Pages

Sunday, March 15, 2020

அதிராம்பட்டினம் 25-வது நாள் தொடர் போராட்டம்: மவ்லவி ஹைதர் அலி, தங்க. குமரவேல் பங்கேற்பு (படங்கள்)

அதிராம்பட்டினம், மார்ச் 15
குடியுரிமை திருத்த சட்டத்தை எதிர்த்து, அதிராம்பட்டினம் ஜாவியா சாலையில் பிப்.19 ஆம் தேதி தொடங்கிய போராட்டம் 25-வது நாளாக நேற்று சனிக்கிழமையும் தொடர்ந்து நடைபெற்று வருகிறது.

இதில், சமுதாய அமைப்புகளின் பிரதிநிதிகள், அரசியல் கட்சி பிரமுகர்கள், சமூக செயற்பாட்டாளர்கள், கல்வியாளர்கள், ஜமாத் மற்றும் கிராம பஞ்சாயத் நிர்வாகிகள் பங்கேற்று மத்திய, மாநில அரசுகளைக் கண்டித்துப் பேசி வருகின்றனர்.

இந்நிலையில், 25-வது நாள் நடந்த தொடர் போராட்டத்தில், இஸ்லாமிய மார்க்க பிரச்சாரகர் மவ்லவி. ஹைதர் அலி, தமிழக மக்கள் விடுதலை இயக்க மாநிலப் பொதுச்செயலாளர் தங்க குமரவேல் ஆகியோர் கலந்துகொண்டு கண்டன உரை நிகழ்த்தினர்.

போராட்டத்தில், இந்த சட்டத்திற்கு எதிராக தமிழக நாடாளுமன்ற உறுப்பினர்கள் அனைவரும் உண்ணா விரத போராட்டத்தை மேற்கொள்ள வேண்டுமெனவும், டெல்லி சென்று நாடாளுமன்ற உறுப்பினர்களை சந்தித்து இதுதொடர்பான 25 அம்ச கோரிக்கைகளை வலியுறுத்தி மனு அளிப்பது எனவும், மனுவை பெறாத பட்சத்தில், குடியுரிமை திருத்த சட்டத்திற்கு எதிராக நாடாளுமன்றம் முன்பாக கண்டன கோஷமிடுவது என்பன உள்ளிட்ட தீர்மானங்கள் நிறைவேற்றப்பட்டன.

இதில், பெண்கள், குழந்தைகள் உட்பட திரளானோர் பங்கேற்று குடியுரிமை திருத்தச் சட்டம் (சிஏஏ), தேசிய குடிமக்கள் பதிவேடு (என்ஆா்சி), தேசிய மக்கள் தொகை பதிவேடு (என்பிஆா்) ஆகியவற்றை மத்திய அரசு திரும்பப் பெற வேண்டும். சிஏஏ க்கு எதிராக தமிழக சட்டமன்றத்தில் தீர்மானம் நிறைவேற்ற வேண்டும், என்ஆா்சி, என்பிஆா் ஆகிய பணிகள் நடைபெறாது என தமிழக அரசு அறிவிக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனர்.
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...