Pages

Saturday, March 28, 2020

அதிராம்பட்டினத்தில் 20 குடும்பங்களுக்கு அத்தியாவசிய உணவுப் பொருட்கள் வழங்கல்!

அதிராம்பட்டினம், மார்ச் 28
தமிழ்நாடு தவ்ஹீத் ஜமாஅத் அதிராம்பட்டினம் கிளை-2 சார்பில், கரோனா வைரஸ் தடுப்பு முன்னெச்சரிக்கை நடவடிக்கையாக, அரசின் 144 தடை உத்தரவை அடுத்து, அதிராம்பட்டினத்தில் வருமானத்திற்கு வழி இல்லாமல் வீடுகளில் முடங்கி கிடக்கும் அன்றாட கூலித் தொழிலாளர்களின் 20 குடும்பங்களுக்கு, தலா 10 கிலோ வீதம் அரிசி, மைதா, ரவா, கோதுமை, சேமியா, சீனி, ஆயில், நாட்டுச்சக்கரை, பருப்பு, தேயிலை, இஞ்சி, பூண்டு, ஜீரகம், சோம்பு, மிளகு மற்றும் காய்கறிகள் உள்ளிட்ட ரூ. ஆயிரம் மதிப்பிலான, 18 அத்தியாவசிய உணவுப் பொருட்கள் இன்று சனிக்கிழமை மாலை வழங்கப்பட்டது.
 
 
 
 

தூய்மைப் பணிக்கு தானாக முன்வந்து உதவிய இளைஞர்கள்!

அதிராம்பட்டினம், மார்ச் 28
அதிராம்பட்டினம் பேரூராட்சி குடியிருப்புகள், வர்த்தகப் பகுதிகளில் குப்பைகள் அகற்றுதல், பிளிச்சிங் பவுடர் இடுதல், கைத்தெளிப்பான் மூலம் கிருமி நாசினி தெளித்தல், கழிவு நீர் வடிகால் தூய்மைப்படுத்தல் உள்ளிட்ட பொது சுகாதாரப்பணிகளை தூய்மைப் பணியாளர்கள் மேற்கொண்டு வருகின்றனர்.

இந்நிலையில், இவர்களுக்கு உதவியாக தானாக முன்வந்து அதிராம்பட்டினம் மேலத்தெரு தன்னார்வல இளைஞர்கள் குடியிருப்பு வீதிகளில் பிளிச்சிங் பவுடர் இடும் பணியை இன்று சனிக்கிழமை மேற்கொண்டனர். இவர்களது பொதுநலப் பணியை பொதுமக்கள் வெகுவாக பாராட்டி மகிழ்ந்தனர்.
 

அதிராம்பட்டினம் பகுதியில் டேங்கர் லாரி மூலம் கிருமி நாசினி தெளிப்பு (படங்கள்)

அதிராம்பட்டினம், மார்ச் 28
அதிராம்பட்டினம் பேரூராட்சி சார்பில் கரோனா வைரஸ் தடுப்பு நடவடிக்கையாக டேங்கர் லாரி மூலம் கிருமி நாசினி தெளிக்கும் பணிகள் சனிக்கிழமை நடைபெற்றது.

மாவட்ட ஆட்சியர் உத்தரவின் பேரில், பேரூராட்சிகள் உதவி இயக்குநர்  அறிவுறுத்தலின் பேரில், கரோனா வைரஸ் தடுப்பு முன்னெச்சரிக்கை நடவடிக்கையாக, அதிராம்பட்டினம் பேரூராட்சி செயல் அலுவலர் பி. பழனிவேலு தலைமையில், துப்புரவு ஆய்வாளர் கே.அன்பரசன் மேற்பார்வையில், மீன் மார்க்கெட், வர்த்தகக் குடோன், வழிபாட்டுத்தலங்கள், வெளிமாநில தொழிலாளர்கள் குடியிருப்புகள், வெளிநாடுகளிருந்து வந்துள்ளவர்கள் தங்கிருக்கும் குடியிருப்புகள் உள்ளிட்ட பகுதிகளில் டேங்கர் லாரி மூலம் கிருமி நாசினி கரைசல் கலந்த மருந்தினை தூய்மைப் பணியாளா்கள் தெளித்தனர்.

