Pages

Friday, September 25, 2020

மின்னணு வாக்கு இயந்திரம் பாதுகாப்பு அறை: ஆட்சியர் நேரில் ஆய்வு!

அதிரை நியூஸ்: செப்.25
தஞ்சாவூர் கோட்டாட்சியர் அலுவலகத்தில் அங்கீகரிக்கப்பட்ட அரசியல் கட்சியினர் முன்னிலையில் மின்னணு வாக்கு பதிவு இயந்திரம் வைக்கப்பட்டுள்ள பாதுகாப்பு அறையினை (Strong Room) திறந்து  மாவட்ட ஆட்சித் தலைவர் ம.கோவிந்த ராவ் இன்று (25.09.2020) நேரில் பார்வையிட்டு ஆய்வு செய்தார்.

இவ்வாய்வின் போது மாவட்ட ஆட்சித் தலைவர் தெரிவித்ததாவது;
தஞ்சாவூர் மாவட்டத்தில் 8 சட்டமன்ற தொகுதிக்குட்பட்ட மொத்த மின்னணு வாக்கு பதிவு இயந்திரங்கள் (EVM) மற்றும் வாக்கு பதிவு உறுதி செய்யும் இயந்திரங்கள் ஆகியவை தஞ்சாவூர் வருவாய் கோட்டாட்சியர் அலுவலக பாதுகாப்பு அறையில் பாதுகாக்கப்பட்டு வருகிறது

இன்று பாதுகாப்பு அறை திறக்கப்பட்டு அதில் உள்ள மின்னணு வாக்கு இயந்திரங்கள்  அனைத்து அங்கீகரிக்கப்பட்ட அரசியல் கட்சி உறுப்பினர்கள் முன்னிலையில் சரிபார்க்கப்பட்டது. பாதுகாப்பு அறையில் எலிகள் கரையான்கள் போன்றவை சேதப்படுத்தப்பட்டு உள்ளதா என்பதை நேரில் ஆய்வு மேற்கொள்ளப்பட்டது. 

மேலும், பாதுகாப்பு அறையில் பொருத்தப்பட்டுள்ள சிசிடிவி கேமராக்கள் சரியாக செயல்படுகின்றன என ஆய்வு மேற்கொள்ளப்பட்டது. மேலும் அனைத்து மின்னணு வாக்கு இயந்திரங்களை அனைத்து அரசியல் கட்சி உறுப்பினர்கள் நேரில் பார்வையிட்டார்.

இந்த பாதுகாப்பு அறைக்கு 24 மணி நேரமும் சுழற்சியின் அடிப்படையில் துப்பாக்கி ஏந்திய காவலர்கள் பாதுகாப்பு பணி மேற்க்கொண்டு வருகின்றனர். மேலும் மூன்று மாதங்களுக்கு ஒரு முறை இந்திய தேர்தல் ஆணைய அறிவுறுத்தலின் பேரில் மின்னணு வாக்கு இயந்திரங்கள் உள்ள அறையினை அனைத்து அரசியல் கட்சி உறுப்பினர்கள் முன்னிலையில் ஆய்வு மேற்கொள்ளப்பட்டது  என மாவட்ட ஆட்சித்தலைவர் ம. கோவிந்த ராவ் தெரிவித்துள்ளார்.

இவ்வாய்வின்போது தஞ்சாவூர் கோட்டாட்சியர் திருமதி வேலுமணி தேர்தல் வட்டாட்சியர் சந்தனவேல் மற்றும் அனைத்து அங்கீகரிக்கப்பட்ட அரசியல் கட்சி உறுப்பினர்கள் கலந்து கொண்டனர்.


அதிராம்பட்டினத்தில் தாஜுல் இஸ்லாம் சங்கத் துணைத்தலைவர் ஹாஜி MMS முகமது இக்பால் (62) வஃபாத்!

அதிரை நியூஸ்: செப்.25
அதிராம்பட்டினம், மேலத்தெரு MMS குடும்பத்தைச் சேர்ந்த மர்ஹூம் MMS சேக்தாவூது மரைக்காயர் அவர்களின் மகனும், மர்ஹூம் MMS சுல்தான் அப்துல் காதர் அவர்களின் மருமகனும், மர்ஹூம் ஹாஜி MMS அப்துல் ஜப்பார்,  ஹாஜி MMS தாஜூதீன், மர்ஹூம் MMS அன்சாரி, MMS சபீர் அகமது ஆகியோரின் சகோதரரும், மேலத்தெரு தாஜுல் இஸ்லாம் சங்கத் துணைத் தலைவருமாகிய ஹாஜி MMS முகமது இக்பால் (வயது 62) அவர்கள் இன்று காலை வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜி'ஊன்.

