Pages

Wednesday, March 25, 2020

அதிராம்பட்டினத்தில் ஜமாத்தார்கள் அவரவர் வீடுகளில் தொழுதுகொள்ள அதிரை ஜமாஅத்துல் உலமா சபை அறிவுறுத்தல்!

அதிராம்பட்டினம், மார்ச் 25
அதிராம்பட்டினத்தின் அனைத்து ஜமாத்தார்கள் அவரவர் வீடுகளில் 5 வேளை ஜமாத் தொழுகையை தொழுதுகொள்ள அதிரை ஜமாஅத்துல் உலமா சபை இன்று (25-03-2020) புதன்கிழமை அறிவிப்பு வெளியிட்டுள்ளது.

இதுகுறித்து இன்று (25-03-2020) வெளியிட்டுள்ள அறிவிப்பில் கூறியிருப்பது;
உலகில் தற்போது ஏற்பட்டுள்ள அசாதாரண சூழலை நாம் அறிவோம். நோயின் வீரியம் அதிகமாகி வருவதைக் கருத்தில் கொண்டு, நம்மால் இயன்றளவு நம்மை நாம் தற்காத்துக்கொள்ள மார்க்கம் நமக்கு வழிகாட்டி இருப்பதன் அடிப்படையில், மறு அறிவிப்பு வரும் வரை பின்வரும் விசயங்களில் பேணவேண்டும்.

1] 5-வேளை தொழுகைகளுக்கும் பள்ளிவாசல்களில் பாங்கு சொல்லப்படும். ஜமாத்தார்கள் அனைவரும் அவரவர் வீடுகளில் தொழுது கொள்ள வேண்டும்.

2]  வெள்ளிக்கிழமை அன்றும் ஜமாத்தார்கள் அனைவரும் தங்களது இல்லங்களில் லுஹர் தொழுகையை தொழுதுகொள்ள வேண்டும்.

3] அவசிய தேவையின்றி வீடுகளிலிருந்து வெளியே வராமல் இருக்கும் படியும், இந்த சூழ்நிலை வெகுவிரைவில் மாறுவதற்கு அல்லாஹ்விடம் பாவமன்னிப்பு தேடுவதுடன் மற்ற நல் அமல்களில் ஈடுபடுமாறு ஜமாத்தார்கள் அனைவரையும் கேட்டுக்கொள்ளப்படுகிறது. என இவ்வாறு அதில் கூறப்பட்டுள்ளது.

முன்னதாக, அதிரை அனைத்து மஹல்லா கூட்டமைப்பு மற்றும் அதிரை அனைத்து ஜும்மா பள்ளிவாசல் நிர்வாகிகள் சிறப்பு ஆலோசனைக்கூட்டம் தக்வா பள்ளிவாசல் வளாகத்தில் நடைபெற்றது.

கூட்டத்திற்கு, அதிராம்பட்டினம் பெரிய ஜும்மா பள்ளிவாசல் நிர்வாகக் கமிட்டித் தலைவர் ஹாஜி எம்.எம்.எஸ் தாஜுதீன் தலைமை வகித்தார். புதுமனைத்தெரு முகைதீன் ஜும்மா பள்ளிவாசல் நிர்வாகக் கமிட்டித் தலைவர் ஹாஜி எம்.எஸ் ஷிகாபுதீன் மற்றும் அதிரை அனைத்து மஹல்லா கூட்டமைப்பு நிர்வாகிகள் முன்னிலை வகித்தனர்.

கூட்டத்தில், கரோனா வைரஸ் நோய் தொற்று தடுப்பு முன்னெச்சரிக்கை நடவடிக்கையாக தமிழகம் முழுவதும் மாா்ச் 24 ஆம் தேதி முதல் 144 தடை உத்தரவு பிறப்பிக்கப்பட்டுள்ள நிலையில், அதிராம்பட்டினத்தின் அனைத்து ஜும்மா பள்ளிவாசல்களில் வெள்ளிக்கிழமை ஜும்மா தொழுகை மற்றும் அனைத்து பள்ளிவாசல்களில் 5 வேளை ஜமாத் தொழுகை நடத்துவது தொடர்பாக விவாதிக்கப்பட்டது. நிறைவில், அதிரை உலமாக்கள் சபையை அணுகி அவர்கள் தீர்மானித்து அறிவிக்கும் முடிவை ஏற்றுக்கொண்டு அனைத்து பள்ளிவாசல்களிலும் அறிவிப்பது என முடிவு செய்யப்பட்டது குறிப்பிடத்தக்கது.
 
 
 

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...