மேலும், அதிராம்பட்டினத்தில் உள்ள 11 அங்கன்வாடிகள், கூட்டுறவு வங்கி, மளிகைக் கடைகள் உள்ளிட்ட அத்தியாவசியப் பொருள்களை விற்பனை செய்யும் அனைத்துக் கடைகளிலும், 1 மீட்டா் இடைவெளியில் சமூக இடைவெளிக் கோடுகள் போடப்பட்டன. குடியிருப்புகள், வர்த்தகப் பகுதிகளில் குப்பைகள் அகற்றுதல், பிளிச்சிங் பவுடர் இடுதல், கைத்தெளிப்பான் மூலம் கிருமி நாசினி தெளித்தல், கழிவு நீர் வடிகால் தூய்மைப்படுத்தல் உள்ளிட்ட பொது சுகாதாரப்பணிகளை மேற்கொண்டு வருகின்றனர்.
 

Friday, March 27, 2020

அதிராம்பட்டினம் அங்கன்வாடி மையங்களில் சமூக இடைவெளிக் கோடுகள்!

அதிராம்பட்டினம், மார்ச் 27
கரோனா வைரஸ் தொற்றுப் பரவல் தடுப்பு முன்னெச்சரிக்கை நடவடிக்கையாக, அதிராம்பட்டினத்தில் அங்கன் வாடிகள், அத்தியாவசியப் பொருள்களை விற்பனை செய்யும் கடைகளில் சமூக இடைவெளிக் கோடுகள் வெள்ளிக்கிழமை போடப்பட்டன.

அதிராம்பட்டினத்தில் உள்ள 11 அங்கன்வாடிகள், கூட்டுறவு வங்கி, மளிகைக் கடைகள் உள்ளிட்ட அத்தியாவசியப் பொருள்களை விற்பனை செய்யும் அனைத்துக் கடைகளிலும், 1 மீட்டா் இடைவெளி விட்டு கோடுகள் போடப்பட்டன.

பொதுமக்களிடையே சமூக இடைவெளியை ஏற்படுத்துவதற்காக இந்த கோடுகள் போடப்பட்டன. அதிராம்பட்டினம் பேரூராட்சி செயல் அலுவலா் பி. பழனிவேலு தலைமையில், துப்புரவு ஆய்வாளா் கே. அன்பரசன் மேற்பாா்வையில், தூய்மைப் பணியாளா்கள் சுண்ணாம்பைக் கொண்டு கோடும் பணியை மேற்கொண்டனா். மேலும், கைத்தெளிப்பான் மூலம், கிருமி நாசினி தெளிக்கும் பணியிலும் தூய்மைப் பணியாளா்கள் ஈடுபட்டனா்.
 

பொதுமக்கள் மளிகை பொருட்களை வீட்டிலிருந்தே பெற்றுக்கொள்ள ஏற்பாடு: ஆட்சியர் தகவல்!

அதிரை நியூஸ்: மார்ச் 27
பொதுமக்கள் மளிகை பொருட்களை வீட்டிலிருந்தே  பெற்றுக்கொள்ள மாவட்ட நிர்வாகத்தின் சார்பில் ஏற்பாடு செய்யப்பட்டுள்ளதாக மாவட்ட ஆட்சித் தலைவர் ம.கோவிந்த ராவ் தகவல் தெரிவித்துள்ளார்.

இதுகுறித்து மாவட்ட ஆட்சித் தலைவர் தெரிவித்துள்ளதாவது :-
இந்திய பிரதமர் மற்றும் தமிழ்நாடு முதலமைச்சர் ஆகியோரின் உத்தரவின்படி, கொரோனா நோய்த்தொற்று பாதிப்பிலிருந்து பொதுமக்களை காத்திடும் பொருட்டு நாடு முழுவதும் ஊரடங்கு உத்தரவு அமல்படுத்தப்பட்டுள்ளது. பொதுமக்கள் வீட்டைவிட்டு வெளியே வரமுடியாத இச்சூழலில், மளிகை பொருட்கள் மற்றும் வீட்டு உபயோகப் பொருட்கள் போன்ற அத்தியாவசிய பொருட்களை வாங்குவதற்கு, வீட்டிலிருந்து தொலைபேசி மூலமாக ஆர்டர் செய்து வீட்டிற்கே நேரடியாக கொண்டுவந்து விநியோகம் செய்ய தயாராக உள்ள மளிகைக் கடைகள் மூலம் அத்தியாவசிய பொருட்களை வழங்கிட மாவட்ட நிர்வாகத்தின் சார்பில் ஏற்பாடு செய்யப்பட்டுள்ளது.