அன்னாரின் ஜனாஸா இன்று (25-09-2020) மாலை 5 மணியளவில் பெரிய ஜும்மா பள்ளிவாசல் மையவாடியில் நல்லடக்கம் செய்யப்படும். 

அன்னாரின் மறுமை வாழ்வு சிறக்க துஆ செய்வோம்.

Thursday, September 24, 2020

அதிராம்பட்டினத்தில் ஏ.நடராஜன் தேவர் (75) காலமானார்!

அதிரை நியூஸ்: செப்.24 
அதிராம்பட்டினம், கரையூர்தெருவைச் சேர்ந்த காலஞ்சென்ற ஆறுமுகத் தேவர் அவர்களின் மகனும், அதிராம்பட்டினம் கிருஷ்ணா ஸ்டுடியோ & வீடியோஸ் உரிமையாளர் ஏ.என் கண்ணன், ஏ.என் முத்துகுமாரசாமி, ஏ.என் கார்த்திக் ஆகியோரின் தகப்பனாருமாகிய ஏ.நடராஜன் தேவர் (வயது 75) அவர்கள் இன்று காலமானார்.

அன்னாரது இறுதி சடங்கு நிகழ்ச்சி நாளை (25-09-2020) காலை 10 மணியளவில் நடைபெறும்.

தொடர்புக்கு: 94431 16823

அதிராம்பட்டினத்தில் எஸ்டிபிஐ கட்சி சார்பில் சட்ட நகல் கிழித்தெறிப்பு போராட்டம் (படங்கள்)

அதிராம்பட்டினம், செப்.24
மத்திய அரசின் விவசாய மசோதாவைக் கண்டித்து எஸ்டிபிஐ கட்சி சார்பில், அதிராம்பட்டினம் பேருந்து நிலையத்தில் சட்ட நகல் கிழித்தெறிப்பு போராட்டம் வியாழக்கிழமை நடைபெற்றது.

நிகழ்வுக்கு, எஸ்டிபிஐ கட்சி அதிரை பேரூர் தலைவர் எஸ்.அகமது அஸ்லம் தலைமை வகித்தார். பாப்புலர் ஃப்ரண்ட் ஆஃப் இந்தியா அமைப்பின் அதிராம்பட்டினம் பேரூர் தலைவர் எஸ்.முகமது ஜாவித் முன்னிலை வகித்தார். அக்கட்சியின் தஞ்சை தெற்கு மாவட்டத் தலைவர் என்.முகமது புகாரி கண்டன உரை நிகழ்த்தினார்.

போராட்டத்தில், மத்திய அரசின் விவசாய மசோதாவைக் கண்டித்து, மசோதாவின் சட்ட நகல் கிழித்து வீசப்பட்டது. மேலும், இம்மசோதாவை திரும்பப் பெறக்கோரி முழக்கங்கள் எழுப்பப்பட்டன. இந்நிகழ்வில், அக்கட்சியின், அதிராம்பட்டினம் பேரூர் பொருளாளர் என்.எம் ஷேக்தாவுது, இணைச் செயலாளர் சி. அகமது, கிளைத் (1) தலைவர் எம்.ஐ. ஜமால் முகமது உள்பட பலர் பங்கேற்றனர்.


Wednesday, September 23, 2020

பட்டுக்கோட்டையில் மாவட்ட ஆட்சியர் ஆய்வு (படங்கள்)

அதிரை நியூஸ்: செப்.23
தஞ்சாவூர் மாவட்டம் பட்டுக்கோட்டை நகராட்சிக்குட்பட்ட பகுதிகளில் கொரோனா நோய்த்தொற்று முன்னெச்சரிக்கை நடவடிக்கை ஆய்வு மற்றும் பல்வேறு துறை சார்ந்த ஆய்வுகளை மாவட்ட ஆட்சித் தலைவர் ம.கோவிந்த ராவ் நேரில் (22.09.2020) மேற்கொண்டார்.

செய்தியாளரிடம் மாவட்ட ஆட்சித் தலைவர் தெரிவித்ததாவது;
தஞ்சாவூர் மாவட்டத்தில் கொரோனா நோய்த்தொற்று பரவாமல் தடுப்பதற்கு மாவட்ட நிர்வாகத்தின் சார்பில் பல்வேறு நடவடிக்கைகள் எடுக்கப்பட்டு வருகிறது. தஞ்சாவூர் மாவட்டத்தில் இதுவரை 9495 அவர்களுக்கு கொரோனா நோய்த்தொற்று உறுதி செய்யப்பட்டுள்ளது. அவர்களில் 8204 நபர்கள் சிகிச்சை பெற்று குணமடைந்து வீடு திரும்பியுள்ளனர். 1143 நபர்கள் தொடர்ந்து சிகிச்சை பெற்று வருகின்றனர். 

