Pages

Thursday, December 3, 2020

அதிராம்பட்டினத்தில் கொட்டும் மழையில் PFI அமைப்பினர் ஆர்ப்பாட்டம் (படங்கள்)

அதிராம்பட்டினம், டிச.03
பாப்புலர் ஃப்ரண்ட் ஆஃப் இந்தியா அமைப்பின் மாநில தலைமை அலுவலகம் மற்றும் நிர்வாகிகள் வீடுகளில் சோதனை நடத்தியதைக் கண்டித்து அதிராம்பட்டினம் பேருந்து நிலையத்தில் ஆர்ப்பாட்டம் வியாழக்கிழமை நடைபெற்றது.

ஆர்ப்பாட்டத்திற்கு, பாப்புலர் ஃப்ரண்ட் ஆஃப் இந்தியா அமைப்பின் தஞ்சை தெற்கு மாவட்டத் தலைவர் ஹாஜா அலாவுதீன் தலைமை வகித்தார். அவ்வமைப்பின், மாவட்டச் செயலாளர் மர்சூக் அகமது வரவேற்றுப் பேசினார். எஸ்டிபிஐ கட்சி மாநிலச் செயலாளர் அபுபக்கர் சித்திக் கண்டன உரை நிகழ்த்தினார். ஆர்ப்பாட்டத்தில், அவவமைப்பினர் பலர் கலந்துகொண்டு, மத்திய பஜக அரசு மற்றும் அமலாக்கத்துறையை கண்டித்து முழக்கமிட்டனர்.

இந்த ஆர்ப்பாட்டத்தில், எஸ்டிபிஐ கட்சி தஞ்சை தெற்கு மாவட்டத் தலைவர் என்.முகமது புஹாரி, எஸ்டிபிஐ கட்சி திருவாரூர் மாவட்டத் தலைவர் தப்ரே ஆலம் பாதுஷா ஆகியோர் முன்னிலை வகித்தனர். 


அதிராம்பட்டினத்தில் உலக மாற்றுத்திறனாளி தின விழா (படங்கள்)

அதிராம்பட்டினம், டிச.03
அதிராம்பட்டின ரோட்டரி சங்கம் சார்பில்,  உலக மாற்றுத்திறனாளிகள் தின விழா அதிராம்பட்டினத்தில் வியாழக்கிழமை நடைபெற்றது.

இதில், தமிழ்நாடு அனைத்து வகை மாற்றுத் திறனாளிகள் மற்றும் பாதுகாப்போர் உரிமைகளுக்கான சங்க உறுப்பினர்களுக்கு சால்வை அணிவித்து நினைவுப் பரிசுகள் வழங்கி வாழ்த்து தெரிவிக்கப்பட்டது. நிகழ்வில், சங்க மாவட்டத் தலைவர் ஏ.பஹாத் முகமது, அதிராம்பட்டினம் பேரூர் தலைவர் ஜம்ஜம் அகமது அஷ்ரப், அதிராம்பட்டினம் ரோட்டரி சங்கத் தலைவர் எஸ்.சாகுல் ஹமீது,  முன்னாள் தலைவர் டி.முகமது நவாஸ்கான், முன்னாள் செயலர் இசட். அகமது மன்சூர் மற்றும் நிர்வாகிகள், உறுப்பினர்கள் பலர் கலந்துகொண்டனர்.


பட்டுக்கோட்டையில் 'ராஹத்' ஆம்னி பஸ் சேவை தொடக்கம்!

அதிரை நியூஸ்: டிச.03
பட்டுக்கோட்டையில் இருந்து சென்னை செல்லவும், சென்னையிலிருந்து பட்டுக்கோட்டைக்கு பயணம் மேற்கொள்ளவும் ராஹத் ஆம்னி பஸ் சேவை (02-12-2020 ) புதன்கிழமை முதல் தொடங்கப்பட்டுள்ளது.

'ராஹத்' ஆம்னி பஸ் சேவையின் பட்டுக்கோடை முகவர் முகமது சாலிகு கூறியது;
'பட்டுக்கோட்டையில் இருந்து சென்னைக்கும், சென்னையிலிருந்து பட்டுக்கோட்டைக்கும் என இரு மார்க்கத்திலும் போக்குவரத்து சேவையை மீண்டும் துவங்க உள்ளோம். 

தினமும் பட்டுக்கோட்டையில் இருந்து காலை 11 மணி, இரவு 9.15 மணி, 9.30 மணி, 9.45 மணிக்கும் பேருந்து புறப்படும். 'குறித்த நேரம் பயணம் - மிதமான வேகம் - பாதுகாப்பான பயணம் - பயணிகளை பத்திரமாக கொண்டு சேர்த்தல் - கனிவான பணிவிடை - அனுபவமிக்க ஓட்டுநர்கள், மேம்படுத்தப்பட்ட வசதிகளை பிரதானமாகக் கொண்டு இயங்க உள்ளது. 

அதிராம்பட்டினம் சாலை, பெட்ரோல் பங்க் எதிரில், கேபிஆர் காம்ப்ளக்ஸ், (பட்டுக்கோட்டை பேருந்து நிலையம் அருகில்) டி.எஸ் டிராவல்ஸ் ~ ராஹத் ஆம்னி பஸ் அலுவலகத்தில் இருந்து பஸ் புறப்படும். சென்னையில் இருந்து பட்டுக்கோட்டைக்கு வரும் பயணிகளுக்கு டிக்கெட் முன்பதிவு வசதி செய்துகொடுக்கப்படும்.