அதன்படி, தஞ்சாவூர் பகுதியைச் சேர்ந்த பொதுமக்கள் 04362-230737, 7373780737 ஆகிய எண்களில் தஞ்சாவூர் ஓரியன்டல் சூப்பர் மார்க்கெட் கடையினையும், 9894103750 எனும் எண்ணில் தஞ்சாவூர் கீழவாசல் ஆறுமுகம்  சன்ஸ் கடையினையும், 9489657177, 9488657180, 7358392960, 9489657182, 7200762529 ஆகிய எண்களில் புண்ணியமூர்த்தி டிபார்ட்மெண்ட் ஸ்டோர்ஸ் கடைகளையும், 9443337583 எனும் எண்ணில் தஞ்சாவூர் கீழவாசல் ஏ.கே.மளிகை கடையினையும் தொடர்புகொண்டு தங்களுக்கு தேவையான அத்தியாவசிய பொருட்கள் மற்றும் வீட்டு உபயோகப் பொருட்களை ஆர்டர் செய்து, வீட்டிலிருந்தபடியே பெற்றுக்கொள்ளலாம்.

கும்பகோணம் பகுதியைச் சேர்ந்த பொதுமக்கள் 8870123100, 9344638851, 8015123100 ஆகிய எண்களில் கும்பகோணம் நால்ரோடு கிரீன் வெஜிடபிள்ஸ் கடையினையும், 9443111813, 9443111814, 0435-2426356  ஆகிய எண்களில் கும்பகோணம் பாட்ராச்சாரியார் தெரு பிரியம் மளிகை கடையினையும், 7538858892, 0435-2422242 ஆகிய எண்களில் கும்பகோணம் மோதிலால் தெரு சீமாட்டி சூப்பர் மார்க்கெட் கடையினையும், 9344300076, 0435-2426019 ஆகிய எண்களில் கும்பகோணம் மடத்து தெரு காவேரி மளிகை மற்றும் பாப்புலர் மளிகை ஆகிய கடைகளையும், 7373073030 எனும் எண்ணில் கும்பகோணம் பச்சையப்பன் தெரு தமிழ் பால் கடையினையும், 9442943366 எனும் எண்ணில் கும்பகோணம் புதிய பேருந்து நிலையம் சன் மெடிக்கல்ஸ் கடையினையும், 0435-2422028 எனும் எண்ணில் கும்பகோணம் தலைமை தபால் நிலையம் சாலை பாப்புலர் மெடிக்கல்ஸ் கடையினையும், 0435-2430997 எனும் எண்ணில் கும்பகோணம் ஆயிகுளம் ரோடு ஆர்காடு மெடிக்கல்ஸ் கடையினையும், 9941692655 எனும் எண்ணில் திருவிடைமருதூர் சூப்பர் கேஸ் சிலிண்டர் கடையினையும் தொடர்புகொண்டு தங்களுக்கு தேவையான அத்தியாவசிய பொருட்கள் மற்றும் வீட்டு உபயோகப் பொருட்களை ஆர்டர் செய்து, வீட்டிலிருந்தபடியே பெற்றுக்கொள்ளலாம்.

பட்டுக்கோட்டை பகுதியைச் சேர்ந்த பொதுமக்கள் 9952592413, 7094462621(வாட்ஸ்அப்) ஆகிய எண்களில் பட்டுக்கோட்டை பெரிய தெரு குறிஞ்சி ஷாப்பிங்  கடையினையும், 9789285809, 7094462621 (வாட்ஸ்அப்) ஆகிய எண்களில் பட்டுக்கோட்டை பெரிய தெரு கோல்டன் சூப்பர் மார்க்கெட் கடையினையும், 9444209541 எனும் எண்ணில் பட்டுக்கோட்டை ஹை ஸ்கூல் ரோடு ரஜினி சூப்பர் மார்க்கெட் கடையினையும், 6383077743 எனும் எண்ணில் பட்டுக்கோட்டை பழனியப்பன் தெரு லக்கி ஹைபர் மார்க்கெட் கடையினையும், 9626563888, 9786873888 ஆகிய எண்களில் பட்டுக்கோட்டை அறந்தாங்கி முக்கம் ஹாஜி மெட்ரோ மால் கடையினையும், 9443274555 எனும் எண்ணில் பட்டுக்கோட்டை அறந்தாங்கி ரோடு பைவ் ஸ்டார் மளிகை கடையினையும், 9842477644 எனும் எண்ணில் பட்டுக்கோட்டை புதிய பேருந்து நிலையம் பாரி மளிகை கடையினையும் தொடர்புகொண்டு தங்களுக்கு தேவையான அத்தியாவசிய பொருட்கள் மற்றும் வீட்டு உபயோகப் பொருட்களை ஆர்டர் செய்து, வீட்டிலிருந்தபடியே பெற்றுக்கொள்ளலாம்.

