Pages

Thursday, April 18, 2019

அதிராம்பட்டினத்தில் 62% வாக்குப்பதிவு (முழு விவரம்)

அதிராம்பட்டினம், ஏப்.18
அதிராம்பட்டினத்தில் 27 வாக்குச் சாவடிகளில் மொத்தம் 62% வாக்குகள் பதிவாகியது.

மக்களவை பொதுத்தேர்தலை முன்னிட்டு அதிராம்பட்டினத்தில் உள்ள வாக்குச்சாவடிகளில் வாக்குப்பதிவு இன்று வியாழக்கிழமை நடைபெற்றது.
தஞ்சை மக்களவை தொகுதிக்கு உட்பட்ட அதிராம்பட்டினத்தில் 24,786 வாக்காளர்கள் உள்ளனர்.

மேலத்தெரு ஊராட்சி ஒன்றிய நடுநிலைப்பள்ளி, நடுத்தெரு வாய்க்கால் தெரு ஊராட்சி ஒன்றிய நடுநிலைப்பள்ளி, காதிர் முகைதீன் ஆண்கள் / பெண்கள் மேல்நிலைப்பள்ளிகள், கடற்கரைத்தெரு ஊராட்சி ஒன்றிய தொடக்கப்பள்ளி, மெயின் ரோடு ஊராட்சி ஒன்றிய தொடக்கப்பள்ளி, மெயின் ரோடு அரசு பெண்கள் மேல்நிலைப்பள்ளி, கரையூர் தெரு ஊராட்சி ஒன்றிய பள்ளி உட்பட மொத்தம் 27 வாக்கு சாவடிகள் உள்ளன.

இந்த வாக்குச் சாவடிகளில் வாக்குப்பதிவு தொடங்குவதற்கு முன்னதாக மாதிரி வாக்குப்பதிவு நடைபெற்றது. அதில் ஒவ்வொரு கட்சியின் முகவர்கள், தத்தமது சின்னங்களில் வாக்களித்தால் அதே சின்னத்தில்தான் வாக்கு விழுகிறதா என்று சோதனை நடத்தப்பட்டது.

அதிரையில் இன்று காலை அமைதியாக வாக்கு பதிவு துவங்கியது. காலை 7 மணி முதல் வாக்காளர்கள் ஆர்வத்துடன் வந்து வாக்கு செலுத்தினர். அதிரையில் அரசியல் கட்சி பிரமுகர்கள், ஜமாஅத்தார்கள், கிராம பஞ்சயாத்தார்கள், கல்வியாளர்கள், சமூக ஆர்வலர்கள், இளம் வாக்காளர்கள் உள்ளிட்டோர் அந்தந்த பகுதிகளில் உள்ள வாக்குச்சாவடிகளுக்கு வந்து வாக்குகளை பதிந்தனர்.

வாக்குப்பதிவை முன்னிட்டு அதிரையின் பிரதானப் பகுதிகளில் உள்ள வர்த்தகக் கடைகள் சில அடைக்கப்பட்டிருந்தன. அதிரையில் பதற்றமானவை என கருதப்பட்ட வாக்குசாவடிகளில் போலீசார் பாதுகாப்பை பலப்படுத்தி இருந்தனர். கண்காணிப்பு கேமிராக்களும் பொருத்தப்பட்டு இருந்தது. தேர்தல் பணிகளில் ஈடுபட்டுள்ள அலுவலகர்கள் பகுதி முழுதும் ரோந்தில் ஈடுபட்டனர். அதிராம்பட்டினத்தில் காலை 10 மணி நிலவரப்படி 24% வாக்குப்பதிவும், மதியம் 1 மணி நேர நிலவரப்படி 41 % வாக்குப்பதிவும், வாக்குப்பதிவு நிறைவில் மொத்தம் 15,693 வாக்குகள் பதிவாகின. இவை 62 % ஆகும்.

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...