 தஞ்சாவூர் மாவட்டத்தில் இதுவரை 147 நபர்கள் கொரோனா நோய்த்தொற்றால் உயிரிழந்துள்ளனர். தஞ்சாவூர் மாவட்டத்தில் இதுவரை 6096 காய்ச்சல் கண்டறியும் முகாம்கள் நடத்தப்பட்டுள்ளன. மாநகராட்சி, நகராட்சிää பேரூராட்சி மற்றும் ஊராட்சிகளில் காய்ச்சல் கண்டறியும் முகாம்கள் தொடர்ந்து நடைபெற்று வருகிறது. காய்ச்சல் கண்டறியும் முகாம்கள் மூலம் இதுவரை 282948 நபர்கள் பரிசோதனை செய்யப்பட்டுää அவர்களில் நோய்த்தொற்று அறிகுறி கண்டறியப்பட்ட நபர்களுக்கு கொரோனா பரிசோதனை மேற்கொள்ளப்பட்டுää நோய்த்தொற்று உறுதி செய்யப்படும் நபர்கள் சிகிச்சைக்காக மருத்துவமனைக்கு அனுப்பி வைக்கப்படுகின்றனர். 

மேலும், அறிகுறி இல்லாமல் கொரோனா நோய்த்தொற்று உறுதி செய்யப்படும் நபர்களுக்கு வருவாய்துறை மற்றும் சுகாதாரத் துறை அலுவலர்களின் ஆய்வின் அடிப்படையில் வீட்டிலேயே தனிமைப்படுத்திக் கொள்ள மாவட்ட நிர்வாகத்தால் அனுமதி வழங்கப்பட்டு வருகிறது. மேலும்ää தஞ்சாவூர் மாவட்டம் முழுவதும் களப்பணியாளர்கள் மூலம் வீடு வீடாக சென்று கொரோனா நோய்த்தொற்று கண்டறியும் பணி நடைபெற்று வருகிறது. களப்பணியாளர்களுக்கு 900-க்கும் மேற்பட்ட பல்ஸ் ஆக்சி மீட்டர் கருவிகள் வழங்கப்பட்டுள்ளது.

தஞ்சாவூர் மாவட்டத்தில் முகக்கவசம் அணிதல், சமூக இடைவெளி கடைப்பிடித்தல் போன்ற கொரோனா தடுப்பு வழிமுறைகளை பின்பற்றாத நபர்களுக்கு அபராதம் விதிக்கப்பட்டு வருகிறது. தஞ்சாவூர் மாவட்டத்தில் முகக்கவசம் அணியாத காரணத்திற்காக இதுவரை 2,692 த்திற்க்கும் மேற்பட்ட நபர்களிடமிருந்து சுமார் 60 லட்சம் அபராதம் வசூலிக்கப்பட்டுள்ளது.

சளி, காய்ச்சல், இருமல் போன்ற அறிகுறிகள் உள்ள பொதுமக்கள் தங்கள் பகுதியிலுள்ள அரசு மருத்துவமனைகள் மற்றும் ஆரம்ப சுகாதார நிலையங்கள் அல்லது தங்கள் பகுதியில் நடைபெறும் காய்ச்சல் கண்டறியும் முகாம்களில் பரிசோதனை செய்து கொள்ள வேண்டும்.

தஞ்சாவூர் மாவட்டத்தில் கொரோனா நோய்த்தொற்று சிகிச்சைக்காக சுமார் 4000 படுக்கை வசதிகள் தயார் நிலையில் உள்ளது. அடுத்த இரண்டு மாதங்களில் கொரோனா நோய்த்தொற்று சிகிச்சை அளிப்பதற்கான அனைத்து உட்கட்டமைப்பு வசதிகளும் தயார் செய்யப்பட்டுள்ளது. பேருந்துகளில் கூட்ட நெரிசல் ஏற்படாத வகையில், உச்ச நேரங்களில் கூடுதலாக பேருந்துகள் இயக்கிட தமிழ்நாடு அரசு போக்குவரத்துக் கழகம் மூலம் நடவடிக்கை எடுக்க அறிவுறுத்தப்படும்.