எனவே, தஞ்சாவூர் மாவட்டத்தைச் சேர்ந்த பொதுமக்கள் அத்தியாவசிய பொருட்களை வாங்கிட மேற்காணும் பகுதிகளில் குறிப்பிடப்பட்டுள்ள மளிகை கடைகளை தொடர்புகொண்டு வீட்டிலிருந்தபடியே பெற்றுக்கொள்ளும்படி அறிவுறுத்தப்படுகிறது. மேலும், பொதுமக்களின் இல்லங்களுக்கு சென்று பொருட்களை விநியோகம் செய்ய தயாராக இருக்கும் நிறுவனங்கள் முறையாக பதிவு செய்துகொள்ளும்படி கேட்டுக்கொள்ளப்படுகிறது. பொருட்களை கொண்டு செல்லும் பணியில் ஈடுபடும் வாகனங்களுக்கும், பணியாளர்களுக்கும் உரிய அடையாள அட்டையை மாவட்ட ஆட்சியர் அலுவலகத்தில் விண்ணப்பித்து பெற்றுக்கொள்ளும்படி கேட்டுக்கொள்ளப்படுகிறது. இவ்வாறு மாவட்ட ஆட்சித் தலைவர் தெரிவித்துள்ளார்.

Thursday, March 26, 2020

கரோனா வைரஸ் தடுப்பு முன்னெச்சரிக்கை நடவடிக்கை பணிகள் ஆய்வு!

தஞ்சாவூர் மாவட்டம், மாவட்ட ஆட்சியர் அலுவலக கூட்டரங்கில் மாவட்ட ஆட்சித் தலைவர் ம.கோவிந்த ராவ் தலைமையில் கொரோனா வைரஸ் முன்னெச்சரிக்கை நடவடிக்கையாக தொடர்புடைய துறைகள் மூலம் இதுவரை மேற்கொள்ளப்பட்டுள்ள பணிகள் குறித்த ஆய்வுக்கூட்டம் இன்று (26.03.2020) நடைபெற்றது.

கூட்டத்தில் தமிழ்நாடு முதலமைச்சரால் காணொளி காட்சி மூலம் வழங்கப்பட்ட அறிவுரைகள் குறித்து மாவட்ட ஆட்சித் தலைவர்  தொடர்புடைய துறை அலுவலர்களுக்கு எடுத்துரைத்தார்.

மேலும், தற்போது வரை மேற்கொள்ளப்பட்ட பணிகள் குறித்து ஆய்வு செய்து, பொதுமக்களுக்கு அத்தியாவசிய பொருட்கள் மற்றும் சேவைகள் தடையின்றி கிடைக்கச் செய்தல், வெளிநாடுகளிலிருந்து வந்து வீடுகளில் தனிமைப்படுத்தப்பட்டுள்ளவர்களை தீவிரமாக கண்காணித்தல், மருத்துவமனைகள் மற்றும் பொது இடங்களில் கிருமி நாசினி தெளித்தல், 144 தடை உத்தரவை செயல்படுத்துதல் ஆகியவை குறித்து மாவட்ட ஆட்சித் தலைவர் அவர்கள் தொடர்புடைய துறை அலுவலர்களுடன் கலந்தாய்வு மேற்கொண்டார்.

தொடர்ந்து, மாவட்ட ஆட்சியர் அலுவலகத்தில் அமைந்துள்ள பேரிடர் மேலாண்மை கட்டுப்பாட்டு அறையினை மாவட்ட ஆட்சித் தலைவர்  பார்வையிட்டார்.

இந்நிகழ்வுகளின்போது மாவட்ட காவல் கண்காணிப்பாளர் மகேஸ்வரன், மாவட்ட ஊரக வளர்ச்சி முகமை திட்ட இயக்குனர் பழனி, தஞ்சாவூர் மருத்துவக் கல்லூரி முதல்வர் டாக்டர். குமுதா லிங்கராஜ், மருத்துவப் பணிகள்  இணை இயக்குனர் (பொ) டாக்டர் ராணி, தஞ்சாவூர் மாநகராட்சி ஆணையர் ஜானகி ரவீந்திரன், சுகாதாரப்பணிகள் துணை இயக்குனர் டாக்டர் ரவீந்திரன், மாவட்ட ஆட்சியரின் நேர்முக உதவியாளர்(பொது) முத்து மீனாட்சி, மாவட்ட மலேரியா அலுவலர் போத்திப்பிள்ளை மற்றும் தொடர்புடைய துறை அலுவலர்கள் உடன் இருந்தனர்.
 

