Pages

Monday, July 2, 2018

சவுதியில் ஹஜ் யாத்ரீகர்களுக்கு ஹஜ் அமைச்சகத்தின் கேட்டரிங் திட்டம் மூலம் உணவு வழங்க முயற்சி!

அதிரை நியூஸ்: ஜூலை 02
சவுதியில் ஹஜ் யாத்ரீகர்களுக்கு ஹஜ் அமைச்சகத்தின் கேட்டரிங் திட்டம் மூலம் உணவு வழங்கும் முயற்சிகள் ஆரம்பம்.

ஹஜ் யாத்திரைக்கு வரும் பன்னாட்டு யாத்ரீகர்கள் சந்திக்கும் பிரச்சனைகளிலேயே பிரதானமானது 'உணவு'. இந்த உணவை முன்கூட்டியே தயாரித்து அந்தந்த அந்நாட்டு மக்களின் தேவை மற்றும் சுவைக்கு ஏற்ப வழங்கும் கேட்டரிங் திட்டத்தை சோதனை முயற்சியாக மீண்டும் கையில் எடுத்துள்ளது ஹஜ் மற்றும் உம்ராவுக்கான அமைச்சகம். இந்த முயற்சி ஹிஜ்ரி 1424 ஆம் ஆண்டிலேயே முயற்சிக்கப்பட்டு கைவிடப்பட்டது குறிப்பிடத்தக்கது.

ஹஜ் அமைச்சகம், மக்கா மாநகராட்சி, சவுதி உணவு மற்றும் மருந்துகளுக்கான ஆணையம் மற்றும் தவாபா ஆர்கனிஷேசன்ஸ் Tawafa Organisations (ஹஜ் யாத்ரீகர்களுக்கு பல்வேறு வசதிகளை செய்து தரும் குழுக்கள்) ஆகியவை இணைந்து இம்முயற்சியில் ஈடுபட்டுள்ளன. இது தொடர்பாக மக்காவின் உம்மல் குரா பல்கலைகழகத்தின் ஹஜ் ஆராய்ச்சி துறையினரால் தவாபா ஆர்கனைஷேசனின் சுமார் 600 ஊழியர்கள், உள்நாட்டு தனியார் ஹஜ் சேவை நிறுவனங்களின் பிரதிநிதிகள் என பலரும் கலந்து கொண்ட பயிலரங்கம் நடத்தப்பட்டது.

எதிர்வரும் ஹஜ் சீஸனின் போது சுமார் 15 சதவிகித பன்னாட்டு ஹஜ் யாத்ரீகர்களுக்கு முன்கூட்டியே தயாரிக்கப்பட்டு பார்சல் செய்யப்பட்ட உணவுகளை வழங்க திட்டமிடப்பட்டுள்ளதுடன் இவை படிப்படியாக அதிகரிக்கப்பட்டு 2020 ஆம் ஆண்டு ஹஜ் சீசனின் போது 45 சதவிகித பன்னாட்டு யாத்ரீகர்களுக்கு உணவு வழங்க திட்டமிடப்பட்டுள்ளது. குளறுபடி, குறைகள் இன்றி தொடர்ந்து உணவு வழங்குவதற்கான ஆராய்ச்சிகளும் திட்டமிடல்களும் உணவு வழங்களை செம்மைபடுத்தப்படுத்தும் என எதிர்பார்க்கப்படுகிறது.

இந்த கேட்டரிங் திட்ட முயற்சிகள் வெற்றிபெற்றால்,
1. ஹஜ் யாத்ரீகர்களுக்கு சுவையான, தரமான உணவு கிடைக்கும்.

2. பலரும் உணவு தயாரிக்கத் தேவைப்படும் மொத்த நீரில் 75 சதவிகிதத்தை மிச்சப்படுத்தலாம்.

3. உணவு பொருட்களை சேமிப்பதற்காக பயன்படும் சுமார் 18,000 சதுரடி இடம் புனித பள்ளியை சுற்றி மிச்சமாகும்.

4. புனித ஹஜ்ஜின் போது உணவு சமைத்தல் மற்றும் அது தொடாபுடைய பணிகளுக்காக தரப்படும் வேலைவாய்ப்பு விசாக்களின் தேவை 80 சதவிகிதம் வரை குறையும்.

5. யாத்திரையின் உச்ச நாட்களின் போது புனித இடங்களை சுற்றி உணவுப் பொருட்களை ஏற்றிவரும் டிரக் வாகன போக்குவரத்தில் சுமார் 4,500 டிரிப்புகள் குறையும்.

6. புனித இடங்களை சுற்றி குவியும் உணவு குப்பைகளில் சுமார் 20 சதவிகிதம் வரை குறையும் என எதிர்பார்ப்பதாக ஹஜ் மற்றும் உம்ராவுக்கான அமைச்சகம் அறிவித்துள்ளது.

Source: Saudi Gazette
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...