தஞ்சாவூர் மாவட்டத்தில் கிசான் திட்டத்தில் ஏதேனும் முறைகேடுகள் நடைபெற்றுள்ளதா என்பது குறித்து ஆய்வு செய்ய வருவாய்த்துறை  மற்றும் வேளாண்மைத்துறை அலுவலர்கள் இணைந்து விசாரணை மேற்கொண்டு வருகின்றனர். இதுவரை சுமார் 3000 நபர்கள் விதிகளை மீறி கிசான் திட்டத்தில் இணைக்கப்பட்டுள்ளதாக தெரியவந்துள்ளது. அவர்களின் வங்கிக் கணக்குகளில் சுமார் 1.2 கோடி ரூபாய் வரவு வைக்கப்பட்டுள்ளது. வரவு வைக்கப்பட்ட பணத்தில் இதுவரை சுமார் 67 லட்ச ரூபாய் மீட்கப்பட்டுள்ளது. இது தொடர்பாக 3 தற்காலிக பணியாளர்கள் பணிநீக்கம் செய்யப்பட்டுள்ளார்கள். 

திருவிடைமருதூர் மற்றும் திருப்பனந்தாள் வட்டாரங்களில் பசுமை வீடு திட்டத்தில் முறைகேட்டில் ஈடுபட்டதாக வந்த புகாரை தொடர்ந்து இரண்டு ஊராட்சி செயலாளர்கள் பணியிடை நீக்கம் செய்யப்பட்டுள்ளனர். கிசான் திட்டம் மற்றும் பசுமை வீடு திட்டத்தில் முறைகேடு செய்பவர்கள் மீது கடுமையான நடவடிக்கை எடுக்கப்படும் என மாவட்ட ஆட்சியர் தெரிவித்தார்.

முன்னதாக பட்டுக்கோட்டை நகராட்சிக்குட்பட்ட வடசேரி ரோடு பள்ளிவாசல் தெருவில் ஒரே வீட்டில் 3 நபர்களுக்கு கொரோனா நோய்த்தொற்று ஏற்பட்டுள்ளதையடுத்துää அந்த பகுதி பாதிக்கப்பட்ட பகுதியாக அறிவிக்கப்பட்டு, அங்கே செய்யப்பட்டுள்ள தடுப்புப் பணிகளை மாவட்ட ஆட்சித் தலைவர் நேரில் பார்வையிட்டு ஆய்வு செய்தார். தொடர்ந்து, பட்டுக்கோட்டை அறந்தாங்கி சாலையில் முகக்கவசம் அணியாமல் சென்ற வாகன ஓட்டிகளுக்கு அபராதம் விதிக்கப்படுதை பார்வையிட்ட மாவட்ட ஆட்சித் தலைவர் அவர்கள் முகக்கவசம் அணியாமல் வந்தவர்களிடம் கொரோனா தடுப்பு விழிப்புணர்வு குறித்தும், முகக்கவசம் அணிவதன் முக்கியத்துவம் குறித்தும் எடுத்துக்கூறி விழிப்புணர்வு ஏற்படுத்தினார்.

பின்னர், பட்டுக்கோட்டை நகராட்சி சார்பில் பெருமாள் கோவில் குளம் சீரமைக்கும் பணி நடைபெற்று வருவதை பார்வையிட்டு, சுற்றிலும் பலன்தரும் மரங்களை கரைகளில் நடவும், சுற்றுப்பாதை ஏற்படுத்திடவும், இரவு நேரத்தில் பயன்படுத்தும் வகையில் விளக்குகள் அமைக்கவும், சுற்றிலும் தடுப்புக் கம்பி வேலி அமைத்து பாதுகாத்திடவும் அலுவலர்களை அறிவுறுத்தினார்.

தொடர்ந்து, பட்டுக்கோட்டை நகராட்சி அலுவலக கூட்டரங்கில் கொரோனா நோய்த்தொற்று தடுப்பு நடவடிக்கை தொடர்பாக மாவட்ட ஆட்சித் தலைவர் ம.கோவிந்த ராவ் தலைமையில் அனைத்து துறை அலுவலர்கள் கூட்டம் நடைபெற்றது. 

ஆய்வின் போது பட்டுக்கோட்டை சார் ஆட்சியர் பாலச்சந்தர், பட்டுக்கோட்டை நகராட்சி ஆணையர் சுப்பையா பட்டுக்கோட்டை வட்டாட்சியர் திருமதி.தரணிகா, நகராட்சி உதவி பொறியாளர் மற்றும் அனைத்து துறை அலுவலர்கள் உடனிருந்தனர்.


பட்டுக்கோட்டை பகுதியில் தென்னை மதிப்பு கூட்டு மையம்: ஆட்சியர் தகவல்!

அதிரை நியூஸ்: செப்.23
தஞ்சாவூர் மாவட்டம் பட்டுக்கோட்டையில் தென்னை மதிப்பு கூட்டுதல் பொருட்கள் தொடர்பான மாவட்ட ஆட்சித்தலைவர் ம.கோவிந்த ராவ் நேரில் ஆய்வு செய்தார்.