மரண அறிவிப்பு ~ ஹாஜிமா நபிஸா அம்மாள் (வயது76)

அதிரை நியூஸ்: மார்ச் 26
அதிராம்பட்டினம், நடுத்தெருவைச் சேர்ந்த மர்ஹூம் மு.செ.கே சேக் முகமது அவர்களின் மகளும், மர்ஹூம் மு.க.செ. நெய்னா முகமது அவர்களின் மனைவியும், மர்ஹூம் சேக் அப்துல் காதர், முகமது காசிம் ஆகியோரின் சகோதரியும், மு.க.செ அக்பர் அவர்களின் தாயாரும், எம்.ஜெ அகமது அஸ்ரப், என்.ஏ முகமது புஹாரி ஆகியோரின் மாமியாருமாகிய ஹாஜிமா நபிஸா அம்மாள் (வயது 76) அவர்கள் இன்று காலை மணியளவில் புதுமனைத்தெரு இல்லத்தில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிவூன்.

அன்னாரின் ஜனாஸா இன்று (26-03-2020) இரவு 7 மணியளவில் தக்வா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

ATJ மஸ்ஜிதுல் ஹிதாயா பள்ளி நிர்வாகத்தின் முக்கிய அறிவிப்பு!

அதிராம்பட்டினம், மார்ச் 26
ஐவேளை ஜமாஅத் மற்றும் ஜும்ஆ தொழுகை நிறைவேற்றுவது குறித்து அதிரை தவ்ஹீத் ஜமாஅத் (ATJ) மஸ்ஜிதுல் ஹிதாயா பள்ளி நிர்வாகம் சார்பில் வெளியிட்டுள்ள சுற்றறிக்கையில் கூறியிருப்பது;
21 நாட்கள் ஊரடங்கு நடைமுறைக்கு வந்தது முதல் வீதியில் மக்கள் நடமாட முடியாத நிலை உள்ளது. காவல்துறையினரின் பல நெருக்கடிகளை மக்கள் சந்தித்து வருகின்றனர். எனவே ஐந்து வேளை மற்றும் ஜும்ஆ தொழுகைக்கு வந்து அதனால் மக்கள் சிரமப்பட வேண்டாம் என்றும், வீட்டில் தனியாகவோ குடும்பத்துடன் ஜமாஅத்தாகவோ ஐவேளை தொழுகைகளை நிறைவேற்றிக் கொள்ளுமாறும், வீட்டில் குடும்பத்துடன் ஜும்ஆ தொழுகையாகவோ அல்லது தனியாக லுஹர் தொழுகையாக நிறைவேற்றிக் கொள்ளுமாறும் கேட்டுக்கொள்கிறோம்.

இப்படிக்கு,
அதிரை தவ்ஹீத் ஜமாஅத் (ATJ)

ஐவேளை ஜமாஅத் மற்றும் ஜுமுஆ தொழுகை குறித்து ADT அறிவிப்பு!

அதிராம்பட்டினம், மார்ச் 26
அதிரை தாரூத் தவ்ஹீத் அமைப்பின் சார்பில், கொரோனா வைரஸ் விழிப்புணர்வு மற்றும் இஹ்ஸான் பள்ளி (ஏ.எல் ஸ்கூல் பள்ளி, சிஎம்பி லேன்), ஃபாத்திமா பள்ளி (மேலத்தெரு சானவயல்) ஆகிய பள்ளிகளின் ஐவேளை ஜமாஅத் மற்றும் ஜுமுஆ தொழுகை குறித்து அறிக்கை இன்று (26-03-2020) வெளியிட்டுள்ளது.

இதுகுறித்து அவ்வமைப்பு வெளியிட்டுள்ள அறிவிப்பில் கூறியிருப்பது;

கொரோனா – அரசின் நடவடிக்கையும் நமது நிலையும்:
கூட்டம் கூட்டமாக கொல்லும் உயிர்கொல்லி நோயான கொரொனாவை தடுக்கும் முயற்சியில் இரண்டு மனி நேரத்திற்கு ஒருமுறை கையை கழுவுங்கள், மாஸ்க் அணியுங்கள் என்று பல்வேறு முன்னெச்சரிக்கை நடவடிக்கைகளை அரசு மேற்கொண்டுள்ளது. வரவேற்போம். செயல்படுவோம்.

