Pages

Wednesday, February 26, 2020

CAA,NRC,NPR க்கு எதிராக அதிராம்பட்டினத்தில் பிரமாண்ட பேரணி (படங்கள்)

அதிராம்பட்டினம், பிப்.26
குடியுரிமை திருத்த சட்டத்தை எதிர்த்து, பிலால் நகர், ஹாஜா நகர், சுரைக்கா கொல்லை ஆகிய பகுதி பொதுமக்கள் சார்பில், பிரமாண்ட பேரணி, அதிராம்பட்டினத்தில் புதன்கிழமை மாலை நடைபெற்றது.

குடியுரிமை திருத்த சட்டத்தை எதிர்த்து, அதிராம்பட்டினம் ஜாவியா சாலையில் பிப்.19 ஆம் தேதி தொடங்கிய போராட்டம் 8-வது நாளாக புதன்கிழமையும் தொடர்ந்து நடைபெற்று வருகிறது.

இதில், சமுதாய அமைப்புகளின் பிரதிநிதிகள், அரசியல் கட்சிகளின் நிா்வாகிகள், சமூக செயற்பாட்டாளர்கள், கல்வியாளர்கள், ஜமாத் மற்றும் கிராம பஞ்சாயத் நிர்வாகிகள் பங்கேற்று மத்திய, மாநில அரசுகளைக் கண்டித்துப் பேசி வருகின்றனர்.

இந்தப் போராட்டத்துக்கு ஆதரவாக, அதிராம்பட்டினம் பிலால் நகர் ஜமாத் சார்பில், பெண்கள், குழந்தைகள் உட்பட 500 க்கும் மேற்பட்டோர் கலந்துகொண்டு, குடியுரிமை சட்டத்துக்கு எதிரான வாசகங்கள் அடங்கிய பதாகைகள் மற்றும் இந்திய தேசியக்கொடிகளை கையில் ஏந்தியவாறு,  குடியுரிமை திருத்தச் சட்டம் (சிஏஏ), தேசிய குடிமக்கள் பதிவேடு (என்ஆா்சி), தேசிய மக்கள் தொகை பதிவேடு (என்பிஆா்) ஆகியவற்றை மத்திய அரசு திரும்பப் பெற வேண்டும். தமிழக சட்டப்பேரவையில் குடியுரிமை திருத்தச் சட்டத்திற்கு (சிஏஏ) எதிராக தீா்மானம் நிறைவேற்றி, தேசிய குடிமக்கள் பதிவேடு (என்ஆா்சி), தேசிய மக்கள் தொகை கணக்கெடுப்பு (என்பிஆா்) ஆகிய பணிகள் நடைபெறாது என தமிழக அரசு அறிவிக்க வேண்டும் ஆகிய கோரிக்கைகளை வலியுறுத்தி முழக்கமிட்டபடி சென்றனர்.

இந்தப் பேரணியில், நண்டுவெட்டி வெப்பல் கிராம பஞ்சாயத் தலைவர் பெரிய சாமி தலைமையில், திரளான பெண்கள் பங்கேற்றனர்.

பிலால் நகரில் தொடங்கிய பேரணி, கிழக்கு கடற்கரைச்சாலை, பேருந்து நிலையம், பழைய அஞ்சலக சாலை, கடைத்தெரு வழியாக அதிராம்பட்டினம் ஜாவியா சாலையில் நடைபெறும் தொடர் போராட்டக் களத்தில் நிறைவடைந்தது.

அதேபோல், ஹாஜா நகர் இஸ்லாமிய இளைஞர்கள் நற்பணி மன்றம் சார்பில் ஏற்பாடு செய்திருந்த பேரணி, ஹாஜா நகரில் தொடங்கி, கிழக்கு கடற்கரைச்சாலை, பேருந்து நிலையம், பழைய அஞ்சலக சாலை, கடைத்தெரு வழியாக அதிராம்பட்டினம் ஜாவியா சாலையில் நடைபெறும் தொடர் போராட்டக் களத்தில் நிறைவடைந்தது. இதில், பெண்கள், குழந்தைகள் உட்பட 500 க்கும் மேற்பட்டோர் கலந்துகொண்டு குடியுரிமை சட்டத்திற்கு எதிராக முழக்கமிட்டனர். இளைஞர்கள் 'நோ சிஏஏ', 'நோ என்ஆர்சி', 'நோ என்ஆர்பி' ஆகிய வாசகங்கள் அடங்கிய கருப்பு கலர் டீ-சர்ட் அணிந்து எதிர்ப்பு தெரிவித்தனர்.
 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...