தஞ்சாவூர் மாவட்டம் பட்டுக்கோட்டை வட்டாரத்தில் உள்ள பரக்கலக்கோட்டை காவியா கயறு, தொழிற்சாலை மற்றும் பழவேறிகாடு பட்டுக்கோட்டை கயறு தயாரிக்கும் குழுமம் மற்றும் வீரக்குறிச்சி PAS நார் தயாரிக்கும் தொழிற்சாலை ஆகியவற்றில் தேங்காய் உரிமட்டையிலிருந்து தென்னை நார் கட்டி மற்றும் இதர பொருட்கள் தயாரிக்கும் முறைகள் குறித்து மாவட்ட ஆட்சித்தலைவர் ம.கோவிந்த ராவ் (22.09.2020) அன்று நேரில் ஆய்வு மேற்கொண்டார்.

தென்னையில் மதிப்பு கூட்டுதல் பொருட்கள் ஏறக்குறைய 38000 ஹெக்டேர் பரப்பளவில் தென்னை சாகுபடி செய்யப்பட்டு வருகிறது. இதில் பட்டுக்கோட்டை, சேதுபாசத்திரம், பேராவூரனி, ஓரத்தநாடு ஆகிய வட்டாரங்களில் அதிக அளவில் தென்னை சாகுபடி செய்யப்பட்டு வருகிறது, தென்னையில் தேங்காய் நீங்கலாக இதர உபபொருட்கள் தயாரிப்பு தொடர்பான ஆய்வு மாவட்ட ஆட்சியரால் மேற்கொள்ளப்பட்டது.

தேங்காய் உரிமட்டையில் இருந்து தேங்காய், நார், தென்னை நார், கட்டி ஆகியவை உற்பத்தி செய்யும் நிறுவனங்கள் இயங்கும் விதம் உற்பத்தி ஆகியவை தொடர்பான ஆய்வு மாவட்ட ஆட்சியரால் மேற்கொள்ளப்பட்டது.

இவ்வாயின் போது மாவட்ட ஆட்சித்தலைவர் தெரிவித்தாவது:
தென்னை மரங்களிலிருந்து கிடைக்கும் பல்வேறு பொருட்களிலிருந்து மதிப்பு கூட்டி விற்பனை செய்வதால் தென்னை விவசாயிகளின் வாழ்வாதாரம் உயரும் மேலும் தென்னையிலிருந்து வெர்ஜின் எண்ணெய், தேங்காய் தூள், சிப்சு, நீரா போன்ற மதிப்பு கூட்டுதல் பொருட்கள் தயாரிக்கலாம். 

மேலும், தஞ்சை மாவட்டத்தில் தென்னை அதிக அளவில் பயிரிடப்படுவதால் தென்னை விவசாயிகளின் வாழ்வாதாரத்தை உயர்த்தும் பொருட்டு தென்னை மதிப்புகூட்டு மையம் ஒன்று பட்டுக்கோட்டை பகுதியில் சுற்று வட்டாரங்களில் அமைக்கலாம் இது தொடர்பான ஆலோசனை கூட்டம் வேளாண் விற்பனை மற்றும் வேளாண் வணிக துறை அலுவலர்கள் மாவட்ட தொழிற்சாலை அலுவலர்களிடம் மேற்கொள்ளப்பட்டு, பணிகளை விரைந்து செயல்படுத்திட அறிவுறுத்தப்பட்டுள்ளது என மாவட்ட ஆட்சித்தலைவர் ம.கோவிந்த ராவ் தெரிவித்தார்.

இவ்வாய்வில், பட்டுக்கோட்டை சார் ஆட்சியர் சீ.பாலச்சந்தர், வேளாண்மை துணை இயக்குனர் பி.மரியாரவி ஜெயக்குமார், வேளாண் வணிகம் சுரேஸ்பாபு தொழில் கூட்டுறவு பிரிவு உதவி இயக்குனர் ஜி.விஜயகுமார், வேளாண் அலுவலர் சிவகாமி, கண்கணிப்பாளர் சித்தார்த்தன் ஆகியோர் கலந்துகொண்டனர்.


அதிராம்பட்டினத்தில் அனைத்து தொழிற்சங்கங்கள் சார்பில் ஆர்ப்பாட்டம் (படங்கள்)

அதிராம்பட்டினம், செப்.23
மத்திய மாநில அரசுகளில் தொழிலாளர்கள் விரோத சட்டத்திருத்ததை கண்டித்து அனைத்து தொழிற்சங்கங்களின் கூட்டமைப்பு சார்பில் அதிராம்பட்டினம் கடைத்தெரு முக்கத்தில் புதன்கிழமை நடைபெற்றது. 