முஸ்லிம்களான நமக்கு புதிதோ சிரமமானதோ அல்ல; நமக்கு வழமையானதே. சாப்பிடும்போது முன்னும் பின்னும் இரு முறை கையை கழுவுவதாகட்டும், மலம், சிறுநீர் கழித்தப்பின் இரண்டையும் சுத்தம் செய்வதோடு கையையும் சுத்தம் செய்வதாகட்டும், குளிப்பு கடமையான நிலையில் தேவையான ஒவ்வொரு செயலுக்கும் முன்பும் ஒழு செய்வதாகட்டும், ஐவேளை தொழுகைக்கான ஒழு செய்வதாக இருக்கட்டும்., இப்படி பல்வேறு தேவைக்காக நாம் கைகளை குறைந்தது இருபதுமுறை கழுவி வருகிறோம். நம்மிடம் கையை கழுவிக்கொள்ளுங்கள் என கூறினால் நமக்கு சிரமம் அல்லவே. ஆண்களைவிட பெண்களுக்கு நோய் எதிர்ப்பு சக்தி குறைவே. பெண்கள் முகத்தை மூடிக்கொள்ளுங்கள் என 1400 ஆண்டுகளுக்கு முன்பே இஸ்லாம் சொல்லியதை இன்று அரசு சொல்கிறது.

கொரோனாவை தடுக்கும் அடுத்த முயற்சியாக இன்று லாக்டவுன் அறிவித்துள்ளது. ஒரு மாவட்டம் விட்டு அடுத்த மாவட்டம் போகக்கூடாது என அரசு கட்டளையிட்டுள்ளது. கொள்ளை நோய் ஒரு பகுதியில் இருந்தால் யாரும் அங்கு செல்லவேண்டாம். நீங்கள் இருக்கும் பகுதியில் அது பரவிவிட்டால் அதிலிருந்து தப்பியோடு முனைந்தவர்களாக வெளியேறாதீர்கள் என நபி ஸல் அவர்கள் கட்டளையிட்டார்கள்.(புகாரி 5728). ஆக, இஸ்லாம் சொன்னதைத்தான் இன்று அரசு செய்து வருகிறது.  நல்லவர்களுக்கு கொள்ளை நோய் அல்லாஹ்வின் ரஹ்மத். யார் அல்லாஹ்வின் விதியை ஏற்று அவனின் வெகுமதியை எதிர்பார்த்து உயிரை விட்டவர் ஷஹீத் உயிர்தியாகி ஆவார் என நபி ஸல் அவர்கள் கூறியுள்ளதால் (புகாரி 5734),  உயிருக்கு பயந்து ஊரைவிட்டு ஓடக்கூடாது. நமது ஊரில் பாதிப்பே இல்லை என்றாலும் அடுத்த ஊரில் இருக்கக்கூடும் என்பதால் நபியின் கட்டளைபடி பயனம் செல்லக்கூடாது. சுருக்கமாக சொன்னால் இந்தியர்களே முஸ்லிம்களின் வாழ்வியல் நெறியை போல் வாழுங்கள் என அரசு சொல்லுகிறது. எனவே முஸ்லிம்களே நாம் முஸிம்களாக வாழ்வோம்.

அரசு சொல்லுவதை ஏற்று நடக்கும் அதே நேரத்தில் இது நபியின் சுன்னா – வழிமுறை என்ற எண்ணமும் மனதில் கொண்டால், ஒவ்வொரு செயலுக்கும் நமக்கு நண்மையும் கூடிக்கொண்டு இருக்கும். வெளியூர் பயணம் செல்லாமல் காத்து இருக்கும் ஒவ்வொரு விநாடிக்கும் நண்மைகள் அதிகரித்துக் கொண்டே இருக்கும். இன்ஷா அல்லாஹ்.

இஸ்லாம், கொள்ளை நோயை கட்டுப்படுத்த உயிரையும் தியாகம் செய்திடும் அளவிற்கு பக்குவப்படுத்தியுள்ளது. எனவே அரசின் இச்செயலை அல்லது சிரமங்களை  வரவேற்போம், கட்டுப்படுவோம், செயல்படுத்துவோம்.