மேலும் குறைந்த கட்டணத்தில் பொருட்களை உரியவரிடம் பத்திரமாக கொண்டு சேர்க்க பார்சல் சர்வீஸும் உண்டு. எங்கள் சேவை சிறக்க பயணிகள், வர்த்தகர்கள் தொடர்ந்து ஆதரவளிக்க வேண்டும் என்றார்.

பயண முன்பதிவு தொடர்புக்கு
D.S TRAVELS & TOURS
8220 660 332

அதிரை பைத்துல்மால் அமைப்பின் மாதாந்திரக் கூட்டம் (படங்கள்)

அதிராம்பட்டினம், டிச.03
தஞ்சாவூர் மாவட்டம், அதிராம்பட்டினம் பைத்துல்மால் சேவை அமைப்பின் நவம்பர் மாத மாதாந்திரக் கூட்டம், அவ்வமைப்பின் தலைவர் பேராசிரியர் எஸ்.பர்கத் அவர்களின் தலைமையில், அதன் அலுவலகத்தில் (30-11-2020) அன்று  நடைபெற்றது. இக்கூட்டத்தில், அதிரை பைத்துல்மால் நிர்வாகிகள் மற்றும் உறுப்பினர்கள் பலர் கலந்துகொண்டு ஆலோசனைகள் வழங்கினர்.


புயல், மழைக்காலங்களில் பொதுமக்கள் முன்னெச்சரிக்கையுடன் பாதுகாப்பாக இருக்க ஆட்சியர் வலியுறுத்தல்!

அதிரை நியூஸ்: டிச.03
புயல் மற்றும் மழைக்காலங்களில் பொதுமக்கள் முன்னெச்சரிக்கையுடன் பாதுகாப்பாக இருக்க வேண்டும் என மாவட்ட ஆட்சித் தலைவர் ம.கோவிந்த ராவ் தகவல் தெரிவித்துள்ளார்.

தஞ்சாவூர் மாவட்டத்தில் வடகிழக்கு பருவமழை காலத்தில் ஏற்படும் புயல் மற்றும் மழை பாதிப்புகளை எதிர்கொள்ள தேவையான அனைத்து முன்னெச்சரிக்கை நடவடிக்கைகள் மாவட்ட நிர்வாகத்தின் சார்பில் எடுக்கப்பட்டுள்ளது. தஞ்சாவூர் மாவட்டத்தில் வடகிழக்கு பருவமழை காலத்தில் பெய்ய வேண்டிய சராசரி அளவான 637.02 மிமீ-ல் இதுவரை 296.41 மிமீ மழை பதிவாகியுள்ளது. இது 46.53 சதவீதமாகும். தஞ்சாவூர் மாவட்டத்தில் பொதுப்பணித்துறை கட்டுப்பாட்டின் கீழ் உள்ள வெண்ணாறு கோட்ட பிரிவில் 13 ஏரி, குளங்களில் 6 ஏரி, குளங்கள் 75 சதவீதத்திலிருந்து 100 சதவீதம் வரையிலும், 3 ஏரி, குளங்கள் 50 சதவீதத்திலிருந்து 75 சதவீதம் வரையிலும்ää 4 ஏரி, குளங்கள் 50 சதவீதத்திற்கு கீழும் நிரம்பியுள்ளது.

கல்லணை கால்வாய் கோட்ட பிரிவில் 524 ஏரி, குளங்களில் 225 ஏரி, குளங்கள் 100 சதவீதமும், 165 ஏரி, குளங்கள் 75 சதவீதத்திலிருந்து 100 சதவீதம் வரையிலும், 53 ஏரி, குளங்கள் 50 சதவீதத்திலிருந்து 75 சதவீதம் வரையிலும், 81 ஏரி, குளங்கள் 50 சதவீதத்திற்கு கீழும் நிரம்பியுள்ளது. அக்னியாறு கோட்ட பிரிவில் 24 ஏரி, குளங்களில் 2 ஏரி, குளங்கள் 75 சதவீதத்திலிருந்து 100 சதவீதம் வரையிலும், 22 ஏரி, குளங்கள் 50 சதவீதத்திற்கு கீழும் நிரம்பியுள்ளது. ஆற்று பாதுகாப்பு கோட்டத்தில் 81 ஏரி, குளங்களில் 65 ஏரி, குளங்கள் 50 சதவீதத்திலிருந்து 75 சதவீதம் வரையிலும், 16 ஏரி, குளங்கள் 50 சதவீதத்திற்கு கீழும் நிரம்பியுள்ளது.

பொதுமக்கள் மழைக்காலங்களில் தேவையில்லாமல் வீட்டை விட்டு வெளியே செல்வதை தவிர்க்க வேண்டும். மழை, இடி, மின்னல் நேரங்களில் வெட்டவெளி பகுதிகள் மற்றும் நீர் நிலைகளில் இருப்பதை தவிர்க்க வேண்டும். ஏரி, குளங்களில் தண்ணீர் நிரம்பி வருவதால், குழந்தைகள், முதியவர்கள் மற்றும் கால்நடைகள் நீர்நிலைகளுக்கு செல்லாமல் பாதுகாப்பாக இருக்க வேண்டும். மழை குறித்த புகார்களுக்கு 9345336838 (வாட்ஸ்அப்) மற்றும் 1077 என்ற கட்டணமில்லா தொலைபேசி எண்ணில் தொடர்பு கொள்ளவும். இவ்வாறு மாவட்ட ஆட்சித் தலைவர் ம.கோவிந்த ராவ் தகவல் தெரிவித்துள்ளார்.