ஆர்பாட்டத்திற்கு, ஏ.ஐ.ஓய்.எப் ஒன்றியச் செயலாளர் கே.ஹாஜா முகைதீன் தலைமை வகித்தார். ஒன்றிய நிர்வாகக் குழு உறுப்பினர்கள் ஏ.எச் பசீர் அகமது, கே.பிச்சமுத்து, இ.முகமது பாருக், எஸ். மீரா சாகிப், எம். சுப்பிரமணியம், அப்துல் முனாப், எஸ்.ஜாஹிர் உசேன், ஜெ.அப்துல் கபூர், எஸ்.சிக்கந்தர் பாதுஷா, எம்.காதர் பாட்சா உள்ளிட்ட பலர் கலந்துகொண்டு, புதிய கல்விக் கொள்கையை கைவிட வேண்டும், நீட் தேர்வை ரத்து செய்ய வேண்டும், பொதுத்துறை நிறுவனங்களை தனியாருக்கு விற்க வேண்டாம், தொழிலாளர் சட்டங்களை நீக்குவது, வேலை நேரத்தை, 12 மணி நேரமாக அதிகரிப்பது உள்ளிட்ட நடவடிக்கைகளை கைவிட வேண்டும். மின்சார திருத்த சட்டத்தை கைவிட வேண்டும். சுற்றுச்சூழல் பாதிப்பு மதிப்பீடு அறிக்கை, 2020ஐ திரும்பபெற வேண்டும். ரத்து செய்யப்பட்ட, பி.எஸ்.என்.எல்., டெண்டரை உடனே வழங்க வேண்டும். பழைய ஓய்வூதிய திட்டத்தை அமல்படுத்த வேண்டும், புதிய  ஓய்வூதிய திட்டத்தை கைவிட வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனர்.


Tuesday, September 22, 2020

மரண அறிவிப்பு ~ நஜ்மா பேகம் (வயது 39)

அதிரை நியூஸ்: செப்.22
அதிராம்பட்டினம், மேலத்தெருவைச் சேர்ந்த மர்ஹூம் எஸ்.எம் மும்மது யூசுப், மர்ஹூம் பீ.மு முகைதீன் அப்துல் காதர் ஆகியோரின் பேத்தியும், அப்துல் வஹாப் அவர்களின் மகளும், எம்.நிஜார் முகமது அவர்களின் மனைவியும்,  ஏ.நவாஸ்கான், எ.நிஜாம் முகமது, ஏ.கமால் நசீர் ஆகியோரின் சகோதரியுமாகிய நஜ்மா பேகம் (வயது 39) அவர்கள் இன்று அதிகாலை சானா வயல் இல்லத்தில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜி'ஊன்.

அன்னாரின் ஜனாஸா இன்று (22-09-2020) மாலை 5 மணியளவில் பெரிய ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

Monday, September 21, 2020

அதிராம்பட்டினம் ECR ல் புதியதோர் உதயம் 'COAL BBQ' மினி கார்டன் Families ரெஸ்டாரண்ட் (படங்கள்)

அதிராம்பட்டினம், செப்.21
அதிராம்பட்டினத்தை சேர்ந்தவர்கள் ஜெ. ரியாஸ்கான், ஜெ.முகமது அசாருதீன். உடன் பிறந்த சகோதரர்களான இவர்கள் இருவரும் இணைந்து அதிராம்பட்டினம் ஈஸ்ட் கோஸ்ட் சாலை பிலால் நகர் பெட்ரோல் பங்க் அடுத்து, 'COAL BBQ' மினி கார்டன் Families ரெஸ்டாரண்ட் எனும் பெயரில் உயர்தர அறுசுவை உணவகத்தை புதிதாக தொடங்கி நடத்தி வருகின்றனர்.,

திறப்பு விழாவில் ஊர் பிரமுகர்கள், தொழிலதிபர்கள், வர்த்தகர்கள் உள்பட பலர் கலந்துகொண்டு வாழ்த்தி மகிழ்ந்தனர்.

இதுகுறித்து உணவக உரிமையாளர்கள் ஜெ. ரியாஸ்கான், ஜெ.முகமது அசாருதீன் ஆகியோர் கூறியது;
புதிதாக தொடங்கி இருக்கும் எங்களது உணவகத்தில், குறைந்த கட்டணத்தில் உயர்தர அறுசுவையில் சைனிஸ், அரபிக் மற்றும் தென்னிந்திய சைவ / அசைவ உணவுகள் தயாரித்து வழங்கப்படும். குறிப்பாக, சைனீஸ் கிரேவி, கிரில் சிக்கன், ஃப்ஹம், ஷவர்மா, சிக்கன் டிக்கா, நூடுல்ஸ் வகைகள், நான், புரோட்டா உள்ளிட்டவை உடனுக்குடன் தயார் செய்து சுடச்சுட வழங்கப்படும். 