தொழுகை மற்றும் ஜுமுஆ பற்றிய நிலைபாடு:
கொரோனாவில் பாதித்த அனைவரும் உயிர் இழப்பர் என்பது கிடையாது. சிலருக்கோ தனக்கு கொரோனா வந்ததே தெரியாமல் பாதிக்கப்பட்டு அதிலிருந்து மீண்டும் இருப்பர். அவருக்கு எந்த அறிகுறியும் தெரிந்திருக்காது அவ்வளவு ஆரோக்கியம் அவருக்கு இருந்திருக்கும். ஆனால் அந்த இடைப்பட்ட காலத்தில் அவர் மூலமும் கொரோனோ மற்றவருக்கு பரவிடும்.
கொரோனா பரவுவதற்கு ஒரு வாய்ப்பாக தொழுகை இருந்திடக்கூடாது. மழைக்கே தொழுகையை வீட்டில் தொழுது கொள்ளுங்கள் (புகாரி 616) என்ற சலுகை இருக்கும்போது அந்த சலுகையை இந்த நேரத்தில் பயன்படுத்திடலாம். மட்டும் அல்லாமல் பூண்டு, வெங்காயம் போன்றவற்றை சப்பிட்டால் அதன் வாடை மற்றவருக்கு தொல்லை தரும் என்பதால் தொழுகைக்கு பள்ளிக்கு வராதீர்கள் என நபி தடுத்திருப்பதால் (முஸ்லிம் 976), கொரோனாவின் அறிகுறிகளான சாதாரன இருமல், காய்ச்சலாக இருந்தாலும் இச்சூழ்நிலையில் அது மற்றவர்களுக்கு சங்கடத்தை ஏற்படுத்தும் என்பதால் இவர்கள் பள்ளிக்கு வருவதை அறவே தவிர்ந்திடுங்கள். உடல் ஆரோக்கியம் இருந்தாலும் அரசால் அடையாளப்படுத்தப்பட்ட வீட்டை சார்ந்தோரும் பள்ளிக்கு வருவதை தவிர்ந்திடுங்கள்.

மழையின் காரணமாக வீட்டில் தொழுங்கள் என்பது சலுகைதானே! அந்த சலுகையை நிராகரித்து பள்ளிக்கு வருவதே சிறப்பு என எண்ணாதீர்கள். பயணத் தொழுகையில் நான்கு ரக்காத்துகள் தொழ முடியும் என்றிருக்க இரண்டு இரக்காத்தான சலுகையையே செயல்படுத்துங்கள் இது அல்லாஹ்வின் கொடை என நபி ஸல் அவர்கள் சொல்லியுள்ளார்கள் (முஸ்லிம் 1222). மேலும் பயணத்தில் நோன்பு வைக்க முடியும் என்றாலும் நோன்பை விட்டுவிடுதல் என்ற சலுகையே அல்லாஹ்விடமிருந்து வந்தது அந்த சலுகையை பயன்படுத்துவதே நல்லது என நபி ஸல் அவர்கள் சொல்லியுள்ளார்கள் (முஸ்லிம் 2026). ஆக, சலுகைக்கே முன்னுரிமை கொடுக்கப்படல் வேண்டும் அதுவே சிறப்பு.

எனவே வீட்டில் தொழுவதற்கு முன்னுரிமை கொடுங்கள். ஊரடங்கு உத்தரவு இருப்பதால் கூட்டம் கூடி பள்ளி நிர்வாகத்திற்கு சங்கடம் தந்திடாமல் வீட்டிலேயே தொழுதிடுமாறு நிர்வாகத்தின் சார்பில் வேண்டி கேட்டுக்கொள்கிறோம்.

* பள்ளியில் வழக்கம்போல் பாங்கு சொல்லப்பட்டாலும் மக்கள் வீட்டிலேயே தொழுது கொள்ளுங்கள்.

* பள்ளியின் அருகில் இருப்பவர்கள் மட்டுமே கலந்து கொள்ளலாம். அரசால் அடையாளப்படுத்தப்பட்டவர்கள் மற்றும் அவரைச்சார்ந்தவர்கள் கூடாது.

* தொழுகை மிக விரைவாக முடிக்கப்பட்டு விடும்.

