Pages

Monday, October 1, 2018

சவுதியில் டிச.15 ந் தேதி நடைபெறும் கார் ரேஸை காண ஆன்லைன் விசிட் விசா பெறுவது எப்படி?

அதிரை நியூஸ்: அக்.01
சவுதி அரேபியாவில் எதிர்வரும் டிசம்பர் 15 ஆம் தேதி அன்று சர்வதேச கார் பந்தயம் Formula E race, the Saudia Ad Diriyah E Prix near Riyadh என்ற பெயரில் நடைபெறவுள்ளது.

இதுபோன்ற கார் பந்தயங்கள் மற்றும் இசை நிகழ்ச்சிகளின் போது சர்வதேச பார்வையாளர்களை ஆன்லைன் விசிட் விசா மூலம் அனுமதிக்கும் திட்டத்தை சவுதி அரேபியா செயல்படுத்தத் துவங்கியுள்ளது. இதன் மூலம் சவுதிக்கு அன்னிய செலாவணி வருவாய் கிடைக்கும் என அந்த அரசு நம்புகிறது.

மேற்குறிப்பிட்ட கார் பந்தயத்தை நேரில் காண ஆன்லைன் மூலம் டிக்கெட் வாங்கிய வெளிநாட்டு கார் பந்தய ரசிகர்கள் www.sharek.sa/formulae என்கிற இணையதளத்திற்குள் சென்று 640 சவுதி ரியால்களை செலுத்தி (சுமார் 170 டாலர்கள்) 14 நாட்கள் செல்லுபடியாகும் விசாவை பெற்றுக் கொள்ளலாம். இதன் மூலம் கார் பந்தயத்தை முழுமையாகவும், சவுதியினுள் வரையரையுடன் அனுமதி வழங்கப்பட்டுள்ள சில பகுதிகளுக்குள்ளும் சென்று வரலாம்.

ஆன்லைன் விசா விண்ணப்பதாரர்கள் www.sharek.sa/formulae என்ற முகவரிக்குள் சென்று கேட்கப்பட்டுள்ள சுய விபரங்களையும், சுய போட்டோ ஒன்றையும், பாஸ்போர்ட் காப்பியையும் பதிவேற்ற வேண்டும். சில நொடி நேரங்களிலேயே சவுதி வெளியுறவுத்துறை விபரங்களை சரிபார்த்து ஒப்புதல் வழங்கிய பின் விசா கட்டணத்தை செலுத்தினால் உங்களுடைய ஈமெயில் முகவரிக்கு ஆன்லைன் விசா காப்பி அனுப்பப்படும். இந்த விசா காப்பியை நகலெடுத்து சவுதியினுள் நுழைய பயன்படுத்திக் கொள்ளலாம்.

www.sharek.sa/formulae என்ற இணையதள முகவரியில் வெளிநாட்டு கார் பந்தய ரசிகர்கள் டிக்கெட் வாங்கலாம். டிக்கெட் விலைகள் 395 ரியால்கள் முதல் துவங்குகின்றன. ஒரு வெளிநாட்டு ரசிகருக்கு 1 டிக்கெட் என்ற அடிப்படையிலேயே வழங்கப்படுவதுடன் இந்த அடிப்படையிலேயே விசாவும் வழங்கப்படும்.

Source: Saudi Gazette
தமிழில்: நம்ம ஊரான்

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...