும் என எதிர்பார்க்கப்படுகிறது.

உலகின் 2வது பிஸியான வான் தடமாக ஹாங்காங் - தைபே (தைவான்) தேர்வு பெற்றுள்ளது. இவற்றிற்கிடையே கடந்த 12 மாதங்களில் 28,887 விமான சேவைகள் நடைபெற்றுள்ளன.

3வது இடத்தில் உள்ள சிங்கப்பூர் - ஜகார்த்தா (இந்தோனேஷியா) இடையே 27,304 விமான சேவைகள் நடைபெற்றுள்ளன.

துபை – குவைத் இடையேயான விமான தடம் உலகின் 9வது பரபரப்பான தடமாகவும், ஆப்பிரிக்கா மற்றும் மத்திய கிழக்கில் முதன்மை பிஸியான வான் தடமாகவும் தேர்வு பெற்றுள்ளது. கடந்த 12 மாதங்களில் இத்தடத்தில் சுமார் 15,332 விமான சேவைகளின் மூலம் சுமார் 2.7 மில்லியன் பயணிகள் பறந்துள்ளனர். இத்தடத்தில் எமிரேட்ஸ், பிளை துபை, குவைத் ஏர்வேஸ் மற்றும் ஜஸீரா ஏர்வேஸ் ஆகிய விமான நிறுவனங்களே பெரும்பான்மையான சேவைகளை வழங்கி வருகின்றன.

உலகின் பரபரப்பான முதல் 20 விமான தடங்களின் பட்டியலில் 14 தடங்கள் ஆசிய நாடுகளை சேர்ந்தவை. ஐரோப்பாவில் 2, வட அமெரிக்காவில் 2, வட அமெரிக்கா – ஐரோப்பாவிற்கு இடையே 1, மத்திய கிழக்கில் 1 என தேர்வாகியுள்ளது.

Source: Khaleej Times
தமிழில்: நம்ம ஊரான் 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...