ஹலால் செய்யப்பட்டு சுத்தமான முறையில் உணவுகளை தயாரிக்கப்படுவதுடன், கனிவான உபசரிப்பு, ஆர்டர் செய்த சில நிமிடங்களிலேயே இலவச ஹோம் டெலிவரி போன்ற வசதிகள் உள்ளது. பெண்கள் மற்றும் குடும்பமாக வருபவர்களுக்கு மினி கார்டனில் தனி இருக்கை வசதி உண்டு. அதிரை மற்றும் சுற்று வட்டாரப் பகுதி பொதுமக்கள் எங்கள் உணவகத்திற்கு தொடர்ந்து வருகை தந்து ஆதரவளிக்க வேண்டும்' என்றனர்.
உணவகத் தொடர்புக்கு:
900 331 9669

Sunday, September 20, 2020

தஞ்சை வினோதகன் மருத்துவமனையில் கரோனா சிகிச்சைக்கு அனுமதி: ஆட்சியர் தகவல்!

அதிரை நியூஸ்: செப்.20
தஞ்சாவூர் வினோதகன் மருத்துவமனையில் கொரோனா நோய்த்தொற்றுக்கான சிகிச்சை அளித்திட அனுமதி அளிக்கப்பட்டுள்ளது என மாவட்ட ஆட்சித் தலைவர் ம.கோவிந்த ராவ் தகவல் தெரிவித்துள்ளார்.

தஞ்சாவூர் வினோதகன் மருத்துவமனையில் 35 படுக்கை வசதிகள் கொரோனா நோய்த்தொற்றினால் பாதிக்கப்பட்டு சிகிச்சை பெறுபவர்களுக்காக ஏற்படுத்தப்பட்டுள்ளது. அவற்றில் 15 படுக்கை வசதிகள் பிராணவாயு கருவியுடனும், 5 படுக்கை வசதிகள் வென்டிலேட்டர் கருவியுடனும், 15 படுக்கை வசதிகள் அறிகுறி இல்லாமல் கொரோனா நோய்த்தொற்று சிகிச்சை பெறுபவர்களுக்கும் ஒதுக்கப்பட்டுள்ளது. தஞ்சாவூர் மாவட்டத்தில் கொரோனா நோய்த்தொற்று சிகிச்சை அளிக்க முன்வரும் தனியார் மருத்துவமனைகள் மாவட்ட நிர்வாகத்தின் அனுமதி பெற்று சிகிச்சை அளிக்கலாம்.

மேலும், தஞ்சாவூர் மாவட்டத்தில் சுகாதார ஆய்வாளர்களுக்கு 50 பல்ஸ் ஆக்சிமீட்டர் கருவிகள் வழங்கப்பட்டுள்ளன. கொரோனா நோய்த்தொற்று குறித்து வீடு வீடாக சென்று கணக்கெடுப்பு பணி மேற்கொள்ளும் போது, சளி, காய்ச்சல், இருமல் போன்ற அறிகுறிகள் உள்ளவர்களுக்கு பல்ஸ் ஆக்சிமீட்டர் கருவி மூலம் பரிசோதனை செய்யப்படுகிறது. அவ்வாறு பரிசோதனை செய்யப்படும்போது, பிராணவாயு அளவு குறைவாக இருப்பது கண்டறியப்பட்டால், தொடர்புடைய நபர்களுக்கு ஸ்வாப் பரிசோதனை செய்யப்பட்டு, கொரோனா நோய்த்தொற்று உறுதி செய்யப்படுபவர்கள் தஞ்சாவூர் மருத்துவக்கல்லூரி மருத்துவமனை மற்றும் கொரோனா சிகிச்சை மையத்திற்கு அனுப்பி வைக்கப்படுவர்.

தஞ்சாவூர் மாவட்டத்திலுள்ள அனைத்து அரசு அலுவலர்களும் பல்ஸ் ஆக்சிமீட்டர் கருவியை பயன்படுத்தி தங்களின் பிராணவாயு அளவு குறித்து தெரிந்துகொள்ள அறிவுறுத்தப்பட்டுள்ளனர். மேலும், தங்களின் அலுவலகங்களில் பணியாற்றும் அனைத்து ஊழியர்களுக்கும் பல்ஸ் ஆக்சிமீட்டர் மூலம் பரிசோதனை செய்ய அறிவுறுத்தப்பட்டுள்ளனர்.

இவ்வாறு மாவட்ட ஆட்சித் தலைவர் ம.கோவிந்த ராவ் தெரிவித்துள்ளார்.

