மதுரை விமான நிலையத்தில் தொழுகை அறை (படங்கள்)

அதிரை நியூஸ்: அக்.16
தமிழகத்தில் சென்னை, திருச்சி, மதுரை உள்ளிட்ட மாநகரங்களில் சர்வதேச விமான நிலையங்கள் செயல்பட்டு வருகிறது. இந்த விமான நிலையங்களில் ஏராளமான இஸ்லாமியப் மக்கள் பல்வேறு நாடுகளுக்கு பயணித்து வருகின்றனர்.

இந்நிலையில், இஸ்லாமியர்களின் கட்டாயக் கடமைகளில் ஒன்றான 5 வேளை தொழுகையை நிறைவேற்றுவதற்கு மதுரை விமான நிலையத்தில் புதிதாக தொழுகை அறை ஏற்படுத்தப்பட்டுள்ளது .

இந்த அறையில், சுமார் 10 க்கும் மேற்பட்ட தொழுகையாளிகள் ஒரே நேரத்தில் தொழுகை நடத்த இட வசதி அமைந்துள்ளது. ஒழு செய்வதற்கான இடம் அதன் அருகிலேயே அமைந்துள்ளது. இஸ்லாமியர்கள் அவரவர் தொழுகையை அவரவர் நிறைவேற்றிக் கொள்ளலாம்.