மரண அறிவிப்பு ~ ஹாஜி எம்.எஸ் அகமது அமீன் (வயது 86)

அதிரை நியூஸ்: டிச.03
அதிராம்பட்டினம், புதுமனைத்தெருவைச் சேர்ந்த மர்ஹூம் செய்கனா அப்பா அவர்களின் பேரனும், மர்ஹூம் எம்.ஏ முகமது சாலிம் அவர்களின் மகனும், மர்ஹூம் ஹாஜி எம்.எஸ் முகமது சயீது, மர்ஹூம் ஹாஜி சுல்தான் இப்ராஹீம், மர்ஹூம் ஹாஜி அகமது தாஹா, எம்.எஸ் அகமது ரசாத் ஆகியோரின் சகோதரரும், மர்ஹூம் ஹாஜி செய்குனா, மர்ஹூம் அகமது அஸ்ரப், ஏ.கே அகமது ரபீக், எம். முகமது இம்திசார் ஆகியோரின் மாமனாரும், முகமது ஜிப்ரி அவர்களின் தகப்பனாருமாகிய ஹாஜி எம்.எஸ் அகமது அமீன் (வயது 86) அவர்கள் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (03-12-2020) காலை 10 மணியளவில் மரைக்கா பள்ளிவாசல் மையவாடியில் நல்லடக்கம் செய்யப்படும். 

அன்னாரின் மறுமை வாழ்வு சிறக்க துஆ செய்வோம்.

Wednesday, December 2, 2020

மரண அறிவிப்பு ~ முகமது அபூபக்கர் (வயது 62)

அதிரை நியூஸ்: டிச.02
அதிராம்பட்டினம், புதுமனைத்தெருவைச் சேர்ந்த மர்ஹூம் முகமது யூசுப் அவர்களின் மகனும், ஜெய்னூல் ஆபிதீன் அவர்களின் சகோதரரும், முகமது உமர் அவர்களின் மச்சானும், பைசல் அகமது அவர்களின் தகப்பனாரும், அஸ்ரப் அலி, அகமது சலீம் ஆகியோரின் மாமனாரும், ஹாரூன் ரஷீத், தாரிக் அஜீஸ், முகமது ஆதில் ஆகியோரின் பாட்டனாருமாகிய முகமது அபூபக்கர் (வயது 62) அவர்கள் இன்று அதிகாலை வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (02-12-2020) பகல் லுஹர் தொழுதவுடன் மரைக்கா பள்ளிவாசல் மையவாடியில் நல்லடக்கம் செய்யப்படும். 

அன்னாரின் மறுமை வாழ்வு சிறக்க துஆ செய்வோம்.

Sunday, November 29, 2020

அதிராம்பட்டினத்தில் பெண் பயனாளி இருவருக்கு தையல் இயந்திரம் வழங்கல்!

அதிராம்பட்டினம், நவ.29
அதிரை பைத்துல்மால் சேவை அமைப்பின் சார்பில், வாழ்வாதார உதவியாக ஆதரவற்ற பெண் பயனாளி இருவருக்கு தையல் இயந்திரம் வழங்கும் நிகழ்வு அவ்வமைப்பின் அலுவலகத்தில் ஞாயிற்றுக்கிழமை நடைபெற்றது.

நிகழ்வுக்கு, அவ்வமைப்பின் தலைவர் பேராசிரியர் எஸ்.பர்கத் தலைமை வகித்தார். அவ்வமைப்பின் செயலர் எஸ்.ஏ அப்துல் ஹமீது, பொருளாளர் எஸ்.எம் முகமது முகைதீன் ஆகியோர் முன்னிலை வகித்தனர்.

இதில், ஆதரவற்ற அதிராம்பட்டினம் பகுதியைச் சேர்ந்த பெண் பயனாளி இருவருக்கு, கடற்கரைத்தெருவைச் சேர்ந்த சகோதரர் ஒருவர் அளித்த நிதியில், ரூ.14 ஆயிரம் மதிப்பிலான நாற்காலியுடன் கூடிய தையல் இயந்திரம் இலவசமாக வழங்கப்பட்டன.

இந்நிகழ்வில், அதிரை பைத்துல்மால் நிர்வாகிகள் ஏ.எஸ் அகமது ஜலீல், ஓ.சாகுல் ஹமீது, எச் முகமது இப்ராஹிம், முகமது முகைதீன், எம்.நிஜாமுதீன், முகமது புஹாரி, டி.ஏ அகமது அனஸ். உள்ளிட்டோர் கலந்துகொண்டனர்.

Friday, November 27, 2020

மரண அறிவிப்பு ~ எம்.ஐ அப்துல் மஜீது (வயது 70)

அதிரை நியூஸ்: நவ.27
அதிராம்பட்டினம், மேலத்தெருவைச் சேர்ந்த மர்ஹூம் மர்ஹும் எம்.எம் முகமது இஸ்மாயில் அவர்களின் மகனும், மர்ஹூம் எம்.ஏ.சி முத்து மரைக்காயர், மர்ஹும் எம்.ஏ.சி நெய்னா முகமது, மர்ஹும் ஹாஜி எம்.ஏ.சி பக்கீர் முகமது ஆகியோரின் மருமகனும், கே. அகமது ரிதாவுதீன் அவர்களின் மாமனாரும், எம்.ஏ.சி செய்யது இப்ராஹிம், மர்ஹும் எம்.ஏ.சி நசீர் அகமது ஆகியோரின் மச்சானுமாகிய எம்.ஐ அப்துல் மஜீது (வயது 70)  அவர்கள் இன்று காலை சென்னையில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா நாளை (28-11-2020) பெரிய ஜும்மா பள்ளிவாசல் மையவாடியில் நல்லடக்கம் செய்யப்படும். (நேரம் பின்னர் அறிவிக்கப்படும்)

அன்னாரின் மறுமை வாழ்வு சிறக்க துஆ செய்வோம்.