இஸ்லாத்தில் தொற்று நோய் உண்டா?
தொற்றுநோய் என்பது கிடையாது. பறவைகளைக்கொண்டு சகுனம் பார்ப்பதும் கிடையாது ஆந்தையால் சகுனம் பார்ப்பதும் கிடையாது. ஸஃபர் மாதம் பீடை என்பதும் கிடையாது. சிங்கத்திடமிருந்து நீ எப்படி வெருண்டோடுவாயோ அப்படி தொழுநோயாளியிடமிருந்து வெருண்டோடு. என நபி ஸல் அவர்கள் சொல்லியுள்ளார்கள். (புஹாரி 5707)

எனவே, இஸ்லாத்தில் தொற்றுநோய் கிடையாது. நோய் பரவுமா என்றால் அல்லாஹ்வின் நாட்டப்படி பரவும். கொள்ளை நோய் பரவி மக்கள் கூட்டம் கூட்டமாக இறந்ததை ஹதீஸ்களில் நாம் பார்க்க முடிகிறது. கொரோனா இருக்கும் நபரிடமிருந்து மற்றவருக்கு தொட்டாலோ பார்த்தாலோ சுவாசத்தாலோ அல்லது இவரின் இரத்தமே மற்றவருக்கு ஏற்றப்பட்டாலும் அல்லாஹ்வின் அருளால் இவரின் எதிர்ப்பு சக்தியைக்கொண்டு கொரோனா எந்த தாக்கத்தையும் ஏற்படுத்தாமல் போய்விடவும் அதேபோல் பாதிக்கப்பட்டவரை தொடாமல் இருந்தாலும் மற்றவருக்கும் அது பரவி உயிரையும் பரித்துவிடவும் வாய்ப்புள்ளது. எனவே கொள்ளை நோயால் பாதிக்கப்பட்டவர் இன்னொரு நபரால்தான் என முஸ்லிம் நினைக்கக்கூடாது மாறாக அல்லாஹ்வின் விதியின்படியே என நம்பவேண்டும் அதை ஏற்கவேண்டும் உயிர் பிரியும் என்றாலும்கூட உயிருக்கு பயந்து ஓடக்கூடாது என்பதே இஸ்லாம்.

தொற்று இல்லை என கூறிய  அதே நபி ஸல் அவர்கள் அதை எவ்வாறு எதிர்கொள்ள வேண்டும் என்பதையும் காட்டி தந்துள்ளார்கள். சிங்கத்திடமிருந்து நீ எப்படி வெருண்டோடுவாயோ அப்படி தொழுநோயாளியிடமிருந்து வெருண்டோடு என்றதன் மூலம் அவர்களிடமிருந்து நாம் கூடுமானவரை ஒதுங்கி இருக்கவேண்டும் என்றும், (வெருண்டோடுதல் என்ற உவமை சொல்லுக்கு துண்டை காணோம் துணியைக் காணோம் என ஓடுவது அல்ல தூரமாகுதல் என்பதை சுலபமாய் விளங்கிட முடியும்) கொள்ளை நோய் பாதிக்கப்பட்ட பகுதிக்கு யாரும் செல்ல வேண்டாம் அங்கிருந்து யாரும் வெளியேற வேண்டாம் என சொன்னதன் மூலம் தனிமை படுத்திடல் வேண்டும் என்பதையும், இஸ்லாத்தை ஏற்று பைஅத் செய்பவர்களிடம் கையை பிடித்து சத்தியப்பிரமானம் செய்யும் நபி ஸல் அவர்கள் தொழுநோயாளியிடம் கையை பிடித்து பைஅத் செய்யாததே அவர்களிடமிருந்து தனித்து இருக்க வேண்டும் என்பதும் நோய் பிடித்த ஒட்டகத்தை மற்ற ஒட்டகத்துடன் சேர்க்காதே என்பதிலிருந்தும் தனிமை படுத்துதல் வேண்டும் என்பதும் தெளிவாகிறது. மனிதரும் ஒட்டகமும் ஒன்றா என சிலர் சொல்லக்கூடும், நோயாளியை நேரில் நலம் விசாரிக்க சொன்ன அதே நபி ஸல் அவர்கள்தான் கொள்ளை நோயால் பாதிக்கப்பட்டவர்கள் வேறு இடத்தில் இருக்கும்போது அவர்களை சந்திக்க வேண்டாம் என்றும் சொல்லியுள்ளார்கள்.

ஆக தொற்று நோய் உண்டா இல்லையா என விவாதித்துக்கொண்டும், கொரோனா பரவியதா பரப்பியதா என ஆய்வு செய்து கொண்டும் நேரத்தை வீணடிப்பதை விடவும் இது போன்ற சூழ்நிலையில் இஸ்லாம் எவ்வாறு எதிர் கொள்ள சொன்னது என்பதை அறிந்து அதுபோல் செயல்படுவோம்.

அதிரை தாருத் தவ்ஹீத்

செய்திகளை உடனுக்குடன் மின்னஞ்சலில் பெற...