அதிராம்பட்டினம் கடல் பகுதியில் அதிவேக காற்று: மீனவர்கள் கடலுக்கு மீன்பிடிக்க செல்லவில்லை!

அதிராம்பட்டினம், செப்.20
அதிராம்பட்டினம் கடல் பகுதியில் அதிவேக காற்று வீசி வருவதால் மீனவர்கள் கடலுக்கு மீன் பிடிக்க செல்லவில்லை. இதனால், அதிராம்பட்டினம் ஏரிப்புறக்கரை உள்ளிட்ட அனைத்து துறைமுகங்களும் வெறிச்சோடி காணப்பட்டது.

அதிராம்பட்டினம பகுதியை உள்ளடக்கிய காந்தி நகா், கரையூா் தெரு, ஏரிப்புறக்கரை, மறவக்காடு, கீழத்தோட்டம் பகுதிகளில் மீன்பிடித் துறைமுகங்கள் உள்ளன. இங்குள்ள மீனவா்கள் தினசரி அதிகாலை தொடங்கி காலை வரை படகுகளில் கடலுக்குச் சென்று மீன்பிடித்து வருகின்றனா்.

இந்நிலையில், அதிராம்பட்டினம் கடல் பகுதியில் ஞாயிற்றுக்கிழமை இரவு முதல் அதிவேக காற்று வீசிவருவதால், வழமையாக கடலுக்கு சென்று மீன்பிடித்து வரும் மீனவர்கள் ஞாயிற்றுக்கிழமை செல்லவில்லை. இதனால், ஏரிப்புறக்கரை உள்ளிட்ட அதிராம்பட்டினம் பகுதியில் உள்ள அனைத்து துறைமுகங்களும் வெறிச்சோடி காணப்பட்டன. துறைமுகங்களில் படகுகள் நிறுத்தி வைக்கப்பட்டுள்ளது. மேலும், கடல் அலைகள் வழக்கத்தை வீட சீற்றத்துடன் காணப்படுகின்றன.


தஞ்சை மருத்துவக்கல்லூரி மருத்துவமனையில் 45 லட்சம் மதிப்பீட்டில் திரவ பிராண வாயு மையம்!

அதிரை நியூஸ்: செப்.20
தஞ்சாவூர் மருத்துவக்கல்லூரி மருத்துவமனையில் அடுத்த இரண்டு மாதங்களுக்கு கொரோனா நோய்த்தொற்று சிகிச்சைக்கு தேவையான முன்னேற்பாடு பணிகள் மற்றும் தயார் நிலை  குறித்து மாவட்ட ஆட்சித் தலைவர் ம.கோவிந்த ராவ் இன்று (20.09.2020) நேரில் ஆய்வு மேற்கொண்டார்.

தஞ்சாவூர் மருத்துவக்கல்லூரி மருத்துவமனையில் கொரோனா நோய்த்தொற்று சிகிச்சைக்கு தேவையான கூடுதல் திரவ பிராண வாயு மையம் ரூபாய் 45 லட்சம் மதிப்பீட்டில் கட்டப்பட்டு வருவதையும், 10 கிலோ லிட்டர் டேங்க் அமைக்கப்பட்டு வருவதையும் மாவட்ட ஆட்சித் தலைவர் நேரில் பார்வையிட்டார். 

தொடர்ந்து, தஞ்சாவூர் மருத்துவக்கல்லூரி மருத்துவமனையில் கொரோனா நோய்த்தொற்று சிகிச்சைப் பிரிவில் கூடுதல் படுக்கை வசதிகள் தயார் நிலையில் உள்ளதை மாவட்ட ஆட்சித் தலைவர் பார்வையிட்டார்.

மேலும், பார்வையாளர்கள் காத்திருப்பு அரங்கில் ஆய்வு செய்த மாவட்ட ஆட்சித் தலைவர் அங்கு இரண்டு கூடாரங்கள் அமைக்கப்பட்டு வருவதை பார்வையிட்டு, கூடுதல் கழிப்பறைகளை ஏற்படுத்திட அறிவுறுத்தினார்.

இவ்வாய்வின் போது, தஞ்சாவூர் மருத்துவக்கல்லூரி மருத்துவமனை முதல்வர் டாக்டர். மருதுதுரை, நிலைய மருத்துவ அலுவலர் டாக்டர் செல்வம் மற்றும் மருத்துவக்கல்லூரி துணைக் கண்காணிப்பாளர்கள், துறைத் தலைவர்கள், பேராசிரியர்கள், மருத்துவர்கள் உடன் இருந்தனர்.


செய்திகளை உடனுக்குடன் மின்னஞ்சலில் பெற...