Thursday, November 26, 2020

தஞ்சாவூர் மாவட்டத்தில் முன்னெச்சரிக்கை நடவடிக்கை தொடரும்: மாவட்ட கண்காணிப்பு அலுவலர் தகவல்!

அதிரை நியூஸ்: நவ.26
தஞ்சாவூர் மாவட்டத்தில் நிவர் புயல் மழையினால் எந்த பாதிப்பும் இல்லை இருப்பினும் டிசம்பர் மாதம் வரை வடகிழக்கு பருவமழை இருக்குமென்பதால் மாவட்ட நிர்வாகத்தின் சார்பில் முன்னெச்சரிக்கை நடவடிக்கைகள் தொடர்ந்து செயல்படுத்தப்பட்டு வரும் என மாவட்ட கண்காணிப்பு அலுவலரும், தோட்டக்கலை மற்றும் மலைப்பயிர்கள்துறை இயக்குனருமான என்.சுப்பையன் தகவல் தெரிவித்துள்ளார்.

தஞ்சாவூர்  மாவட்ட ஆட்சியர் அலுவலக கூட்ட அரங்கில் மாவட்டத்தில் நிவர் புயல் மழை முன்னெச்சரிக்கை பணிகள் தொடர்பாக மாவட்ட கண்காணிப்பு அலுவலரும், தோட்டக்கலை மற்றும் மலைப்பயிர்கள்துறை இயக்குனருமான என்.சுப்பையன், மாவட்ட ஆட்சித் தலைவர் ம.கோவிந்த ராவ் ஆகியோர் இன்று (26.11.2020) செய்தியாளர்களை சந்தித்தனர்.

செய்தியாளர்கள் சந்திப்பின் போது மாவட்ட கண்காணிப்பு அலுவலர் தெரிவித்ததாவது:        
தஞ்சாவூர் மாவட்டத்தில் நிவர் புயல் மழையினை எதிர்கொள்ள மாவட்ட நிர்வாகத்தின் சார்பாக பல்வேறு முன்னெச்சரிக்கை நடவடிக்கைகள் மேற்கொள்ளப்பட்டுள்ளன. நிவர் புயல் முன்னெச்சரிக்கை நடவடிக்கைக்காக 122 நிவாரண முகாம்களில் 1606 குடும்பங்கள், 1761 ஆண்கள், 2261 பெண்கள், 1344 குழந்தைகள் மொத்ததம் 5321 மக்கள் பாதுகாப்பாக தங்க வைக்கப்பட்டனர்.

நிவர் புயல் காரணமாக முன்னெச்சரிக்கை நடவழக்கைக்காக மாவட்டத்தில் 42 மருத்துவ முகாம்கள் நடத்தப்பட்டன. மாவட்டத்தில் மனித உயிரி உயிரிழப்பு ஏதுமில்லை. மாவட்ட சாலைகள் மற்றும் தேசிய நெடுஞ்சாலைகள் பாதிக்கப்படவில்லை. போக்குவரத்து ஏதும் தடைபெறவில்லை. மாவட்டத்தில் நிவர் புயல் காரணமாக 20 மின்கம்பங்கள் சேைந்துள்ளன. மின்கம்ப சேதங்கள் சரி செய்யப்பட்டு மின் இணைப்பபு மீள வழங்கப்பட்டுள்ளது. மாவட்டத்தில எழு இடங்களில் மரங்கள் விழுந்துள்ளன. அவை அனைத்தும் அப்புறப்படுத்தபட்டுள்ளது.

மாவட்டத்தில் இதுவரை 34 கூரை வீடுகள் பகுதியாகவும், 1 கூரை வீடு முழுமையாகவும், ஓட்டு வீடுகளில் 1 பகுதியாக சேதமடைந்துள்ளது. கால்நடைகளில் 1 மாடு, 2 ஆடுகள் மழையினால் இறந்ததாக தகவல் வரப்பெற்றுள்ளது. உறுதி செய்யப்பட வேண்டும். வருவாய்த்துறை. ஊரகவளர்ச்சித்துறை, காவல்துறை, மாநகராட்சி, பேரூராட்சி, நகராட்சி, தீயணைப்புத்துறை, மின்வாரியத்துறை, மருத்துவத்துறை, நெடுஞ்சாலைத்துறை, பொதுப்பணித்துறை, வேளாண்மைத்துறை, வேளாண்மை பொறியியல்துறை, தேசிய நெடுஞ்சாலைத்துறை, மீன்வளத்துறை, நீர்வள ஆதாரத்துறை மற்றும் இதர துறைகள் அலுவலர்கள் நிவர் புயல் அவசரப் பணிக்களுக்காக தயார் நிலையில் வைக்கப்பட்டனர்.

தஞ்சாவூர் மாவட்டத்தில் மீட்பு பணிக்காக தீயணைப்புத்துறையினர், காவல்துறையினர் மற்றும் மாநில பேரிடர் மீட்புக்குழு தயார் நிலையில் வைக்கப்பட்டியிருந்தனர். தஞ்சாவூர் மாவட்டத்தில் 26-11-2020 அன்று மழை அளவு 38.04 மி.மீ (தஞ்சாவூர் மாவட்டத்தின் ஆண்டு சராசாரி மழை அளவு 1098.24 மிமீ), மேலும், மாவட்ட கட்டுப்பாட்டு அறை, கோட்ட அலுவலகங்கள் மற்றும் அனைத்து வட்ட அலுவலகங்களிலும் 24*7 கட்டுப்பாட்டு அறை இயங்கி வருகிறது.

