Pages

Monday, March 25, 2019

மல்லிப்பட்டினத்தில் படகுப்போட்டி (படங்கள்)

தஞ்சாவூர் மாவட்டம், மல்லிப்பட்டினத்தில் 100 சதவீதம் நேர்மையாக வாக்களிப்பதன் அவசியம் குறித்த விழிப்புணர்வு படகுப்போட்டி இன்று (25.03.2019) நடைபெற்றது. 

இந்திய தேர்தல் ஆணையத்தின் அறிவுறுத்தலின்படி, 2019 இந்திய நாடாளுமன்ற மக்களவை தேர்தலில் 100 சதவீதம் நேர்மையான வாக்குப்பதிவு செய்வது குறித்து விழிப்புணர்வு ஏற்படுத்தும் வகையில் தஞ்சாவ10ர் மாவட்டம், மல்லிப்பட்டிணம் மீன்பிடி இறங்கு தளத்தில் இன்று (25.03.2019) படகுப்போட்டி நடைபெற்றது. 

படகுப்போட்டியை மாவட்ட வருவாய் அலுவலர் ந.சக்திவேல் கொடி அசைத்து துவக்கிவைத்தார்.  படகுப்போட்டியில் மல்லிப்பட்டிணம், கள்ளிவயல், சின்னமனை உள்ளிட்ட பகுதிகளை சேர்ந்த மீனவர்கள் கலந்துகொண்டனர்.  கடற்கரையிலிருந்து சுமார் இரண்டு கி.மீ தூரத்திற்கு நடைபெற்ற இப்போட்டியில் 10-க்கும் மேற்பட்ட இயந்திரம் பொருத்திய நாட்டுப்படகுகள் பங்கேற்றன.  படகுப்போட்டியில் முதலிடம் பிடித்த கள்ளிவயலை சேர்ந்த அசலார்முகமது என்பவருக்கு வெற்றிக்கோப்பை மற்றும் ரூ.3000 பரிசு தொகையை மாவட்ட வருவாய் அலுவலர் அவர்கள் வழங்கினார்.  மல்லிப்பட்டிணத்தைச் சேர்ந்த கோபி என்பவர் இரண்டாம் இடத்தையும், கள்ளிவயலைச் சேர்ந்த அப்துல்ஹமீது என்பவர் மூன்றாம் இடத்தையும் பெற்றனர்.  படகுப்போட்டியில் பங்குபெற்ற அனைவருக்கும் பரிசுகள் வழங்கப்பட்டது.  படகுப்போட்டி தொடங்குவதற்கு முன்னர் போட்டியில் கலந்து கொண்ட வீரர்கள் அனைவரும் 100 சதவீதம் நேர்மையாக வாக்களிப்பது குறித்த உறுதிமொழியினை எடுத்துக்கொண்டனர்.  படகுப்போட்டி நிறைவுப்பெற்ற பின்னர்; மாவட்ட வருவாய் அலுவலர் தலைமையில் பொதுமக்கள் அனைவரும் 100 சதவீதம் நேர்மையாக வாக்களிப்பது குறித்த உறுதிமொழியினை எடுத்துக்கொண்டனர்.  தொடர்ந்து, நேர்மையாக வாக்களிப்பதன் அவசியம் குறித்து பொதுமக்களிடையே மாவட்ட வருவாய் அலுவலர் ந.சக்திவேல் உரையாற்றினார். 

இந்நிகழ்ச்சியில் பட்டுக்கோட்டை வருவாய் கோட்டாட்சியர் பூங்கோதை, துணை ஆட்சியர் கமலக்கண்ணன்,மீன்வளத்துறை உதவி இயக்குநர் சிவக்குமார், வட்டாட்சியர்கள் அருள்பிரகாசம் (பட்டுக்கோட்டை), ஜெயலெட்சுமி (பேராவூரணி), மீன்வளத்துறை ஆய்வாளர்கள் துரைராஜ், கங்கேஷ்வரி மற்றும் மீனவ சங்க பிரதிநிதிகள், படகு சங்க உறுப்பினர்கள், ஏராளமான பொதுமக்கள் கலந்து கொண்டனர்.
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...