Pages

Saturday, August 1, 2020

கரோனா வைரஸ் தடுப்பு நடவடிக்கை தொடர்பான ஆய்வுக்கூட்டம்!

அதிரை நியூஸ்: ஆக. 01
தஞ்சாவூர் மாவட்ட ஆட்சியர் அலுவலக கூட்டரங்கில் கரோனா வைரஸ் தடுப்பு நடவடிக்கை தொடர்பான ஆய்வுக் கூட்டம் முதன்மை செயலர்/ வருவாய் நிர்வாக ஆணையர் கே.பணிந்திர ரெட்டி தலைமையில் நடைபெற்றது. இக்கூட்டத்திற்கு மாவட்ட ஆட்சியர் ம.கோவிந்த ராவ் முன்னிலை வகித்தார்
   
இக்கூட்டத்தில் மாவட்ட ஆட்சியர் மாவட்டத்தில் மேற்கொள்ளப்பட்டுவரும் கரோனா தடுப்பு நடவடிக்கைகளான கட்டுப்பாட்டு பகுதிகளில்  பொதுமக்களுக்கு கபசுரக்குடிநீர் வழங்குவது, தன்னார்வலர்களை தடுப்பு பணிகளில் ஈடுப்படுத்துவது, மருத்துவர்கள், செவிலியர்கள், காவல்துறையினருக்கு சின்க் மாத்திரைகள், ஆர்சினிக் ஆல்பம் மாத்திரைகள் வழங்குவது, முகக்கவசம் வழங்குவது உள்ளிட்டவைகள் குறித்து வருவாய் நிர்வாக ஆணையர் அவர்களிடம் எடுத்துரைத்தார்.

மேலும் கரோனா வைரஸ் சிகிச்சைக்கு தேவையான மருத்துவ உபகரணங்கள் படுக்கை வசதிகள், அவசர ஊர்திகள் உள்ளிட்டவைகளின் கையிருப்பு குறித்து மாவட்ட ஆட்சியர் எடுத்துரைத்தார். வெளிமாவட்டம், வெளிமாநிலங்களிலிருந்து அத்தியாவசியப் பணிகளுக்காக முறையாக உரிய ஆவணங்களுடன் விண்ணப்பிப்பவர்களுக்கு இ-பாஸ் தாமதமின்றி வழங்கப்பட்டு வருகிறது.

தொடர்ந்து மாவட்ட எல்லைகளில் கரோனா வைரஸ் பரிசோதனை மேற்கொண்டு மாவட்டத்திற்குள் அனுமதிக்கப்படுகிறது. மாவட்டத்தில் இ-பாஸ் பெறாமல் வருகை தந்துள்ளவர்களை கண்டறிந்து அவர்களுக்கு கொரோனா வைரஸ் பரிசோதனை செய்யப்படுகிறது என மாவட்ட ஆட்சியர் அவர்கள் கூறினார்.

மேலும், மாவட்டம் முழுவதும் நடைபெற்று வரும் காய்ச்சல் கண்டறியும் முகாம்களை கூடுதலாக நடத்தவும், பொதுமக்களிடம் முகக்கவசம் அணிவது, சமூக இடைவெளியை பின்பற்றுவது ஆகியவைகள்  குறித்து தொடர்ந்து விழிப்புணர்வு ஏற்படுத்திட  வேண்டும் என வருவாய் நிர்வாக ஆணையர் அறிவுறுத்தினார்.
     
இக்கூட்டத்தில் மாவட்ட காவல் கண்காணிப்பாளர் தேஷ்முக் சேகர் சஞ்சய், மாவட்ட வருவாய் அலுவலர் அரவிந்தன், மாவட்ட ஊரக வளர்ச்சி முகமை திட்ட இயக்குநர் பழனி, தஞ்சாவூர் மாநகராட்சி ஆணையர் ஜானகி ரவீந்திரன், தஞ்சாவூர் வருவாய் கோட்ட அலுவலர் வேலுமணி, மாவட்ட ஆட்சியரின் நேர்முக உதவியாளர்(பொ) திரு.பாலச்சந்திரன் மற்றும் அனைத்து துறை முதன்மை அலுவலர்கள் கலந்து கொண்டனர்.

No comments:

Post a Comment

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.

1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.

2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.

3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.

4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.

செய்திகளை உடனுக்குடன் மின்னஞ்சலில் பெற...