மாவட்ட வருவாய் அலுவலர் நிலையில் கோட்ட அளவில் 3 கண்காணிப்பு அலுவலர்களும், சார் ஆட்சியர் மற்றும் துணை ஆட்சியர் நிலையில் வட்ட அளவில் 9 மண்டல அலுவலர்களும் நிவர் புயல் முன்னெச்சரிக்கை நடவடிக்கைகள் மற்றும் நிவாரண நடவடிக்கைக்காகவும் தொடர்ந்து பணியில் ஈடுபடுத்தப்பட்டுள்ளனர்.

வெள்ள தடுப்பு பணிக்களுக்காக 41 இடங்களில் 1,06,600 மணல் மூட்டைகளும். 8269 சவுக்கு கட்டைகளும், 2,10,350 காலிசாக்கு பைகளும் இருப்பு வைக்கப்பட்டிருந்தன. மாவட்டத்தில் 3000 மின்கம்பங்கள் மின்வாரியத்தால் இருப்பு வைக்கப்பட்டன. 552 மரம் அறுக்கும் கருவிகள், 205 ஜேசிபி, 173 Genset கருவிகளும் தயார் நிலையில் வைக்கப்பட்டு இருந்தது.

மாவட்டத்தில் கண்டறியப்பட்ட 251 நிவாரண முகாம்களில் மண்டல அலுவலர்கள் மூலமாக அழப்படை வசதிகள் குறித்து ஆய்வு செய்யப்பட்டு உறுதி டிசய்யப்பட்டது. 16 மருத்துவ முகாம்கள் மூலமாக நிவாரண முகாம்கள் ஆய்வு செய்யப்பட்டு COVID மாதிரிகள் எடுக்கப்பட்டுள்ளன.108 ஆம்புலன்ஸ்கள், 29 அவசர சிகிச்சை மற்றும் மீட்பு பணிகளுக்காக தயார் நிலையில் வைக்கப்பட்ழயிருந்தன. நிவர் புயல் தொடர்பாக 49 புகார் மனுக்கள் பெறப்பட்டதில் 48 மனுக்கள் தீர்வு காணப்பட்டன. 1 மனு நடவடிக்கையில் உள்ளது.

மாவட்டத்தில் நிவர் புயல் காரணமாக ஏற்பட்ட மின் துண்டிப்பு துரிதமாக சரி செய்யும் பணி நடைபெற்று வருகிறது. நிவர் புயல் காரணமாக விழுந்த மரங்களை அகற்றும் பணி தொடர்புடைய துறைகள் மூலமாக நடைபெற்று வருகிறது. தாழ்வான பகுதியில் தேங்கியுள்ள நீர் வருவாய் மற்றும் ஊரக வளர்ச்சித்துறை அலுவலர்களால் அகற்றும் பணி மேற்கொள்ளப்பட்டு வருகிறது.

மேலும் விவசாய பெருங்குடி மக்கள் பயிர் காப்பீடு தொகையை டிசம்பர் 15 வரை செலுத்தலாம்.மழைääபுயல் சேதம் இல்லை என்று பொறுமை காத்திராமல் உடனடியாக அனைத்து பயிர்களுக்கும் பயிர்க்காப்பீடு செய்து பயன்பெற வேண்டும்.மேலும் மாவட்டத்தில் உள்ள மொத்த ஏரி குளங்கள் 618 இதில் 174 ஏரி குளங்கள் முழுவதும் நிரம்பி உள்ளன 199 குளங்கள் 75% முதல் 100மூ வரை நிரம்பியுள்ளன, 135 ஏரி குளங்கள் 50% முதல் 75%  வரை நிரம்பியுள்ளனää83 குளங்கள் 25%  முதல் 50% வரை நிரம்பியுள்ளன, 27 குளங்கள் 25% மேல் நிறைந்துள்ளன மேலும் தமிழக அரசின் உத்தரவின்படி இன்று மதியம் முதல் தஞ்சாவூர் மாவட்டம் அனைத்து பகுதிகளுக்கும் பேருந்து சேவைகள் தொடர்ந்து இயக்கப்படும்

டிசம்பர் மாதம் வரை வடகிழக்கு பருவமழை இருக்குமென்பதால் மாவட்ட நிர்வாகத்தின் சார்பில் முன்னெச்சரிக்கை நடவடிக்கைகள் தொடர்ந்து செயல்படுத்தப்பட்டு வரும் மழை புயல் சேதம் தொடர்பாக புகார்களை மாவட்ட ஆட்சியர் அலுவலக கட்டுப்பாட்டு அறை கட்டணமில்லா தொலைபேசி 1077 என்ற எண்ணின் மூலம் தெரிவிக்கலாம்.  

மேலும், புயல் மழை தொடர்பாக மாவட்ட நிர்வாகத்திற்கு ஒத்துழைப்பு நல்கி தொடர்ந்து விழிப்புணர்வு ஏற்படுத்திய பத்திரிக்கைத்துறையினருக்கும், தொலைக்காட்சித்துறையினருக்கும், மாவட்ட நிர்வாகத்தின் சார்பாக நன்றியை தெரிவித்துக்கொள்கிறேன் என மாவட்ட கண்காணிப்பு அலுவலரும் தோட்டக்கலை மற்றும் மலைப்பயிர்கள் இயக்குனருமான என்.சுப்பையன் தெரிவித்துள்ளார்.

அதிராம்பட்டினத்தில் 23.40 மி.மீ மழை பதிவு!

அதிராம்பட்டினம், நவ.26
தென்மேற்கு வங்கக் கடலில் உருவான அதி தீவிர நிவர் புயலானது தமிழகம் ~ புதுச்சேரிக்கு இடையே நேற்று இரவு 11.30 மணி முதல் இன்று காலை 2.30 மணி வரை கரையைக் கடந்தது.

இந்நிலையில், அதிராம்பட்டினம் மற்றும் சுற்றுப்புற பகுதியில் வியாழக்கிழமை இரவு முதல் பலத்த காற்றுடன் அவ்வப்போது விட்டு விட்டு மழை பெய்தது. 

தஞ்சாவூர் மாவட்டத்தில், இன்று (26-11-2020) வியாழக்கிழமை காலை 7 மணி நேர நிலவரப்படி, அதிராம்பட்டினம் 23.40 மி.மீ, மதுக்கூர் 37.80 மி.மீ, பட்டுக்கோட்டை 31 மி.மீ, பேராவூரணி 12.80, ஒரத்தநாடு 23.80, தஞ்சாவூர் 38, வல்லம் 34, திருவையாறு 40, பூதலூர் 28.80, திருக்காட்டுப்பள்ளி 18.60, நெய்வாசல் தென்பாதி 46.20, வெட்டிக்காடு 38, திருவிடைமருதூர் 49.80, கும்பகோணம் 59, பாபநாசம் 51.40, அய்யம்பேட்டை 41 மி.மீ மழை பதிவாகியது.

Wednesday, November 25, 2020

அதிராம்பட்டினத்தில் 5.11 மி.மீ மழை பதிவு!

அதிராம்பட்டினம், நவ.25
அதிராம்பட்டினம் மற்றும் சுற்றுப்புற பகுதியில் புதன்கிழமை காலை குளிர்ந்த காற்றுடன் பெய்த மழை சிறிது இடைவெளி விட்டு மீண்டும் இரவு முதல் மழை பெய்து வருகிறது. 

தஞ்சாவூர் மாவட்டத்தில், இன்று (25-11-2020) புதன்கிழமை மாலை 4 மணி நேர நிலவரப்படி, அதிராம்பட்டினம் 5.11 மி.மீ, மதுக்கூர் 6.10 மி.மீ, பட்டுக்கோட்டை 8.10 மி.மீ,  ஒரத்தநாடு 9, தஞ்சாவூர் 14.20, வல்லம் 6, திருவையாறு 8, பூதலூர் 4.40, திருக்காட்டுப்பள்ளி 8.60, நெய்வாசல் தென்பாதி 14.20, வெட்டிக்காடு 10.20, திருவிடைமருதூர் 16.90, கும்பகோணம் 18, பாபநாசம் 20.40, அய்யம்பேட்டை 21 மி.மீ மழை பதிவாகியது.

மல்லிபட்டினம் கடலோரப் பகுதியில் புயல் முன்னெச்சரிக்கை கண்காணிப்பு அலுவலர், ஆட்சியர் ஆய்வு!

மல்லிபட்டினம், நவ.25-
தஞ்சாவூர் மாவட்டம், மல்லிபட்டினம் கடலோரப் பகுதியில், புயல் முன்னெச்சரிக்கை பணிகளை கண்காணிக்கும் விதமாக, புதன்கிழமை மாலை, மாவட்ட கண்காணிப்பு அலுவலரும், தோட்டக்கலை துறை இயக்குனருமான என்.சுப்பையன், தஞ்சை மாவட்ட ஆட்சியர் ம.கோவிந்தராவ் முன்னிலையில் ஆய்வு மேற்கொண்டார். 

மல்லிப்பட்டினம் துறைமுகம், காரங்குடா புயல் பாதுகாப்பு மையம் ஆகிய இடங்களில் ஆய்வு நடத்தி, அங்குள்ள நிவாரண முகாம்களில் உரிய வசதிகள் செய்யப்பட்டுள்ளதா என கேட்டறிந்தார். பின்னர் அம்புலியாறு பகுதிக்கு வந்த அவரை பேராவூரணி சட்டமன்ற உறுப்பினர் மா.கோவிந்தராவ் வரவேற்றார். அம்புலியாற்றின் முகத்துவாரத்தில் தற்காலிகமாக படகுகள் பாதுகாப்பாக நிறுத்தி வைக்கப்பட்டுள்ளதை ஆய்வு செய்தார். 

அவரிடம்,  சட்டமன்றத்தில் முதலமைச்சர் 110 விதியின் கீழ் அறிவித்த அம்புலியாறு தடுப்பணை திட்டப்பணிகளை விரைந்து தொடங்குமாறு வலியுறுத்தினார். தொடர்ந்து முடியனாறு பகுதியில் ஆற்று முகத்துவாரத்தில் தூர்வாரும் பணிகளை தொடங்க வேண்டும் என வலியுறுத்திய சட்டமன்ற உறுப்பினர் ம.கோவிந்தராசு, புயல் முன்னெச்சரிக்கை நடவடிக்கை குறித்து சிறப்பு அலுவலர் மற்றும் மாவட்ட ஆட்சியரிடம் கலந்து ஆலோசனை நடத்தினார். 

ஆய்வின்போது, பட்டுக்கோட்டை சார் ஆட்சியர் பாலச்சந்தர், பயிற்சி ஆட்சியர் அமித், பட்டுக்கோட்டை காவல்துறை கண்காணிப்பாளர் புகழேந்தி கணேஷ், மீன்துறை இயக்குநர் சிவகுமார், சேதுபாவாசத்திரம் அதிமுக  வடக்கு ஒன்றியச் செயலாளர் நாடியும் சிவ. மதிவாணன், தெற்கு ஒன்றியச் செயலாளர் அருணாச்சலம், மாவட்ட மாணவர் அணி இணைச் செயலாளர் ஆர்.பி.ராஜேந்திரன், வட்டாட்சியர் க.ஜெயலெட்சுமி மற்றும் பொதுப்பணித்துறை, வருவாய்த்துறை அலுவலர்கள் உடன் இருந்தனர். 


நிவர் புயல் மழையினால் பாதிப்பு ஏற்படக்கூடிய பகுதிகளில் வசிக்கும் பொதுமக்கள் அருகிலுள்ள பாதுகாப்பு மையங்களில் தங்கிக்கொள்ள வேண்டுகோள்!

அதிரை நியூஸ்: நவ.25 
தஞ்சாவூர் மாவட்டத்தில் நிவர் புயல் மழையினால் பாதிப்பு ஏற்படக்கூடிய பகுதிகளில் வசிக்கும் பொதுமக்கள் அருகிலுள்ள பாதுகாப்பு மையங்களில் தாங்களாகவே வந்து தங்கிக் கொள்ள மாவட்ட கண்காணிப்பு அலுவலரும், தோட்டக்கலை மற்றும் மலைப்பயிர்கள்துறை இயக்குனருமான் என்.சுப்பையன் வேண்டுகோள் விடுத்துள்ளார்.

தஞ்சாவூர்  மாவட்டத்தில் நிவர் புயல்  மழை முன்னெச்சரிக்கை பணிகள் தொடர்பாக தஞ்சாவூர் மாவட்ட கண்காணிப்பு அலுவலரும், தோட்டக்கலை மற்றும் மலைப்பயிர்கள்துறை இயக்குனருமான என்.சுப்பையன், மாவட்ட ஆட்சித் தலைவர் ம.கோவிந்த ராவ் அவர்களுடன் பாபநாசம் வட்டம் களஞ்சேரியில் வெண்ணாற்றங்கரையில் இன்று (25.11.2020) நேரடியாக ஆய்வு மேற்கொண்டார்கள்.

இவ் ஆய்வின் போது மாவட்ட கண்காணிப்பு அலுவலர் தெரிவித்ததாவது:    தஞ்சாவூர் மாவட்டத்தில் நிவர் புயல் மழையினை எதிர்கொள்ள மாவட்ட நிர்வாகத்தின் சார்பாக பல்வேறு முன்னெச்சரிக்கை நடவடிக்கைகள் மேற்கொள்ளப்பட்டுள்ளன குறிப்பாக மழை சேதம் மற்றும் பேரிடர் சேதங்கள் ஏற்படக்கூடிய இடங்களை முன்னரே கண்டறிந்து அப்பகுதியில் தேவையான முன்னெச்சரிக்கை நடவடிக்கைகள் மேற்கொள்ளப்பட்டுள்ளது. புயல் மழை சேதங்களை மேற்கொள்வதற்கு பேரிடர் மீட்பு குழுவினரும், தன்னார்வ  உறுப்பினர்களும், அரசு அலுவலர்களும்  தொடர்ந்து கண்காணித்து பணியாற்றி வருகின்றனர்.
 
பாபநாசம் ஒன்றியத்திற்கு உட்பட்ட களஞ்சேரியில் வெண்ணாற்றங்கரையில்  பொதுப்பணித்துறை அலுவலகத்தில்  வெள்ளத்தடுப்பு பணிக்காக மணல் முட்டைகள் மற்றும் மரம் அறுவை இயந்திரம் போன்றவைகள் தயார் நிலையில் வைக்கப்பட்டுள்ளது.

தொடர்ந்து, பட்டுக்கோட்டை வட்டம், மதுக்கூர் ஊராட்சி ஒன்றியம் ஒலையக்குன்னம் ஊராட்சி பள்ளியில் அமைக்கப்பட்டுள்ள புயல் பாதுகாப்பு மையத்தினை பார்வையிட்ட மாவட்ட கண்காணிப்பு அலுவலர் அவர்கள் புயல் பாதுகாப்பு மையத்திலுள்ள மருத்துவ முகாம், சமையலறை, கழிவறை ஆகிய பகுதிகளை பார்வையிட்டு, சமையலறையில் இருப்பு வைக்கப்பட்டுள்ள தேவையான உணவு தயாரிப்புப் பொருட்கள் மற்றும் மருத்துவ முகாமில் உள்ள மருந்துகளின் கையிருப்பு குறித்து மாவட்ட கண்காணிப்பு அலுவலர் அவர்கள் கேட்டறிந்தார். தொடர்ந்துää பட்டுக்கோட்டை நசுவினியாறு மற்றும் செல்லிக்குறிச்சி ஏரியில் ஆய்வு மேற்கொண்டு தற்போதுள்ள நீர் இருப்பு, நீர்வரத்து மற்றும் வெளியேற்றப்படும் அளவு ஆகியவை குறித்து பொதுப்பணித் துறை அலுவலர்களிடம் கேட்டறிந்து தீவிர கண்காணிப்பு பணி மேற்கொள்ள அறிவுறுத்தினார்.

பொதுமக்கள் புயல் மழை நேரங்களில் வெளியே வராமல் பாதுகாப்பாக வீட்டிலேயே இருந்திட தொடர்ந்து அறிவுறுத்தப்பட்டு வருகிறது. மாவட்டத்தில்  பாதிப்பு  ஏற்படக்கூடிய  பகுதியிலுள்ள பொதுமக்களும் மற்றும் தாழ்வான  பகுதிகளில்  வசிக்கும்  மக்களையும் கண்டறிந்து 78 வெள்ள நிவாரண தடுப்பு முகாம்களில் 972 ஆண்களும் 1477 பெண்களும் 754 குழந்தைகளும் என 3203 பேர்கள் பாதுகாப்பாக தங்கவைக்கப்பட்டு அவர்களுக்கு தேவையான உணவு குடிநீர் போன்ற அத்தியாவசியமான பொருட்கள் வழங்கப்பட்டு வருகிறது. மல்லிப்பட்டினம் மீன்பிடி இறங்குதளத்தில் ஆய்வு மேற்கொண்ட மாவட்ட கண்காணிப்பு அலுவலர் அவர்கள் படகுகளை போதிய இடைவெளியுடன் நிறுத்துமாறு அறிவுறுத்தினார். மல்லிப்பட்டினம் மீன்பிடி இறங்கு தளத்திற்கு காரைக்காலில் இருந்து வந்துள்ள 15 மீனவர்களின் தேவைகள் குறித்து கேட்டறிந்து அதன் பின்னர், பிள்ளையார் திடல் பல்நோக்கு புயல் பாதுகாப்பு மையத்தினை நேரில் பார்வையிட்டு ஆய்வு செய்தார். பேராவூரணி ஒன்றியம் அடைக்கதேவன் ஊராட்சியில் அம்புலியாறு நெடுகை பகுதிகளில் மீனவர்களின் படகுகள் பாதுகாப்பாக உள்ளதா என ஆய்வு செய்து பாதுகாப்பான பகுதியில் படகுகளை நிறுத்தி வைக்குமாறு அறிவுறுத்தினார்கள். 

நிவர் புயல் இன்று இரவு முதல் நாளை காலைக்குள் கரையை கடக்கும் என எதிர்பார்க்கப்படுகிறது. தஞ்சாவூர் மாவட்டத்தில் அதிகமான மழைப்பொழிவு எதிர்பார்க்கலாம். பாதிப்பு ஏற்படக்கூடிய பகுதிகளில் வசிக்கும் பொதுமக்கள் அருகிலுள்ள பாதுகாப்பு மையங்களில் தாங்களாகவே வந்து தங்கிக் கொள்ள வேண்டும். பாதுகாப்பு மையங்களில் பொதுமக்களுக்கு தேவையான அனைத்து அடிப்படை மற்றும் அத்தியாவசிய வசதிகள் செய்யப்பட்டுள்ளது.
பொதுமக்கள் தங்களின் கோரிக்கைகள் மற்றும் புகார்களை மாவட்ட ஆட்சியர் அலுவலக கட்டுப்பாட்டு அறை கட்டணமில்லா தொலைபேசி 1077 என்ற எண்ணின் மூலம் தெரிவிக்கலாம். பொதுமக்கள் எவ்வித அச்சமுமின்றி அரசின் வழிகாட்டுதலை பின்பற்ற வேண்டும். களப்பணியாளர்கள் அனைவரும் சம்பந்தப்பட்ட பகுதிகளில் முகாமிட்டு தயார் நிலையில் உள்ளனர். கடற்கரை பகுதிகளில் மாநில பேரிடர் மீட்புக்குழுவினர் தேவையான உபகரணங்களுடன் தயாராக இருக்கின்றனர். சாலைகளில் விழும் மரங்களை உடனடியாக அப்புறப்படுத்த பொதுப்பணித்துறை, நெடுஞ்சாலைத்துறை, வேளாண் பொறியியல் துறை அலுவலர்கள் தயார் நிலையில் உள்ளனர். காற்று வீசும் பகுதிகளில் மின்சார இணைப்பு தற்காலிகமாக துண்டிக்கப்பட்டு, நிலைமை சரியான பிறகு மீண்டும் வழங்கப்படும்.

மேலும் மாவட்டத்தில் கால்நடைகளுக்கு அவசர சிகிச்சை மேற்கொள்ள ஈரோடு மற்றும் தேனியிலிருந்து கூடுதலாக 2 அம்மா ஆம்புலன்ஸ்கள் வரவழைக்கப்பட்டு தயார் நிலையில் வைக்கப்பட்டுள்ளது. கால்நடைகளுக்கு பாதிப்புகள் தொடர்பாக கட்டணமில்லா தொலைபேசி எண் 1962 தொடர்பு கொள்ளலாம் என மாவட்ட கண்காணிப்பு அலுவலரும் தோட்டக்கலை மற்றும் மலைப்பயிர்கள் இயக்குனருமான என்.சுப்பையன் தெரிவித்துள்ளார்.

இவ்வாய்வின் போது பட்டுக்கோட்டை சட்டமன்ற உறுப்பினர் சி.வி.சேகர், முன்னாள் சட்டமன்ற உறுப்பினர் ராமச்சந்திரன், பட்டுக்கோட்டை சார் ஆட்சியர் பாலச்சந்தர், பயிற்சி ஆட்சியர் அமித், அக்னியாறு செயற்பொறியாளர் திருமதி.கனிமொழி, சுகாதாரத்துறை இணை இயக்குனர் டாக்டர் ராமு, நெடுஞ்சாலைத்துறை கோட்ட பொறியாளர், பட்டுக்கோட்டை வட்டாட்சியர் திருமதி தரணியா மற்றும் அரசு அலுவலர்கள் உடனிருந்தனர்.

செய்திகளை உடனுக்குடன் மின்னஞ்சலில் பெற...